ព័ត៌មានអន្ដរជាតិ
UN ថា ក្នុងចំណោមមណ្ឌលសុខភាពទាំង២៦ សល់តែ១០កន្លែងប៉ុណ្ណោះនៅដំណើរការបានក្នុងតំបន់ហ្គាហ្សា
ទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន ហៅកាត់ថា UNRWA បានប្រកាសនៅថ្ងៃទី១៨ ខែកក្កដា ឆ្នាំ២០២៤ ថា ក្នុងចំណោមមជ្ឈមណ្ឌលសុខភាពចំនួន២៦របស់ខ្លួន នៅសល់តែ១០ទីតាំងប៉ុណ្ណោះ ដែលនៅអាចដំណើរការបាននៅក្នុងតំបន់ហ្គាហ្សា។
UNRWA បានថ្លែងនៅលើបណ្ដាញសង្គម X ថា ទីតាំងមជ្ឈមណ្ឌលសុខភាពរបស់ខ្លួនទាំងអស់ ធ្លាប់រងការវាយប្រហារលើសពី១ពាន់ដង នៅក្នុងតំបន់ហ្គាហ្សាដែលត្រូវបានកាន់កាប់ដោយប៉ាឡេស្ទីន។ UNRWA ថា “ក្រុមការងាររបស់យើង បន្តប្រថុយជីវិតរបស់ពួកគេជារៀងរាល់ថ្ងៃ ដើម្បីផ្ដល់ការថែទាំវេជ្ជសាស្ត្រទៅកាន់ក្រុមគ្រួសារ (ប្រជាជនប៉ាឡេស្ទីន)”។ បន្ថែមពីនេះ UNRWA ក៏បានស្នើឲ្យមានបទឈប់បាញ់ផងដែរនៅក្នុងតំបន់ហ្គាហ្សា។
សូមបញ្ជាក់ថា ដោយបដិសេធសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលទាមទារបទឈប់បាញ់ជាបន្ទាន់ អ៊ីស្រាអែលបានប្រឈមមុខនឹងការថ្កោលទោសអន្តរជាតិ ចំពេលដែលខ្លួនបន្តវាយលុកយ៉ាងឃោរឃៅលើតំបន់ហ្គាហ្សា ចាប់តាំងពីពេលផ្ទុះសង្គ្រាមថ្ងៃទី៧ ខែតុលា ឆ្នាំ២០២៣ ជាមួយក្រុមហាម៉ាស។
បើយោងតាមអាជ្ញាធរសុខាភិបាលក្នុងតំបន់ហ្គាហ្សា រយៈពេលជាង៩ខែកន្លងទៅនេះ ប្រជាជនប៉ាឡេស្ទីនជិត ៣៨ ៨០០នាក់ត្រូវបានសម្លាប់ ក្នុងនោះភាគច្រើនជាស្ត្រី និងកុមារ ហើយជាង ៨៩ ០០០នាក់បានរងរបួស ព្រមទាំងមានការរាំងស្ទះស្បៀងអាហារ ទឹកស្អាត និងថ្នាំពេទ្យ ជាដើម។
អ៊ីស្រាអែល ត្រូវបានចោទប្រកាន់ពីបទប្រល័យពូជសាសន៍នៅតុលាការយុត្តិធម៌អន្តរជាតិ ដែលសេចក្តីសម្រេចចុងក្រោយបានបញ្ជាឲ្យអ៊ីស្រាអែលបញ្ឈប់ជាបន្ទាន់នូវប្រតិបត្តិការយោធារបស់ខ្លួននៅភាគខាងត្បូងទីក្រុង Rafah ដែលជាកន្លែងមានប្រជាជនប៉ាឡេស្ទីនជាង ១លាននាក់បានស្វែងរកការជ្រកកោនពីសង្រ្គាម មុនពេលទីក្រុងនេះត្រូវបានឈ្លានពានកាលពីថ្ងៃទី៦ ខែឧសភា៕
ដោយ៖ ឈាង
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ