ព័ត៌មានអន្ដរជាតិ

លោក Zelensky គាំទ្រឥណ្ឌារៀបចំកិច្ចប្រជុំកំពូលសន្តិភាពលើកទី២របស់អ៊ុយក្រែន

បានផុស

២ years មុន

នៅ

ថ្ងៃចន្ទ ២៦ សីហា ២០២៤

ដោយ

Chheang

លោក Volodymyr Zelensky បាននិយាយកាលពីថ្ងៃទី២៥ខែសីហាថា លោកគាំទ្រឲ្យឥណ្ឌាក្លាយជាម្ចាស់ផ្ទះនៃការរៀបចំកិច្ចប្រជុំកំពូលសន្ដិភាពលើកទី២របស់អ៊ុយក្រែន។ នេះបើយោងតាមការចុះផ្សាយរបស់សារព័ត៌មាន Kyiv Independent នៅថ្ងៃចន្ទទី២៦ខែសីហា។

លោក Volodymyr Zelensky និងលោក Narendra Modi (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអ៊ុយក្រែន បានឲ្យដឹងថា ទីក្រុងកៀវកំពុងធ្វើការបន្តជាមួយអារ៉ាប៊ីសាអូឌីត កាតា តួកគី និងស្វីស សម្រាប់គម្រោងកិច្ចប្រជុំកំពូលសន្តិភាពលើកទី២។ លោក Zelensky បានបង្ហើបថា លោកបានជូនដំណឹងដល់នាយករដ្ឋមន្ត្រីឥណ្ឌា លោក Narendra Modi អំពីការគាំទ្ររបស់លោកចំពោះប្រទេសឥណ្ឌាក្នុងការធ្វើជាម្ចាស់ផ្ទះនៃកិច្ចប្រជុំកំពូលសន្តិភាពរបស់អ៊ុយក្រែន ខណៈទីក្រុងកៀវកំពុងស្វែងរកម្ចាស់ផ្ទះក្នុងចំណោមបណ្តាប្រទេសនៅតំបន់សកលលោកខាងត្បូង (Global South)។

លោក Zelensky បានរៀបរាប់ថា៖ «យ៉ាងណាខ្ញុំចង់និយាយដោយត្រង់ៗ ហើយនេះមិនត្រឹមតែសំដៅចំពោះប្រទេសឥណ្ឌាតែមួយប៉ុណ្ណោះទេ ប៉ុន្តែចំពោះរដ្ឋណាមួយដែលនឹងមានភាពវិជ្ជមានក្នុងការធ្វើជាម្ចាស់ផ្ទះនៃកិច្ចប្រជុំកំពូលលើកទី២។ យើងនឹងមិនអាចរៀបចំកិច្ចប្រជុំកំពូលសន្តិភាពនៅក្នុងប្រទេសណាដែលមិនទាន់បានចូលរួមជាសមាជិកសន្តិភាពនោះទេ»។

ការលើកឡើងរបស់មេដឹកនាំអ៊ុយក្រែន បានធ្វើឡើងក្រោយពីដំណើរទស្សនកិច្ចជាលើកដំបូងរបស់លោក Modi នៅទីក្រុងកៀវ កាលពីថ្ងៃទី២៣ខែសីហា ក្រោយលោកជាប់ឆ្នោតធ្វើជានាយរដ្ឋមន្ត្រីម្ដងទៀតនៅឥណ្ឌា។ ទំនាក់ទំនងការទូតរវាងអ៊ុយក្រែន និងឥណ្ឌា បានបង្កើតឡើងជាង៣០ឆ្នាំមកហើយ។

សូមរំឭកថា កិច្ចប្រជុំកំពូលសន្តិភាពអ៊ុយក្រែនលើកមុនបានរៀបចំនៅថ្ងៃទី១៥-១៦ខែមិថុនា នៅទីក្រុង Burgenstock នៃប្រទេសស្វីស ដើម្បីស្វែងរកដំណោះស្រាយដោយសន្តិវិធីចំពោះសង្គ្រាមដែលកំពុងបន្តរវាងរុស្ស៊ីនិងអ៊ុយក្រែន។ កិច្ចប្រជុំនេះ មានការចូលរួមពីគណៈប្រតិភូមកពីប្រទេសចំនួន៩២ និងអង្គការពិភពលោកចំនួន៨ ដោយផ្ដោតសំខាន់លើ «រូបមន្តសន្តិភាព១០ចំណុច» របស់លោក Zelensky៕

ដោយ៖ ឈាង

ចុចអាន៖ រូបមន្តសន្តិភាព១០ចំណុចរបស់លោក ហ្សេលេនស្គី ដែលត្រៀមលើកឡើងក្នុងកិច្ចប្រជុំនៅស្វីស មានអ្វីខ្លះ?

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា