ព័ត៌មានអន្ដរជាតិ
ពិតឬទេប្រពន្ធលោក ហ្សេលេនស្គី យកលុយអាមេរិកទិញរថយន្តប្រណីតជិត៥លានដុល្លារ?
លោកស្រី Olena Zelanska ភរិយារបស់ប្រធានាធិបតីអ៊ុយក្រែន បានរងការចោទប្រកាន់នៅលើបណ្ដាញសង្គម ពាក់ព័ន្ធនឹងការទិញរថយន្តប្រណីត Bugatti Tourbillon មួយគ្រឿង ដែលជាប្រភេទរថយន្តកម្រ មានតម្លៃប្រមាណ ៤,៨លានដុល្លារឯណោះ អំឡុងដំណើរទស្សនកិច្ចនៅទីក្រុងប៉ារីស ប្រទេសបារាំង កាលពីខែមិថុនាកន្លងទៅ។ បន្ថែមពីនេះ លោកស្រីត្រូវគេចោទថា លុយដែលយកទៅទិញរថយន្តនោះ គឺបានមកពីការកិបកេងថវិកាជំនួយរបស់សហរដ្ឋអាមេរិក ដែលផ្ដល់ឲ្យអ៊ុយក្រែននៅក្នុងសង្គ្រាមជាមួយរុស្ស៊ី។
វីដេអូដែលបានបង្ហោះចោទប្រកាន់លោកស្រី Olena ទទួលការទទួលទស្សនាជាង ១៨លានដង ត្រឹមរយៈពេល២៤ម៉ោងប៉ុណ្ណោះនៅលើបណ្ដាញសង្គម X។ បើយោងតាមការចុះផ្សាយរបស់សារព័ត៌មាន CNN និងសារព័ត៌មាន BBC កាលពីថ្ងៃទី៣ ខែកក្កដា រាល់ការចោទប្រកាន់ទាំងនេះគឺជារឿងដែលមិនពិតទាល់តែសោះ ខណៈវីដេអូដែលច្នៃប្រឌិតរឿងបោកប្រាស់នេះ ត្រូវបានធ្វើឡើងដោយបច្ចេកវិទ្យា AI ប៉ុណ្ណោះ ដែលទំនងជាការបង្កើតឡើងរបស់ក្រុមអ្នកគាំទ្ររុស្ស៊ី។ មួយវិញទៀត ក៏មានការប្រកាសពីខាងក្រុមហ៊ុនរថយន្ត Bugatti នៅប៉ារីសផងដែរថា លិខិតទិញលក់ដែលត្រូវបានបង្ហោះគឺជាលិខិតក្លែងក្លាយ ហើយពួកគេក៏មិនដែលបានលក់រថយន្តណាមួយឲ្យទៅលោកស្រី Olena នោះទេ កាលពីថ្ងៃទី៧ ខែមិថុនាកន្លងទៅ។
សូមបញ្ជាក់ថា នេះមិនមែនជាលើកទី១នោះឡើយ ដែលក្រុមគ្រួសាររបស់លោក ហេ្សលេនស្គី ត្រូវរងការវាយប្រហារតាមប្រព័ន្ធបណ្ដាញសង្គម ពាក់ព័ន្ធនឹងអំពើពុករលួយយកលុយទៅទិញរបស់របរមានតម្លៃជាច្រើន។ តួយ៉ាងដូចជា កាលពីខែកញ្ញា ឆ្នាំ២០២៣ លោកស្រី Olena ត្រូវក្រុមរុស្ស៊ីប្រើបច្ចេកវិទ្យា AI ប្រឌិតរឿងទិញគ្រឿងអលង្ការក្នុងតម្លៃ ១,១លានដុល្លារ នៅទីក្រុងញ៉ូវយ៉ក សហរដ្ឋអាមេរិក។ មួយវិញទៀត លោក ហ្សេលេនស្គី ក៏ធ្លាប់រងការចោទប្រកាន់ផងដែរថា បានសាងសង់វិមានដ៏ស្គឹមស្គៃតម្លៃរាប់លានដុល្លារជាច្រើនកន្លែង មានទាំងនៅអាមេរិក អ៊ីតាលី អង់គ្លេស និងបារាំង ជាដើម៕
ដោយ៖ ឈាង
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?