ព័ត៌មានអន្ដរជាតិ
អ៊ីរ៉ង់ បដិសេធការជ្រៀតជ្រែកក្នុងការបោះឆ្នោតអាមេរិក
អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani កាលពីថ្ងៃសុក្របានច្រានចោលការអះអាងដែលធ្វើឡើងដោយរដ្ឋមន្ត្រីក្រសួងយុត្តិធម៌អាមេរិក លោក Merrick B. Garland អំពីការចោទប្រកាន់ប្រទេសមួយចំនួន រួមទាំងអ៊ីរ៉ង់ ក្នុងការជ្រៀតជ្រែកការបោះឆ្នោតសហរដ្ឋអាមេរិកនាខាងវិច្ឆិកាខាងមុខ។
រដ្ឋមន្ត្រីក្រសួងយុត្តិធម៌អាមេរិក បានចោទប្រកាន់អ៊ីរ៉ង់ពីសកម្មភាព «ឈ្លានពាន» ដែលមានបំណងជះឥទ្ធិពលដល់លទ្ធផលនៃការបោះឆ្នោត។ លោក Garland បានចោទប្រកាន់ដោយដកស្រង់របាយការណ៍ចារកម្មថា៖ «យើងបានសង្កេតឃើញសកម្មភាពរបស់អ៊ីរ៉ង់កាន់តែឈ្លានពានក្នុងអំឡុងពេលបោះឆ្នោតលើកនេះ»។
ជាការឆ្លើយតប លោក Kanaani បានបដិសេធ ហើយថាវាជាការចោទប្រកាន់ «ច្រំដែល គ្មានមូលដ្ឋាន និងលម្អៀង» ដោយបន្ថែមថា ការចោទប្រកាន់បែបនេះមានគោលបំណងពាក់ព័ន្ធនឹងនយោបាយក្នុងស្រុកអាមេរិកតែប៉ុណ្ណោះ។
លោកក៏បានក្រើនរំលឹកដល់មន្ត្រីអាមេរិកថា ពួកគេមិនអាចដោះស្រាយបញ្ហាប្រេះឆា និងបញ្ហាផ្ទៃក្នុងរបស់ប្រទេសខ្លួន ដែលមានឬសគល់ជារចនាសម្ព័ន្ធ នយោបាយ និងសង្គម តែបែរជាទៅទម្លាក់កំហុសលើអ្នកដទៃ និងកម្រិតការចោទប្រកាន់ប្រឆាំងនឹងបរទេសទៅវិញ។
កាលពីខែមុន បេសកជនអចិន្ត្រៃយ៍របស់អ៊ីរ៉ង់ប្រចាំអង្គការសហប្រជាជាតិ បានច្រានចោលម្ដងរួចមកហើយនូវការចោទប្រកាន់ «មិនច្បាស់លាស់» របស់អាមេរិក ពាក់ព័ន្ធនឹងការជ្រៀតជ្រែកក្នុងការបោះឆ្នោតប្រធានាធិបតីអាមេរិកឆ្នាំ២០២៤។
បេសកជនអ៊ីរ៉ង់ បានច្រានចោលសេចក្តីថ្លែងការណ៍ដែលចេញដោយទីភ្នាក់ងារស៊ើបការណ៍សម្ងាត់សហព័ន្ធអាមេរិកចំនួន៣ ដែលបានចោទប្រកាន់ទីក្រុងតេហេរ៉ង់ ពីការប៉ុនប៉ងជ្រៀតជ្រែកក្នុងការបោះឆ្នោតប្រធានាធិបតីអាមេរិក និងកំណត់គោលដៅលើយុទ្ធនាការឃោសនានយោបាយ ព្រមទាំងសាធារណៈជន តាមរយៈការវាយប្រហារតាមអ៊ីនធឺណិត៕
ដោយ៖ ឈាង
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម