Connect with us

ព័ត៌មានអន្ដរជាតិ

ពូទីន៖ រុស្ស៊ី មាននុយក្លេអ៊ែរ ខ្លាំងជាងគ្រាប់បែកអាមេរិក ទម្លាក់នៅ ហ៊ីរ៉ូស៊ីម៉ា ៤ដង

បានផុស

នៅ

ថ្លែងក្នុងវេទិកាសេដ្ឋកិច្ចអន្តរជាតិ St. Petersburg (SPIEF) កាលពីថ្ងៃសុក្រទី៧ខែមិថុនា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានអះអាងថា ទីក្រុងមូស្គូ មានអាវុធនុយក្លេអ៊ែរ ខ្លាំងជាងគ្រាប់បែកដែលអាមេរិកទម្លាក់នៅទីក្រុងហេរ៉ូស៊ីម៉ានៃប្រទេសជប៉ុន ៣ទៅ៤ដងឯណោះ ហើយទាំងរុស្ស៊ីនិងអាមេរិក សុទ្ធតែមានប្រព័ន្ធព្រមានការវាយប្រហារនុយក្លេអ៊ែរយ៉ាងល្អ ដើម្បីស្ទាក់ចាប់មីស៊ីលដែលហោះចូលមក ប៉ុន្តែសមាជិកណាតូខ្លះមិនមានទេ។ ដូច្នេះមានន័យថា ក្នុងព្រឹត្តិការណ៍វាយប្រហារណាមួយ ប្រទេសអឺរ៉ុបទាំងនោះ អាចរងគ្រោះធ្ងន់។

ប្រធានាធិបតីរុស្ស៊ីលោក វ្ល៉ាឌីមៀរ ពូទីន (រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ទីក្រុងមូស្គូ មិនដែលចង់ឬសូម្បីតែគិតប្រើប្រាស់អាវុធនុយក្លេអ៊ែ ព្រោះថា ស្ថានកា​រណ៍នាពេលបច្ចុបន្ននេះ មិនទាន់ធ្ងន់ធ្ងរដល់ថ្នាក់ឲ្យខ្លួនរៀបចំផែនការបាញ់នុយក្លេអ៊ែរឡើយ។

នៅពេលត្រូវបានសួរថាតើ រុស្ស៊ីគួរពង្រឹងការត្រៀមលក្ខណៈបាញ់នុយក្លេអ៊ែរឲ្យខ្លាំងជាងនេះដែរឬក៏អត់នោះ? លោកឆ្លើយថា រុស្ស៊ីមិនដែលនិយាយថាខ្លួនត្រៀមចុចបូតុងក្រហមទេ។ ទីក្រុងមូស្គូ តែងតែអំពាវនាវដល់ប្រទេសទាំងឡាយ ឲ្យដោះស្រាយបញ្ហានេះយ៉ាងយកចិត្តទុកដាក់ជាទីបំផុត។

អាវុធនុយក្លេអ៊ែររុស្ស៊ី (រូបថត៖ Getty)

តាមការអះអាងពីលោកពូទីន, គោលការណ៍នុយក្លេអ៊ែររបស់រុស្ស៊ី បញ្ជាក់យ៉ាងច្បាស់ថា អាវុ​ធបរមាណូអាចប្រើប្រាស់បានតែចំពោះមុខប្រទេសរងការគំរាមកំហែងដល់អធិបតេយ្យនិងបូ​រណភាពទឹកដីប៉ុណ្ណោះ។ បើរុស្ស៊ីមិនទាន់ឈានដល់ដំណាក់កាលនេះ អាវុធនុយក្លេអ៊ែរ គ្មានថ្ងៃហោះចេញឡើយ។ ទោះបីជាយ៉ាងណាក៏ដោយ គោលការណ៍នេះ អាចផ្លាស់ប្តូរគ្រប់ពេលវេលា។

សូមបញ្ជាក់ថា ហ៊ីរ៉ូស៊ីម៉ា គឺជាទីក្រុងជប៉ុនដំបូងគេដែលត្រូវបានទម្លាក់គ្រាប់បែកដោយសហរដ្ឋអាមេរិក នៅថ្ងៃទី៦ខែសីហាឆ្នាំ១៩៤៥ ដោយបានសម្លាប់មនុស្សប្រហែល៨០ ០០០នាក់។ ៣​ថ្ងៃ​ក្រោយ​មក អាមេរិក​បាន​​ទម្លាក់​គ្រាប់​បែក​លើ​ទីក្រុង ណាហ្គាសាគី មួយទៀត ដោយសម្លាប់​មនុស្ស​ប្រហែល៤ម៉ឺន​នាក់ ហើយប្រទេសជប៉ុន ក៏​បាន​ប្រកាស​ចុះចាញ់សង្គ្រាម​តែម្តងនៅ​ថ្ងៃ​ទី១៥ខែសីហា ឆ្នាំ១៩៤៥៕

អត្ថបទ៖ សុខ សុវណ្ណ

ចុចអាន៖ លើកនេះ លោក ពូទីន ចេញមុខផ្ទាល់ គំរាមបាញ់នុយក្លេអ៊ែរ លើបស្ចិមប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

សេចក្ដីជូនដំណឹង៧ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម