ព័ត៌មានអន្ដរជាតិ

ស្បៀងអាហារពិភពលោកកើនតម្លៃខ្លាំងបំផុត ខណៈសង្គ្រាមបន្ថែមសម្ពាធ

បានផុស

១០ ខែ មុន

នៅ

ថ្ងៃសៅរ៍ ៥ តុលា ២០២៤

ដោយ

កត្តាអាកាសធាតុអាក្រក់ដួចជាគ្រោះទឹកជំនន់ គ្រោះរាំងស្ងួត និងហានិភ័យភូមិសាស្ត្រនយោបាយដែលកើតសង្គ្រាមច្រើនកន្លែង ដែលគំរាមកំហែងដល់ការចំណាយរបស់អ្នកប្រើប្រាស់ឱ្យកើនឡើងក្នុងរយៈពេលដ៏យូរ ខណៈមានការព្យាករណ៍ថាសន្និធិស្បៀងអាហារកាន់តែតិច។

ការប្រមូលផលស្រូវសាលីនៅប្រទេសក្នុងតំបន់សមុទ្រខ្មៅ។ Blacksea

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Bloomberg ដោយយោងតាមទិន្នន័យដែលបានចេញផ្សាយនៅថ្ងៃទី៤ខែតុលា បានឱ្យដឹងថា សន្ទស្សន៍តម្លៃម្ហូបអាហារដែលបង្កើតឡើងដោយអង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) បានកើនឡើងដល់កម្រិតខ្ពស់បំផុតចាប់តាំងពីខែសីហា ឆ្នាំ២០២៣ ។ តម្លៃស្ករ សាច់ ទឹកដោះគោ និងប្រេងបន្លែ គឺជាការកើនឡើងដ៏ធំបំផុតចាប់តាំងពីខែមីនាឆ្នាំ២០២២។

ក្នុងខែនោះ សន្ទស្សន៍តម្លៃទំនិញនេះបានហក់ឡើងជាង១៣ភាគរយ បន្ទាប់ពីប្រធានាធិបតីរុស្ស៊ី លោក វ្ល៉ាឌីមៀ ពូទីន សម្រេចវាយលុកអ៊ុយក្រែន។ នេះបើយោងតាមការចុះផ្សាយដដែល។

ខណៈពេលដែលសន្ទស្សន៍តាមដានតម្លៃទំនិញផ្តោតលើទំនិញឆៅ ឬហៅថា តម្លៃបោះដុំជាជាងតម្លៃលក់រាយ ការកើនឡើងអាចបង្ហាញថា តម្លៃម្ហូបអាហារខ្ពស់អាចបន្តប៉ះពាល់ដល់អ្នកប្រើប្រាស់ ដោយសារអាកាសធាតុមិនល្អនៅក្នុងប្រទេសផលិតដំណាំកសិកម្មសំខាន់ៗ និងការកើនឡើងភាពតានតឹងនៅមជ្ឈិមបូព៌ាគំរាមកំហែងដល់ទីផ្សារអាហារកាន់តែក្តៅគគុក។

ទោះបីជា សន្ទស្សន៍តម្លៃទំនិញនោះបានធ្លាក់ចុះពីកំណត់ត្រាខ្ពស់ដែលបានមើលឃើញ បន្ទាប់ពីការវាយប្រហាររបស់រុស្ស៊ីក៏ដោយ ក៏សញ្ញានៃការផ្គត់ផ្គង់តឹងតែង និងចំណុចខ្ទាស់នៅក្នុងផ្លូវពាណិជ្ជកម្មសកល បានជំរុញឱ្យមានការកើនឡើងថ្មីសម្រាប់តម្លៃម្ហូបអាហារ។

ការកើនឡើងដ៏ធំបំផុតត្រូវបានគេមើលឃើញនៅក្នុងតម្លៃស្ករនៅលើសញ្ញានៃដំណាំកាន់តែអាក្រក់នៅក្នុងប្រទេសប្រេស៊ីល និងការព្រួយបារម្ភអំពីសមត្ថភាពនាំចេញរបស់ឥណ្ឌា។ តម្លៃប្រេងបន្លែ និងគ្រាប់ធញ្ញជាតិក៏បានឃើញការកើនឡើងគួរឱ្យកត់សម្គាល់ផងដែរ លើសញ្ញានៃការផ្គត់ផ្គង់តិចតួចនៃដំណាំដូចជា ស្រូវសាលី ដូង ផ្កាឈូករ័ត្ន និងប្រភេទគ្រាប់រុក្ខជាតិ rapeseed។

សម្ពាធអាចបន្តសម្រាប់ទីផ្សារ អង្គការ FAO បានកាត់បន្ថយការព្យាករណ៍ស្តុកគ្រាប់ធញ្ញជាតិពិភពលោកធៀបនឹងមួយខែមុន៕

ដោយ រ៉ាន់ រើយ