Connect with us

ព័ត៌មានអន្ដរជាតិ

រដ្ឋមន្ត្រី​លីបង់ បដិសេធ​​រឿង​ដែល​ថា ក្រុម​ហេសបូឡា ផ្ទុក​មីស៊ីល និង​រ៉ុក្កែត​​​នៅ​ព្រលាន​យន្ត​ហោះ

បានផុស

នៅ

ក្រសួង​ដឹក​ជញ្ជូន​លីបង់ បានធ្វើ​សន្និសីទ​កាសែត​​កាល​ពី​ថ្ងៃ​ទី​២៣ ខែ​មិថុនា ថា មិន​​មាន​ការ​លួច​ផ្ទុក​​គ្រឿង​សព្វាវុធ​នោះ​ទេ​នៅ​ព្រលាន​យន្តហោះ​អន្តរជាតិ​រដ្ឋធានី Beirut ខណៈ​​​ជម្លោះ​ប្រដាប់​​​​អាវុធ​កំពុង​កើន​​កម្ដៅ​ខ្លាំង​រវាង​ក្រុម​​យោធា​ហេសបូឡា និង​​ប្រទេស​អ៊ីស្រាអែល។

ព្រលាន​យន្តហោះ​អន្តរជាតិ​រដ្ឋធានី Beirut (រូបភាព៖ Flickr)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ali Hamieh រដ្ឋមន្ត្រី​ក្រសួង​ដឹក​ជញ្ជូន​លីបង់ បាន​​​​បដិសេធ​ចំពោះ​អត្ថបទ​ព័ត៌មាន​មួយ​ ដែល​​​ចេញ​ផ្សាយ​ដោយ​សារព័ត៌មាន​អង់គ្លេស The Telegrahp ដែល​​​ថា ក្រុម​ហេសបូឡា បាន​​ផ្ទុក​​​គ្រាប់​មីស៊ីល និង​​គ្រាប់​រ៉ុក្កែត​ជា​​ច្រើន​នៅ​ព្រលាន​យន្តហោះ។ លោក​រដ្ឋមន្ត្រី និយាយ​ថា “ខ្ញុំ​កំពុង​ធ្វើ​សន្និសីទ​សារព័ត៌មាន​នេះ ដើម្បី​បញ្ជាក់​ឲ្យ​ច្បាស់​ថា អ្វី​គ្រប់​យ៉ាង​ដែល​បាន​សរសេរ​នៅ​ក្នុង The Telegraph គឺ​ជា​រឿង​មិន​ពិត ហើយ​​ខ្ញុំ​សូម​និយាយ​ថា មិន​​មាន​អាវុធ​​នាំ​ចូល ឬ​នាំ​ចេញ​ពី​​ព្រលាន​យន្តហោះ Beirut នោះ​ទេ”។

នៅ​ក្នុង​សន្និសីទ​​នេះ លោក Hamieh បាន​​អញ្ជើញ​ឲ្យ​អគ្គរដ្ឋទូត និង​ក្រុម​អ្នក​កាសែត​ ដើរ​ត្រួត​ពិនិត្យ​បរិវេណ​​ទាំង​អស់​នៅ​ទូទាំង​ព្រលាន​យន្តហោះ Beirut។

(រូបភាព៖ AP)

គួរ​រំឭក​ថា The Telegrah បាន​ចុះ​ផ្សាយ​​ថា ក្រុម​ហេសបូឡា បាន​លួច​ប្រើប្រាស់​ព្រលានយន្ត​ហោះ Beirut សម្រាប់​​ផ្ទុក​អាវុធ​ខ្នាត​ធំ ដែល​ត្រូវ​បាន​ផ្គត់ផ្គង់​ដោយ​​ប្រទេស​អ៊ីរ៉ង់។ អាវុធ​ទាំង​នោះ មាន​ដូចជា មីស៊ីល​ប៉ាលិស្ទិក មីស៊ីល​​​បាញ់​រថគ្រោះ និង​គ្រាប់​រ៉ុក្កែត។ សារព័ត៌មាន​អង់គ្លេស​មួយ​នេះ បាន​ឲ្យ​ដឹង​ទៀត​ថា កងកម្លាំង​អ៊ីស្រាអែល បាន​​​ព្រមាន​ថា យុទ្ធសាស្ត្រ​នៃ​​ការ​ផ្ទុក​អាវុធ​ទាំង​នេះ​នៅ​ក្នុង​តំបន់​ស៊ីវិល នឹង​អាច​ប៉ះពាល់​ខ្លាំង​ចំពោះ​​ប្រជាជន​ស្លូតត្រង់។ អ៊ីស្រាអែល ថា ប្រសិន​បើ​ហេសបូឡា​​បើក​ការ​វាយ​ប្រហារ​បាញ់​​​ចេញ​ពី​ព្រលាន​យន្តហោះ​នេះ​មែន នោះ​អ៊ីស្រាអែល​នឹង​​គ្មាន​ជម្រើស​​​ទេ គឺ​មាន​តែ​បាញ់​តប​ត ហើយ​អាច​បង្ក​ជា​ហានិភ័យ​​ធ្ងន់ធ្ងរ​ដល់​ជន​ស៊ីវិល​ និង​បង្ក​ឲ្យ​មាន​ការ​ថ្កោលទោស​ពី​អន្តរជាតិ​​មិន​ខាន។

សូម​បញ្ជាក់​ថា ភាព​តាន​តឹង​រវាង​អ៊ីស្រាអែល និង​លីបង់ បាន​​​ចាប់​ផ្ដើម​ឡើង​​កាល​ពី​ថ្ងៃ​ទី​៨ ខែ​តុលា ឆ្នាំ​២០២៣ ក្រោយ​ពី​ក្រុម​ហេសបូឡា ដែល​មាន​ការ​គាំទ្រ​ដោយ​អ៊ីរ៉ង់ បាន​បើក​​ការ​វាយ​ប្រហារ​ដោយ​​​រ៉ុក្កែត​​ជា​ច្រើន​គ្រាប់​ទៅ​​​លើ​អ៊ីស្រាអែល មួយ​ថ្ងៃ​បន្ទាប់​ពី​ការ​វាយ​ប្រហារ​របស់​ក្រុម​ហាម៉ាស។ ជា​ការ​សង​សឹក អ៊ីស្រាអែល​ បាន​បាញ់​កាំភ្លើង​ធំ​សំដៅ​ទៅ​ភាគ​អាគ្នេយ៍​ប្រទេស​លីបង់។ ចាប់​តាំង​ពី​ពេល​នោះ​មក ជម្លោះ​ប្រដាប់​អាវុធ​​បាន​និង​កំពុង​កើត​ឡើង​ស្ទើរ​ជា​រៀងរាល់​ថ្ងៃ​រវាង​​​ភាគី​ទាំង​សងខាង។ យ៉ាង​​​ណា​មិញ ការ​វាយ​ប្រហារ​កាល​ពី​ពេល​ថ្មីៗ​នេះ កាន់​តែ​មាន​​ទ្រង់ទ្រាយ​ធំ​ឡើងៗ បន្ទាប់​ពី​អ៊ីស្រាអែល​បាន​សម្លាប់​​​​លោក Taleb Abdallah មេប​ញ្ជាការ​មួយ​រូប​របស់​ក្រុម​ហេសបូឡា។

យោង​​តាម​​ទីភ្នាក់ងារព័ត៌មាន AFP បាន​ឲ្យ​ដឹង​ថា អ៊ីស្រាអែល​បាន​បើក​ការ​វាយ​ប្រហារ​ និង​សម្លាប់​ក្រុម​ប្រយុទ្ធ Hezbollah នៅ​លីបង់ ប្រមាណ ៤៨០​​នាក់ ដោយ​ក្នុង​នោះ​មាន​ជន​​ស៊ីវិល​ប្រហែល​៩៣​​នាក់ ដែល​តួ​លេខ​នេះ​គឺ​ជា​ចំនួន​​ខ្ពស់​​បំផុត​មួយ​​គិត​ចាប់​តាំង​ពី​ឆ្នាំ​២០០៦ បន្ទាប់​ពី​​ជម្លោះ​រ៉ាំរ៉ៃ​​​រវាង​ភាគី​ទាំង​២។ ដោយ​ឡែក បើ​តាម​អ៊ីស្រាអែល​វិញ ក្រុម​លីបង់​បាន​វាយ​​ប្រហារ​និង​សម្លាប់​ទាហាន​របស់​ខ្លួន​​អស់​ចំនួន ១៥​នាក់ និង​ជន​ស៊ីវិល ១១​នាក់៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ ម៉ោង មុន

អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ

សន្តិសុខសង្គម១៧ ម៉ោង មុន

ជនល្មើស ស្រី ស៊ីណា ជាប់សំណុំរឿង២ អាចជាប់ពន្ធនាគារ ពី ២០ ទៅ ៣០ ឆ្នាំ

ព័ត៌មានអន្ដរជាតិ២ ម៉ោង មុន

ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់

សេដ្ឋកិច្ច១៩ ម៉ោង មុន

មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ

សន្តិសុខសង្គម២ ម៉ោង មុន

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

Sokha Hotels

ព័ត៌មានពេញនិយម