ព័ត៌មានអន្ដរជាតិ
៣រដ្ឋនៅអាមេរិក ជួបព្យុះកំបុតត្បូងកាចសាហាវ ស្លាប់មនុស្ស ១៨នាក់
តាមការចុះផ្សាយរបស់ CNN, ព្យុះកំបុតត្បូងដ៏កាចសាហាវ បានវាយប្រហារ៣រដ្ឋនៅអាមេរិក ដូចជា Texas, Arkansas និង Oklahoma កាលពីចុងសប្តាហ៍កន្លងទៅ ដោយបណ្តាលឲ្យមនុស្សចំនួន១៨នាក់ បាត់បង់ជីវិត ក្នុងនោះរួមមានទាំងកុមារតូចៗ២នាក់ផងដែរ។
ស្របពេលជាមួយគ្នានោះ តាមការចុះផ្សាយរបស់ NBC, គិតត្រឹមល្ងាចថ្ងៃអាទិត្យទី២៦ខែឧសភា មនុស្សប្រមាណ២០នាក់ ក៏រងរបួសក្នុងគ្រោះធម្មជាតិនេះដែរ។
មិនត្រឹមប៉ុណ្ណឹង មនុស្សសរុប ៤៨០ ០០០នាក់នៅក្នុងរដ្ឋទាំង៣ខាងលើ ត្រូវជួបការលំបាកព្រោះគ្មានអគ្គិសនីប្រើប្រាស់ ខណៈជាង ១១០លាននាក់ទៀត ត្រូវគេព្រមានឲ្យប្រុងប្រយ័ត្ន។
ទន្ទឹមនោះ ទូរទស្សន៍ WFAA ក្នុងទីក្រុង Dallas ក៏ផ្សាយដែរថា Texas គឺជារដ្ឋដែលរងគ្រោះធ្ងន់ធ្ងរជាងគេដោយសារឥទ្ធិពលព្យុះកំបុតត្បូង ហើយបច្ចុប្បន្ន ក្រុមការងារកំពុងធ្វើប្រតិបត្តិការស្វែងរកនិងជួយសង្គ្រោះ ក៏ដូចជាវាយតម្លៃទំហំនៃការខូចខាត។
លើសពីនេះ ប្រជាជនអាមេរិករាប់លាននាក់នៅរដ្ឋ Mississippi, Ohio និង Tennessee ក៏កំពុងប្រឈមនឹងហានិភ័យនៃព្យុះព្រឹលធ្ងន់ធ្ងរ ខ្យល់បក់ខ្លាំង និងព្យុះកំបុតត្បូងកាចសាហាវផងដែរ។
ដោយសារតែបញ្ហានេះហើយ ទើបតំបន់មួយចំនួនកំពុងគិតគូរផ្អាកជើងហោះហើរ ដែលនឹងបណ្តាលឲ្យមានការរំខានដល់ការធ្វើដំណើរផ្លូវអាកាសជាក់ជាមិនខាន។
ជាចុងក្រោយ ក្រុមអ្នកឧតុនិយមបានចេញការព្យាករថា អាកាសធាតុកាចសាហាវបែបនេះ នឹងបន្តរហូតដល់សប្តាហ៍ក្រោយឯណោះ ដូច្នេះសូមប្រជាពលរដ្ឋទាំងឡាយ ត្រៀមខ្លួននិងបន្តប្រុងប្រយ័ត្ន៕
សូមទស្សនាវីដេអូ៖
អត្ថបទ៖ សុខ សុវណ្ណ
ចុចអាន៖ ព្យុះកំបុតត្បូងវាយប្រហាររដ្ឋ Tennessee ផ្តាច់ជីវិតមនុស្ស៦នាក់ និងបង្កការបំផ្លិចបំផ្លាញធំធេង
-
ព័ត៌មានជាតិ៣ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ១ សប្តាហ៍ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
សន្តិសុខសង្គម៦ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា៧ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៤ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ៦ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម៦ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៤ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង