ព័ត៌មានអន្ដរជាតិ
ស្លាប់១១នាក់ និងបាត់ខ្លួន១៩នាក់ ព្រោះបាក់ដីនៅអណ្ដូងរ៉ែមាសខុសច្បាប់នៅឥណ្ឌូណេស៊ី
ករណីបាក់ដី ដែលបង្កឡើងដោយសារភ្លៀងធ្លាក់ខ្លាំងនៅអណ្ដូងរ៉ែមាសខុសច្បាប់មួយកន្លែងលើកោះ Sulawesi ប្រទេសឥណ្ឌូណេស៊ី បានសម្លាប់មនុស្សយ៉ាងហោចណាស់ចំនួន ១១នាក់ ខណៈមនុស្ស ១៩នាក់ផ្សេងទៀតកំពុងបាត់ខ្លួន។
ទីភ្នាក់ងាររុករក និងជួយសង្គ្រោះរបស់ឥណ្ឌូណេស៊ី បានប្រកាសថា មានអ្នកភូមិប្រហែល ៣៥នាក់ កំពុងជីករករ៉ែមាស កាលពីថ្ងៃអាទិត្យម្សិលមិញ នៅអណ្ដូងរ៉ែមាសមួយកន្លែង ដែលគ្មានច្បាប់អនុញ្ញាត ស្ថិតនៅស្រុក Bone Bolango ខេត្ត Gorontalo មុនពេលមានការបាក់រអិលដីភក់ជាច្រើនតោនពីលើភ្នំចូលទៅក្នុងរណ្ដៅកើតហេតុ។ ក្រុមអ្នកសង្គ្រោះ បានជួយអ្នករបួស ៥នាក់ កាលពីថ្ងៃអាទិត្យ ហើយបានរកឃើញសាកសពចំនួន ១១នាក់ គិតត្រឹមព្រឹកថ្ងៃច័ន្ទនេះ។ ប្រតិបត្តិការជួយសង្គ្រោះកំពុងបន្តធ្វើ ដើម្បីរកមនុស្ស ១៩ នាក់ផ្សេងទៀតដែលត្រូវបានរាយការណ៍ថាបានបាត់ខ្លួន។
អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយជាតិឥណ្ឌូណេស៊ី លោក Abdul Muhari បាននិយាយថា ភ្លៀងបានធ្លាក់យ៉ាងគំហុកនៅតំបន់កើតហេតុ ចាប់តាំងពីថ្ងៃសៅរ៍ ហើយក៏បានធ្វើឲ្យបាក់ទំនប់ទឹក ដែលបណ្តាលឲ្យមានទឹកជំនន់ជន់លិចដល់ទៅកម្ពស់ ៣ម៉ែត្រ នៅភូមិចំនួន៥ ក្នុងស្រុក Bone Bolango។ ផ្ទះជិត៣០០ខ្នង បានរងផលប៉ះពាល់ ហើយមនុស្សជាង ១ពាន់នាក់ បានភៀសខ្លួនទៅរកទីសុវត្ថិភាព។
ការរុករករ៉ែដោយមិនស្របច្បាប់ គឺជារឿងធម្មតានៅក្នុងប្រទេសឥណ្ឌូណេស៊ី ព្រោះតែកត្តាជីវភាពខ្វះខាតរបស់ពលរដ្ឋជាច្រើនពាន់នាក់ ដែលតម្រូវឲ្យពួកគេត្រូវធ្វើការក្រោមលក្ខខណ្ឌដែលមានហានិភ័យខ្ពស់រហូតដល់រងរបួសធ្ងន់ធ្ងរ ឬក៏បាត់បង់ជីវិត។ ការបាក់ដី ការជន់លិច និងការដួលរលំនៃផ្លូវរូងក្រោមដី គឺគ្រាន់តែជាគ្រោះថ្នាក់មួយចំនួនដែលអ្នកទាំងនោះត្រូវប្រឈមប៉ុណ្ណោះ។ ការកែច្នៃរ៉ែមាសភាគច្រើន ពាក់ព័ន្ធនឹងសារធាតុបារត និងសារធាតុស្យានីត ដែលមានជាតិពុលខ្លាំង ហើយកម្មករខុសច្បាប់ភាគច្រើនតែងតែប្រើប្រាស់ការការពារតិចតួច ឬក៏គ្មានទាល់តែសោះ។
គួរបញ្ជាក់ថា ឧបទ្ទវហេតុដ៏ធំ និងចុងក្រោយទាក់ទងនឹងការជីករ៉ែរបស់ឥណ្ឌូណេស៊ី បានកើតឡើងកាលពីខែមេសា ឆ្នាំ២០២២កន្លងទៅ នៅពេលដែលមានករណីបាក់ដីនៅអណ្តូងរ៉ែមាសចំណាស់មួយកន្លែង នៅក្នុងស្រុក Mandailing Natal នៃកោះស៊ូម៉ាត្រាខាងជើង ហើយបានសម្លាប់ស្ត្រីអស់ចំនួន ១២នាក់ដែលជាកម្មកររ៉ែមាស៕
ដោយ៖ ឈាង
យុវជនខេត្តកោះកុង ទទួលបានការបណ្តុះបណ្តាលបច្ចេកទេសវិជ្ជាជីវៈពីប្រទេសថៃ
ក្រសួងការងារ និងបណ្តុះបណ្តាលវិជ្ជាជីវៈនិងក្រុមហ៊ុនRMA ចុះអនុស្សរណៈដើម្បីពង្រឹងការបណ្តុះបណ្តាលធនធានមនុស្សលើវិស័យយានយន្តនៅកម្ពុជា
អភិបាលខេត្តកំពង់ចាម ជំរុញណែនាំឱ្យអភិបាលស្រុកថ្មី បន្តយកចិត្តទុកដាក់រឹតបន្តឹងបញ្ហាសន្តិសុខ សណ្ដាប់ធ្នាប់ និងខិតខំបម្រើសេវាឱ្យល្អ
អាជ្ញាធរខេត្តកោះកុង ចុះប្រមូលព័ត៌មានលើទីតាំងដីចម្ការឈើអាកាស្យារបស់រដ្ឋដែលធ្លាប់មានវិវាទ
គម្រោងបង្កើតមូលនិធិម្នាក់១ម៉ឺនដុល្លារ គឺជាក្បាច់បោកចាស់គំរឹលរបស់ក្រុមជ្រុលនិយមដែលពលរដ្ឋមិនត្រូវចូលរួម
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់
ទើបទិញរថយន្តថ្មី ម្ចាស់មិនទាន់ចេះច្បាស់ ក៏បើកជ្រុលធ្លាក់ចូលប្រឡាយ
បើករថយន្ដមិនប្រកាន់ស្ដាំបុកម៉ូតូមួយគ្រឿងបណ្តាលស្លាប់ម្នាក់រួចគេចខ្លួនបាត់
-
ជីវិតកម្សាន្ដ៧ ថ្ងៃ agoខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១៤ ម៉ោង agoបាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១៨ ម៉ោង agoវៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ២ ថ្ងៃ agoវៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៥ ថ្ងៃ agoចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ agoអ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ agoព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍១៧ ម៉ោង agoរថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់