Connect with us

ព័ត៌មានអន្ដរជាតិ

ថៃ ទាញទម្លាក់អ្នកក្បែរខាង គ្រងតំណែងជាប្រទេសមានភ្ញៀវទេសចរមកលេងកម្សាន្តច្រើនជាងគេនៅអាស៊ាន

បានផុស

នៅ

បន្ទាប់ពីទាញទម្លាក់ដោយប្រទេសម៉ាឡេស៊ីកាលពីឆ្នាំមុន ពេលនេះប្រទេសថៃដែលល្បីរន្ទឺខ្លាំងខាងទាក់ទាញភ្លៀវទេសចរបរទេសបានហក់ឡើងគ្រងតំណែងជាប្រទេសមានគោលដៅទេចរណ៍ពេញនិយមបំផុតនៅតំបន់អាស៊ានសាជាថ្មីក្នុងត្រីមាសទី ១ នៃឆ្នាំនេះ ។ នេះបើយោងតាមការចេញផ្សាយដោយសារព័ត៌មានវៀតណាម VN Express កាលពីថ្ងៃទី១៧ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេស​ថៃ​បាន​ទទួល​ភ្ញៀវ​ទេសចរបរទេស​ចំនួន ៩.៣៧ លាន​នាក់ ​ក្នុង​អំឡុង​ខែ​មករា​ដល់​ខែ​មីនា ដោយសារតែប្រទេសដែលមានសេដ្ឋកិច្ចធំទី ២ របស់អាស៊ានមួយនេះ បានដាក់ចេញនូវគោលនយោបាយផ្សព្វផ្សាយទេសចរណ៍ជាបន្តបន្ទាប់ រួមទាំងការលើកលែងទិដ្ឋាការជាអចិន្ត្រៃយ៍សម្រាប់ទេសចរចិន ។

ចំណែកម៉ាឡេស៊ីដែលបានគ្រងតំណែងជាមុខព្រួញទេសចរណ៍ក្នុងតំបន់កាលពីឆ្នាំមុន ធ្លាក់មកលំដាប់ទី ២ ពោលទាក់ទាញអ្នកទេសចរបរទេសឲ្យហោះមកចុះចតចំនួន ៥.៨ លាននាក់ប៉ុណ្ណោះ ប៉ុន្តែបានកើនឡើង ៣២ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ។

ដោយឡែកប្រទេសវៀតណាមជាប់ចំណាត់ថ្នាក់លេខ ៣ មានអ្នកទេសចរបរទេសហោះមកលេងកម្សាន្តចំនួន ៤.៦ លាននាក់ កើនឡើង ៧២ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន តោងពីក្រោយដោយប្រទេសសិង្ហបុរីមានភ្ញៀវទេសចរចំនួន ៤.៣៥ លាននាក់ កើនឡើង ៥០ ភាគរយ ខណៈឥណ្ឌូណេស៊ី​គ្រង​លេខ ​៥ ទាញភ្ញៀវ​ទេសចរ​បរទេស​ចំនួន ​៣ ​លាន​នាក់​ក្នុង​ត្រីមាស​ទី ១ នៃឆ្នាំនេះ ​។

ទន្ទឹមនឹងនេះ ប្រទេសហ្វីលីពីនបានស្វាគមន៍ភ្ញៀវទេសចរចំនួន ១.៦ លាននាក់ កើនឡើង ២១.៣ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ខណៈកម្ពុជាបានទាក់ទាញភ្ញៀវទេសចរអន្តរជាតិចំនួន ១.៥៨ លាននាក់ ក្នុងអំឡុងពេលដូចគ្នា ប៉ុន្តែកើនឡើង ២២.៥ ភាគរយ ។ រីឯឡាវ​បាន​ស្វាគមន៍​ភ្ញៀវ​ទេសចរបរទេស​តែ ១ លាន​នាក់​ប៉ុណ្ណោះ ។

គួរបញ្ជាក់ថា បណ្តាប្រទេសអាស៊ានដូចជា ថៃ សិង្ហបុរី និងម៉ាឡេស៊ីបាននឹងកំពុងខ្នះខ្នែងប្រកួតប្រជែងគ្នាដើម្បីទាក់ទាញទីផ្សារទេសចរណ៍បរទេសដែលមានសក្តានុពលដូចជា ទេសចរចិន ឥណ្ឌា និងអឺរ៉ុប ជាមួយនឹងគោលនយោបាយលើកលែងទិដ្ឋាការ ឬបន្តការស្នាក់នៅដោយគ្មានទិដ្ឋាការជាដើម ៕

ដោយ ៖ សុខ ជីវ័ន្ត

ចុចអាន ៖ ផុតក្តៅ! ថៃ ព្រមានគ្រោះទឹកជំនន់នៅ ២៦ខេត្ត ខណៈបាងកក ត្រៀមម៉ាស៊ីនបូមទឹក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១១ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ២០ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ១៥ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

សន្តិសុខសង្គម១៩ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

Sokha Hotels

ព័ត៌មានពេញនិយម