ព័ត៌មានអន្ដរជាតិ
លោក ត្រាំ អះអាងថាមានផែនការភ្ញាក់ផ្អើលមួយ ដើម្បីបញ្ចប់សង្គ្រាមនៅអ៊ុយក្រែន
លោក ដូណាល់ ត្រាំ បាននិយាយថា លោកមានផែនការដែល «ធានា» បាននូវការបញ្ចប់សង្រ្គាមនៅអ៊ុយក្រែន ប៉ុន្តែនឹងបង្ហាញឲ្យដឹង ប្រសិនបើលោកឈ្នះការបោះឆ្នោតប្រធានាធិបតីសហរដ្ឋអាមេរិកក្នុងខែវិច្ឆិកាខាងមុខ។
អតីតប្រធានាធិបតីអាមេរិក និងជាបេក្ខភាពមកពីគណបក្សសាធារណរដ្ឋបច្ចុប្បន្ន កំពុងប្រកួតគ្នាយ៉ាងចាស់ដៃជាមួយគូប្រជែងមកពីបក្សប្រជាធិបតេយ្យគឺអនុប្រធានាធិបតី លោកស្រី កាម៉ាឡា ហារីស។
លោក ត្រាំ បាននិយាយនៅលើផតឃែស្ថ (Podcast) មួយនៅលើគណនីយូធូប Lex Fridman ដែលបានចេញផ្សាយកាលពីថ្ងៃអង្គារថា៖ «ប្រសិនបើខ្ញុំឈ្នះ ក្លាយជាប្រធានាធិបតីជាប់ឆ្នោត ខ្ញុំនឹងមានការធានា។ នោះជាសង្រ្គាមដែលមិនគួរកើតឡើង។ ខ្ញុំមានផែនការច្បាស់លាស់ពីរបៀបដើម្បីបញ្ឈប់អ៊ុយក្រែន និងរុស្ស៊ី ហើយខ្ញុំមានគំនិតជាក់លាក់មួយប្រហែលមិនមែនជាផែនការទេ ប៉ុន្តែជាគំនិតមួយសម្រាប់ប្រទេសចិន»។
លោក ត្រាំ បានបន្តទៀតថា៖ «ប៉ុន្តែខ្ញុំមិនអាចផ្តល់ឲ្យអ្នកនូវផែនការទាំងនោះបានទេ ព្រោះប្រសិនបើខ្ញុំផ្តល់ឲ្យអ្នកនូវផែនការទាំងនោះ ខ្ញុំនឹងមិនអាចប្រើវាបានឡើយ ពួកវានឹងមិនទទួលជោគជ័យទេ»។
វាមិនមែនជាលើកទីមួយទេ ដែលលោក ត្រាំ ធ្វើការអះអាងបែបនេះ។ លោកធ្លាប់បានអះអាងពីមុនជាច្រើនដងថា លោកអាចបញ្ចប់សង្គ្រាមនៅអ៊ុយក្រែនក្នុងពេលតែមួយថ្ងៃប៉ុណ្ណោះ។
ក្រសួងការបរទេសរុស្ស៊ី ធ្លាប់បានឆ្លើយតបថា ការអះអាងនេះ គ្រាន់តែជាការឃោសនាចង់បានសម្លេងគាំទ្រសម្រាប់ការបោះឆ្នោតនៅសហរដ្ឋអាមេរិកតែប៉ុណ្ណោះ ហើយវាចាំបាច់ត្រូវបែងចែកឲ្យច្បាស់រវាងវោហាសាស្ត្រមុនការបោះឆ្នោត និងសេចក្តីថ្លែងការណ៍ផ្លូវការរបស់រដ្ឋាភិបាល។ ចំណែកឯបេសកជនរុស្ស៊ីប្រចាំអង្គការសហប្រជាជាតិ លោក Vasily Nebenzia បាននិយាយថា៖ «វិបត្តិអ៊ុយក្រែន មិនអាចដោះស្រាយក្នុងពេលមួយថ្ងៃបាននោះទេ»។
លោក ត្រាំ បានប្រឈមមុខនឹងការរិះគន់ចំពោះការសរសើរប្រធានាធិបតីរុស្ស៊ីលោក វ៉្លាឌឺមៀរ ពូទីន ម្តងហើយម្តងទៀត។ នៅលើផតឃែស្ថ លោកបាននិយាយថា វិបត្តិអ៊ុយក្រែនអាចឈានចូលទៅក្នុង «សង្រ្គាមលោកលើកទីបី» ហើយថាចំណុចក្តៅជាសកលជាច្រើនកំពុងពុះកញ្ជ្រោលដោយសារតែ «អាមេរិកគ្មានអ្នកដឹកនាំ»៕
ដោយ៖ ឈាង
ពលករនៅថៃសន្សំថវិកាបានដើមទុន បង្កើតមុខរបរនៅស្រុកកំណើត រកចំណូលផ្គត់ផ្គង់គ្រួសារ
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
លេខាធិការដ្ឋានរៀបចំការបោះឆ្នោតខេត្តសៀមរាប បើកវគ្គបណ្ដុះបណ្តាលដល់មន្ត្រី ដើម្បីត្រៀមអនុវត្តភារកិច្ចរៀងៗខ្លួន
ក្រសួងការងារ ដាក់ចេញយន្តការមួយចំនួនដោះស្រាយវិវាទការងារ ក្រៅប្រព័ន្ធតុលាការ ឱ្យកាន់តែមានប្រសិទ្ធភាព
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
ត្រាំ ព្រមាននិងផ្តាំផ្ញើពាក្យប៉ុន្មានម៉ាត់ទៅ ពូទីន ដែលនៅតែគឃ្លើនវាយប្រហារទីក្រុង កៀវ
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៥ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ