Connect with us

ព័ត៌មានអន្ដរជាតិ

ឪពុកនិងកូន​ អង់គ្លេស​ ក្រោយកើត​​មហារីក​ក្រពេញ​ប្រូស្តាត បង្ហាញ​រឿង ៣ ដែល​បុរស​គួរ​ធ្វើ​មុន​គេ

បានផុស

នៅ

នៅអាយុ ៧៦ ឆ្នាំ លោក Bob Ridley តែងតែមានការព្រួយបារម្ភអំពីជំងឺមហារីកក្រពេញប្រូស្តាត។ ព្រោះ​ឪពុក​គាត់​ធ្លាប់​មាន​ជំងឺ​នេះ​ពី​មុន​មក។ ដូច្នេះគាត់វាស់កម្រិត PSA (Prostate-Specific Antigen) ជាទៀងទាត់។​​ ទោះជាយ៉ាងណាក៏ដោយ Bob បានរកឃើញថាកម្រិត PSA របស់គាត់គឺខ្ពស់ជាងធម្មតា។ មុន​នឹង​ត្រូវ​គេ​រក​ឃើញ​ថា​មាន​ជំងឺ​មហារីក​ក្រពេញ​ប្រូស្តាត​ដំណាក់​កាល​ទី​៣ ក្រុម​គ្រូពេទ្យ​បាន​ព្យាករ​ថា​គាត់​នឹង​មានពេលវេលាត្រឹម​តែ​១០​ឆ្នាំ​ប៉ុណ្ណោះ​ដើម្បី​រស់។

ពីរបីសប្តាហ៍ក្រោយមក កូនប្រុសអាយុ ៥២ ឆ្នាំរបស់ Andrew Ridley បានចាប់ផ្តើមមានការឈឺចាប់នៅចំហៀងខ្លួនរបស់គាត់។ វេជ្ជបណ្ឌិតបានព្យាករណ៍ គាត់ប្រហែលជាមានគ្រួសក្នុងតម្រងនោម ប៉ុន្តែការស្គេន CT បានបង្ហាញឲ្យឃើញនូវកូនកណ្តុរដែលរីកធំខុសពីធម្មតានៅក្នុងពោះ និងត្រគាករបស់គាត់។

Andrew កូនប្រុសរបស់លោក Bob ក៏ត្រូវបានគេធ្វើរោគវិនិច្ឆ័យថាមានជំងឺមហារីកក្រពេញប្រូស្តាតដំណាក់កាលទី ៤ ផងដែរ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមួយខែក្រោយមក គ្រូពេទ្យបានបញ្ជាក់ថា លោក Andrew មានជំងឺមហារីកក្រពេញប្រូស្តាតដំណាក់កាលទី ៤ ដែលបានរីករាលដាលដល់ឆ្អឹងខ្នង និងខួរឆ្អឹងរបស់គាត់ហើយឲ្យគាត់រស់នៅបានត្រឹមតែ ៥ ឆ្នាំទៀតប៉ុណ្ណោះ។

សម្រាប់គ្រួសារ Ridley វាត្រូវបានចាត់ទុកថាពិបាកដោះស្រាយណាស់។ ប៉ុន្តែអ្នកទាំងពីរមានសុទិដ្ឋិនិយម និងបានទទួលការព្យាបាលជាមួយនឹងការព្យាបាលដោយអរម៉ូន និងការព្យាបាលដោយប្រើគីមី ដើម្បីពន្យឺតការវិវត្តនៃជំងឺមហារីកបន្ថែមទៀត។

រឿងរ៉ាវរបស់គ្រួសារ Ridley វាគឺជាការរំលឹកដល់បុរសទាំងអស់អំពីសារៈសំខាន់នៃការរកឃើញជំងឺមហារីកដំបូង។ ជាពិសេសមហារីកក្រពេញប្រូស្តាត នេះ​ជា​ជំងឺ​មហារីក​ដែល​កើត​មាន​ច្រើន​បំផុត​ចំពោះ​បុរស​រឿង ៣ ដែល​បុរស​គួរ​ធ្វើ​រួម​មាន៖

១ ពិនិត្យកម្រិត PSA ជាប្រចាំ

ការធ្វើតេស្តឈាមដើម្បីវាស់កម្រិត PSA (Prostate-Specific Antigen) គឺជាវិធីមួយដើម្បីរកមើលជំងឺមហារីកក្រពេញប្រូស្តាតនៅដំណាក់កាលដំបូង។ ពួកគេប្រហែលជាមិនទាន់មានរោគសញ្ញានៅឡើយ។

២ សង្កេតមើលរោគសញ្ញាមិនប្រក្រតី

យកចិត្តទុកដាក់ចំពោះរោគសញ្ញាមិនធម្មតាដូចជា ឈឺខ្នង ឈឺឆ្អឹង ពិបាកបត់ជើងតូច ឬមានឈាមក្នុងទឹកនោម។ប្រសិនបើអ្នកជួបប្រទះរោគសញ្ញាទាំងនេះ អ្នកគួរតែពិគ្រោះជាមួយវេជ្ជបណ្ឌិតជាបន្ទាន់។

៣ ពិគ្រោះជាមួយវេជ្ជបណ្ឌិត

ប្រសិនបើអ្នកមានប្រវត្តិគ្រួសារមានជំងឺមហារីក ឬមានកត្តាហានិភ័យផ្សេងទៀត។ អ្នកគួរតែទៅពិគ្រោះជាមួយវេជ្ជបណ្ឌិតរបស់អ្នកភ្លាមៗ ដើម្បីរៀបចំផែនការធ្វើតេស្តរកមើលមហារីកសមស្រប៕

Bob Ridley ធ្វើរោគវិនិច្ឆ័យថាមានជំងឺមហារីកក្រពេញប្រូស្តាតដំណាក់កាលទី៣ ក្នុងអាយុ ៧៥ ឆ្នាំ

អត្ថបទ៖ សាង ស្រីល័ក្ខ

ចុចអាន៖ស្រ្តី អាមេរិក អាយុ១១៤ឆ្នាំ ប្រាប់​គន្លឹះ​​អាយុ​វែង​ ក្រោយចូល​កំណត់ត្រា​ពិភពលោក Guinness

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២១ ម៉ោង មុន

ភរិយាលោកគ្រូ អេ ភូថង ចេញសារ​សុំទោស​រឿង​តវ៉ាម្សិលមិញ

ព័ត៌មានអន្ដរជាតិ២២ ម៉ោង មុន

ត្រួសៗ​អំពីលោកស្រី កាម៉ាឡា ហារីស ដែលលោក បៃដិន គាំទ្រជា​បេក្ខភាព​ប្រធានាធិបតី​អាមេរិក

ព័ត៌មានជាតិ១៦ ម៉ោង មុន

តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់

ព័ត៌មានអន្ដរជាតិ១៩ ម៉ោង មុន

អាជ្ញាធរ​ម៉ាឡេស៊ី ស្ទាក់ចាប់​នាវា​ដឹក​ប្រេង​ដែលរត់​គេច ក្រោយ​បុក​គ្នានាវា​សិង្ហបុរី​

ព័ត៌មានអន្ដរជាតិ១៦ ម៉ោង មុន

បៃដិនដកខ្លួន មាន​ន័យថា លោក​ ​ត្រាំ​ ​ជួប​គ្រោះ​ធំក្នុងដំណើរ​ទៅ​​អង្គុយ​​កៅអីសេតវិមាន​​​​ជាថ្មី​​

Sokha Hotels

ព័ត៌មានពេញនិយម