ព័ត៌មានអន្ដរជាតិ
មន្ទីរបញ្ចកោណ៖ អ៊ុយក្រែនអាចប្រើអាវុធអាមេរិកដោយសេរី បើកូរ៉េខាងជើងចូលរួមជាមួយរុស្ស៊ី
មន្ទីរបញ្ចកោណ បានប្រកាសកាលពីថ្ងៃចន្ទថា សហរដ្ឋអាមេរិកនឹងមិនដាក់កំហិតថ្មីលើអ៊ុយក្រែនក្នុងការប្រើប្រាស់អាវុធអាមេរិកនោះទេ ប្រសិនបើកូរ៉េខាងជើងចូលរួមសង្គ្រាមប្រឆាំងនឹងទីក្រុងកៀវ។
ការព្រមាននេះ បានធ្វើឡើងបន្ទាប់ពីអង្គការណាតូនិយាយថា អង្គភាពយោធាកូរ៉េខាងជើងត្រូវបានដាក់ពង្រាយទៅកាន់ តំបន់ Kursk របស់រុស្ស៊ី ដើម្បីប្រយុទ្ធជាមួយកងកម្លាំងអ៊ុយក្រែន។
មន្ទីរបញ្ចកោណបានប៉ាន់ប្រមាណថា ទាហានកូរ៉េខាងជើងចំនួន ១ម៉ឺននាក់ ត្រូវបានដាក់ពង្រាយទៅកាន់ភាគខាងកើតប្រទេសរុស្ស៊ី សម្រាប់ការហ្វឹកហ្វឺន។
លោកស្រី Sabrina Singh អ្នកនាំពាក្យមន្ទីរបញ្ចកោណ បានប្រាប់ថា៖ «ផ្នែកមួយនៃទាហានទាំងនោះបានផ្លាស់ទីទៅជិតអ៊ុយក្រែនរួចហើយ ហើយយើងមានការព្រួយបារម្ភកាន់តែខ្លាំងឡើងថា រុស្ស៊ីមានបំណងប្រើប្រាស់ទាហានទាំងនេះក្នុងការប្រយុទ្ធ ឬគាំទ្រដល់ប្រតិបត្តិការប្រយុទ្ធ ប្រឆាំងនឹងកងកម្លាំងអ៊ុយក្រែននៅក្នុងតំបន់ Kursk Oblast របស់រុស្ស៊ី នៅជិតព្រំដែនជាមួយអ៊ុយក្រែន»។
អគ្គលេខាធិការអង្គការណាតូ លោក Mark Rutte បានព្រមានកាលពីថ្ងៃចន្ទថា៖ «កិច្ចសហប្រតិបត្តិការយោធាកាន់តែស៊ីជម្រៅរវាងរុស្ស៊ី និងកូរ៉េខាងជើង គឺជាការគំរាមកំហែងដល់សន្តិសុខទាំងឥណ្ឌូ-ប៉ាស៊ីហ្វិក និងអឺរ៉ុប-អាត្លង់ទិក»។
លោកបានបន្ថែមថា៖ «វាបំផ្លាញសន្តិភាពនៅលើឧបទ្វីបកូរ៉េ និងបញ្ឆេះសង្រ្គាមរុស្ស៊ីប្រឆាំងនឹងអ៊ុយក្រែន។ ទីក្រុងព្យុងយ៉ាងបានផ្គត់ផ្គង់ដល់ប្រទេសរុស្ស៊ីនូវគ្រាប់រំសេវ និងមីស៊ីលប៉ាលិស្ទិករាប់លានគ្រាប់ ដែលកំពុងតែបញ្ឆេះជម្លោះដ៏ធំមួយនៅចំបេះដូងនៃទ្វីបអឺរ៉ុប និងបំផ្លាញសន្តិភាព និងសន្តិសុខពិភពលោក»។
លោក Rutte បានសង្កត់ធ្ងន់ដែរថា ការដាក់ពង្រាយកងទ័ពកូរ៉េខាងជើង «ក៏ជាសញ្ញានៃភាពអស់សង្ឃឹមកាន់តែខ្លាំងឡើងរបស់លោក ពូទីន» ដែលជាមេដឹកនាំរុស្ស៊ី ដោយបន្ថែមថា៖ «ទាហានរុស្ស៊ីជាង ៦០ម៉ឺននាក់ត្រូវបានសម្លាប់ ឬរងរបួសនៅក្នុងសង្គ្រាមរបស់ ពូទីន ហើយគាត់មិនអាចទ្រទ្រង់ការវាយលុករបស់គាត់ទៅកាន់អ៊ុយក្រែនដោយគ្មានការគាំទ្រពីបរទេសទេ»។
សូមបញ្ជាក់ថា វិមានក្រឹមឡាំងដំបូងបានច្រានចោលរបាយការណ៍អំពីការដាក់ពង្រាយទាហានកូរ៉េខាងជើងថាជា «ព័ត៌មានក្លែងក្លាយ»។ ប៉ុន្តែលោក ពូទីន កាលពីថ្ងៃព្រហស្បតិ៍មិនបានបដិសេធថា ទាហានកូរ៉េខាងជើងស្ថិតនៅក្នុងប្រទេសរុស្ស៊ីទេ ហើយបាននិយាយថា វាជារឿងផ្ទាល់ខ្លួនរបស់ទីក្រុងមូស្គូ ក្នុងការអនុវត្តសន្ធិសញ្ញាភាពជាដៃគូជាមួយទីក្រុងព្យុងយ៉ាង៕
ដោយ៖ ឈាង
ចុចអាន៖ អាមេរិក ថា កូរ៉េខាងជើង ពិតបញ្ជូនទ័ព ១ម៉ឺននាក់ទៅជួយរុស្ស៊ីមែន ហើយនឹងចូលសមរភូមិ ប៉ុន្មានសប្តាហ៍ទៀត
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ