ព័ត៌មានអន្ដរជាតិ
EU ចូលរួមជាមួយអាមេរិក ប្រកាសមិនទទួលស្គាល់លោក ម៉ាឌូរ៉ូ ជាអ្នកឈ្នះឆ្នោតនៅវ៉េណេស៊ុយអេឡា
សហភាពអឺរ៉ុប (EU) បានដាក់សម្ពាធអន្តរជាតិបន្ថែមទៀតលើប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ កាលពីថ្ងៃអាទិត្យទី៤ខែសីហា ដោយចូលរួមជាមួយសហរដ្ឋអាមេរិក និងបណ្ដាប្រទេសអាមេរិកឡាទីន ក្នុងការបដិសេធមិនទទួលស្គាល់ជ័យជម្នះដែលលោក ម៉ាឌូរ៉ូ បានអះអាងនៅក្នុងការបោះឆ្នោតនាពេលថ្មីៗនេះ ហើយចាត់ទុកថាវាជាការក្លែងបន្លំសន្លឹកឆ្នោតទ្រង់ទ្រាយធំ។
ក្រុមប្រឹក្សាសហភាពអឺរ៉ុប បាននិយាយនៅក្នុងសេចក្តីថ្លែងការណ៍មួយថា លទ្ធផលដែលចេញផ្សាយដោយក្រុមប្រឹក្សារៀបចំការបោះឆ្នោតរបស់វ៉េណេស៊ុយអេឡាកាលពីថ្ងៃទី២ខែសីហា «មិនអាចទទួលស្គាល់បានទេ» ហើយ «ការប៉ុនប៉ងណាមួយដើម្បីពន្យារពេលការចេញផ្សាយពេញលេញនៃកំណត់ត្រាបោះឆ្នោតជាផ្លូវការនឹងធ្វើឲ្យមានការសង្ស័យបន្ថែមទៀត»។
អាជ្ញាធររៀបចំការបោះឆ្នោតវ៉េណេស៊ុយអេឡា បានប្រកាសថា អ្នកឈ្នះនៅក្នុងការបោះឆ្នោតថ្ងៃទី២៨ខែកក្កដា គឺបក្សកាន់អំណាចរបស់លោក ម៉ាឌូរ៉ូ តែមិនបានបញ្ចេញព័ត៌មានលម្អិតនៃការរាប់សន្លឹកឆ្នោតនោះទេ ពោលគឺចេញផ្សាយតែលទ្ធផលជាតួលេខនៅលើវិបសាយរដ្ឋាភិបាលប៉ុណ្ណោះ។ ប្រការនេះហើយទើបបង្កឲ្យផ្ទុះបាតុកម្មជាច្រើនកន្លែងនៅក្នុងប្រទេស ដោយបង្ហាញពីការមិនពេញចិត្តឲ្យលោក ម៉ាឌូរ៉ូ បន្តកាន់អំណាចនៅក្នុងអាណត្តិទី៣របស់លោករយៈពេល៦ឆ្នាំថែមទៀតនោះទេ។ បាតុកម្មនេះបណ្ដាលឲ្យមនុស្សស្លាប់យ៉ាងហោចណាស់១១នាក់ និងរាប់ពាន់នាក់ត្រូវបានចាប់ខ្លួន។
បណ្ដាប្រទេសមួយចំនួន រួមទាំងសហរដ្ឋអាមេរិក និងអាហ្សង់ទីន បាននិយាយថា ក្នុងការបោះឆ្នោតនេះ បេក្ខភាពមកពីបក្សប្រឆាំងគឺលោក Edmundo González Urrutia ទើបជាអ្នកទទួលជោគជ័យពិតប្រាកដ។
ចំណែកឯសហភាពអឺរ៉ុបរួមមាន បារាំង អាល្លឺម៉ង់ អ៊ីតាលី និងអេស្បាញ ក៏បានចូលរួមក្នុងចំណោមប្រទេសដែលបានជំរុញឲ្យមានតម្លាភាពនៅវ៉េណេស៊ុយអេឡាផងដែរ ដោយអំពាវនាវឲ្យអាជ្ញាធរបញ្ចេញតួលេខរាប់សន្លឹកឆ្នោតលម្អិត។ យ៉ាងណា ខុសពីអាមេរិក និងអាហ្សង់ទីន សហភាពអឺរ៉ុបមិនទាន់បានប្រកាសទទួលស្គាល់បេក្ខភាពបក្សប្រឆាំងជាអ្នកឈ្នះការបោះឆ្នោតនោះឡើយ។
មេដឹកនាំគណបក្សប្រឆាំង អ្នកស្រី Maria Corina Machado ដែលបានចំណាយពេលជាច្រើនសប្តាហ៍ក្នុងការលាក់ខ្លួនបន្ទាប់ពីលោក ម៉ាឌូរ៉ូ បានគំរាមកំហែងចាប់ក្រោយផ្ទុះបាតុកម្មប្រឆាំងលទ្ធផលឆ្នោត បានបង្ហាញការស្វាគមន៍ទៅកាន់ «ការប្តេជ្ញាចិត្តចំពោះលទ្ធិប្រជាធិបតេយ្យ» របស់បណ្ដាអន្តរជាតិ។ អ្នកស្រី Machado បានសរសេរលើបណ្ដាញសង្គម X កាលពីថ្ងៃអាទិត្យថា៖ «តាងនាមឲ្យប្រជាជនវ៉េណេស៊ុយអេឡា ខ្ញុំសូមអរគុណអ្នកចំពោះសារដ៏សំខាន់នេះ…ដោយបញ្ជាក់ឡើងវិញនូវការប្តេជ្ញាចិត្តរបស់អ្នកចំពោះលទ្ធិប្រជាធិបតេយ្យ»។
អ្នកស្រីបានគាំទ្របេក្ខភាពរបស់លោក González Urrutia បន្ទាប់ពីរូបអ្នកស្រីផ្ទាល់ត្រូវបានរដ្ឋាភិបាលលោក ម៉ាឌូរ៉ូ ហាមឃាត់មិនឲ្យចូលរួមក្នុងការបោះឆ្នោតថ្នាក់ជាតិ។
សូមបញ្ជាក់ថា ក្រុមប្រឹក្សារៀបចំការបោះឆ្នោតជាតិវ៉េណេស៊ុយអេឡា បានប្រកាសថា លោក ម៉ាឌូរ៉ូ បានយកឈ្នះគូប្រជែងក្នុងសម្លេង ៥១,២% ទល់នឹង ៤០,២%។ យ៉ាងណា សហរដ្ឋអាមេរិក និងសម្ព័ន្ធមិត្តជិតស្និទ្ធរបស់វ៉េណេស៊ុយអេឡាមានដូចជាប្រទេសប្រេស៊ីល កូឡុំប៊ី និងម៉ិកស៊ិក បានទាមទារឲ្យមានការបង្ហាញទិន្នន័យពិតប្រាកដនៃសន្លឹកឆ្នោត ខណៈគណបក្សប្រឆាំងបានអះអាងថាខ្លួនមានព័ស្ដុតាងជាឯកសារព្រីននៃទិន្នន័យឆ្នោត ដែលបញ្ជាក់ថាពួកគេទទួលសម្លេងគាំទ្រច្រើនជាង២ភាគ៣ឯណោះ ពោលគឺយកឈ្នះដាច់លើលោក ម៉ាឌូរ៉ូ តែម្ដង៕
ដោយ៖ ឈាង
ទីតាំងហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
សម្ដេចពិជ័យសេនា ទៀ បាញ់ អញ្ជើញពិនិត្យវឌ្ឍនភាពការសាងសង់ស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិន
រដ្ឋមន្ត្រីព័ត៌មានថៃ និងតំណាង មិនហ៊ានមកចូលរួមកិច្ចប្រជុំនៅកម្ពុជា ដែលជជែកពីបញ្ហាព័ត៌មានក្លែងក្លាយ និងបញ្ញាសិប្បនិមិត្ត
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៥ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ