ព័ត៌មានអន្ដរជាតិ
លោក ត្រាំ ស្នើមេដឹកនាំអ៊ុយក្រែនត្រូវប្រគល់ដីខ្លះឲ្យរុស្ស៊ី ដើម្បីបញ្ចប់សង្គ្រាម
លោក ដូណាល់ ត្រាំ កាលពីថ្ងៃទី១៧ខែតុលាបានស្តីបន្ទោសប្រធានាធិបតីអ៊ុយក្រែន លោក Volodymyr Zelensky ចំពោះការចាប់ផ្តើមសង្រ្គាមជាមួយរុស្ស៊ី។ ការលើកឡើងរបស់បេក្ខជនប្រធានាធិបតីអាមេរិករូបនេះ បានបង្ហាញថា លោកទំនងជានឹងផ្លាស់ប្តូរគោលនយោបាយសហរដ្ឋអាមេរិកយ៉ាងខ្លាំងចំពោះអ៊ុយក្រែន បើលោកឈ្នះការបោះឆ្នោតនាថ្ងៃទី៥ខែវិច្ឆិកាខាងមុខ។
លោក ត្រាំ បានបន្ទោសមេដឹកនាំអ៊ុយក្រែនចំពោះការបរាជ័យក្នុងការស្វែងរកសន្តិភាពជាមួយទីក្រុងមូស្គូ ហើយលោកបានស្នើអ៊ុយក្រែនថាប្រហែលជាត្រូវប្រគល់ដីខ្លះរបស់ខ្លួនទៅឲ្យរុស្ស៊ី ដើម្បីធ្វើកិច្ចព្រមព្រៀងសន្តិភាព។
លោក ត្រាំ បាននិយាយថា៖ «នោះមិនមានន័យថា ខ្ញុំមិនចង់ជួយគាត់ទេ ព្រោះខ្ញុំមានអារម្មណ៍មិនល្អចំពោះមនុស្សទាំងនោះ។ ប៉ុន្តែគាត់មិនគួរអនុញ្ញាតឲ្យសង្រ្គាមចាប់ផ្តើមនោះទេ»។
អតីតប្រធានាធិបតីអាមេរិក ធ្លាប់បានរិះគន់លោក Zelensky ជាញឹកញាប់នៅអំឡុងយុទ្ធនាការឃោសនាបោះឆ្នោតរបស់លោក ដោយហៅមេដឹកនាំអ៊ុយក្រែនម្តងហើយម្តងទៀតថាជា «អ្នកលក់ដ៏អស្ចារ្យបំផុតនៅលើផែនដី» សម្រាប់ការស្នើសុំ និងទទួលបានជំនួយយោធាអាមេរិករាប់ពាន់លានដុល្លារ ចាប់តាំងពីសង្រ្គាមបានផ្ទុះឡើងក្នុងឆ្នាំ២០២២។
លោក ត្រាំ ក៏ធ្លាប់បានប្រកាសថា បើលោកយកឈ្នះលោកស្រី កាម៉ាឡា ហារីស លោកអាចបញ្ចប់សង្គ្រាមរុស្ស៊ី-អ៊ុយក្រែន នៅមុនពេលលោកចូលកាន់តំណែងក្នុងខែមករា ប៉ុន្តែលោកមិនដែលនិយាយថាតើត្រូវធ្វើដូចម្តេចខ្លះនោះទេ៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ