Connect with us

ព័ត៌មានអន្ដរជាតិ

ប៉ូលិស វៀតណាម ឲ្យជនរងគ្រោះចាញ់បោកអតីតសេដ្ឋិនីដែលជាប់ទោស​ប្រហារជីវិត ប្រញាប់ទៅដាក់ពាក្យបណ្ដឹង

បានផុស

នៅ

ប៉ូលិសវៀតណាមបាននិយាយថា ជនរងគ្រោះជាច្រើននាក់ដែលចាញ់បោកក្រុមហ៊ុនអភិវឌ្ឍន៍អចលនទ្រព្យ Van Thinh Phat របស់អតីតសេដ្ឋិនី Truong My Lan តាមរយៈការចេញមូលបត្របំណុលក្លែងក្លាយចំនួន ៣០ ពាន់ពាន់លានដុង (១.១៨ ពាន់លានដុល្លារ) ត្រូវតែញាប់ដៃញាប់ជើងចេញមុខទៅដាក់ពាក្យបណ្ដឹង ។ នេះបើយោងតាមការចេញផ្សាយដោយសារព័ត៌មាន VN Express

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានបញ្ជាក់នៅក្នុងសេចក្តីប្រកាសព័ត៌មានមួយថា ជនរងគ្រោះទាំងនោះបានស្វែងរកអ្នកទិញអស់រយៈពេល ៨ ខែមកហើយដើម្បីបំពេញបែបបទឯកសារនៃមូលបត្របំណុលដែលចេញដោយខុសច្បាប់ ប៉ុន្តែក្នុងនោះជនរងគ្រោះមួយចំនួនក៏បានកំណត់អត្តសញ្ញាណអ្នកទិញខ្លះផងដែរ ខណៈអ្នកខ្លះទៀតមិនព្រមសហការជាមួយជនរងគ្រោះនោះឡើយ ។

ចន្លោះឆ្នាំ ២០១៨ ដល់ឆ្នាំ ២០២០ ក្រុមហ៊ុន Van Thinh Phat និងសាខារបស់ខ្លួនបានចេញមូលបត្របំណុលចំនួន ២៥ ដើម្បីផ្តល់ហិរញ្ញប្បទានដល់ប្រតិបត្តិការរបស់ពួកគេ និងដើម្បីបោកប្រាស់វិនិយោគិន ហើយក្នុងដំណើរការនោះ មានជនរងគ្រោះជាច្រើនបានចាញ់បោកក្រុមហ៊ុនអភិវឌ្ឍន៍អចលនទ្រព្យរបស់លោកស្រី Truong My Lan ខណៈប៉ូលិស​បាន​ព្រមាន​ថា​ អ្នក​ណា​ដែល​មិន​ដាក់​ពាក្យ​បណ្តឹង​នឹង​បាត់បង់​សិទ្ធិ​ទទួល​ស្គាល់​ថា​ជា “ជនរងគ្រោះ” ។

គួរបញ្ជាក់ថា អតីតសេដ្ឋិនីវៀតណាមលោកស្រី Truong My Lan ត្រូវបានកាត់ទោសប្រហារជីវិតពីបទចោទប្រកាន់ស៊ីសំណូកសូកប៉ាន់ និងបំពានបទប្បញ្ញត្តិធនាគារ Saigon Commercial Bank (SCB) កាលពីខែមុន ជាពិសេសគឺការកិបកេងបន្លំប្រាក់ពីធនាគារ SCB ចំនួន ៣០៤ ពាន់ពាន់លានដុង (១២.៣១ ពាន់លានដុល្លារ) និងបណ្តាលឲ្យខាតបង់ប្រាក់ចំនួន ៦៧៧ ពាន់ពាន់លានដុង (២៧ ពាន់លានដុល្លារ) ។ ទោះយ៉ាងណា ប្រធានក្រុមហ៊ុនអភិវឌ្ឍន៍អចលនទ្រព្យ Van Thinh Phat រូបនេះក៏បានប្តឹងឧទ្ធរណ៍ចំពោះការកាត់ទោសប្រហារជីវិតរបស់លោកស្រីផងដែរ ។

ក្រៅពីអតីតសេដ្ឋិនីរូបនេះហើយ ក៏នៅមាននាយកប្រតិបត្តិធនាគារ SCB ចំនួន ៣ នាក់ទៀតត្រូវបានតុលាការកាត់ទោសឲ្យជាប់ពន្ធនាគារអស់មួយជីវិតផងដែរ ។ ចំណែកលោក Do Thi Nhan ប្រធានអធិការកិច្ចធនាគារនៅធនាគាររដ្ឋវៀតណាម ក៏ត្រូវបានកាត់ទោសឲ្យជាប់គុកមួយជីវិតដូចគ្នា ពីបទទទួលសំណូកចំនួន ៥.២ លានដុល្លារ ដើម្បីបិទបាំងការកេងបន្លំនេះ ខណៈបក្ខពួក ៨១ នាក់​ផ្សេង​ទៀត​ត្រូវ​បាន​កាត់​ទោស​ឲ្យ​ជាប់​ពន្ធនាគារ​ពី ៣ ទៅ ២០ ឆ្នាំ ៕

ដោយ ៖ សុខ ជីវ័ន្ត

ចុចអាន ៖ ថៃ ទាញទម្លាក់អ្នកក្បែរខាង គ្រងតំណែងជាប្រទេសមានទេសចរមកលេង​កម្សាន្តច្រើនជាងគេនៅអាស៊ាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង២០ នាទី មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៤៥ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម