ព័ត៌មានអន្ដរជាតិ

គូស្នេហ៍មួយគូនៅអង់គ្លេស សម្រេចភ្ជាប់ពាក្យលើដំបូលរថយន្ត ពេលជាប់គាំងក្នុងទឹកជំនន់

បានផុស

២ សប្តាហ៍ មុន

នៅ

ថ្ងៃព្រហស្បតិ៍ ២៨ វិច្ឆិកា ២០២៤

ដោយ

គូស្នេហ៍មួយគូមកពីទីក្រុង Southampton បានភ្ជាប់ពាក្យនៅលើដំបូលរថយន្ត ខណៈកំពុងជាប់គាំងក្នុងទឹកជំនន់កំឡុងពេលមានព្យុះ Bert។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២៨ខែវិច្ឆិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ashley Stevens និង Davie Woodley-Kingston មកពីទីក្រុង Southampton ប្រទេសអង់គ្លេសបានកំពុងរីករាយជាមួយដំណើរកម្សាន្តដ៏រ៉ូមែនទិកទៅ Taunton សម្រាប់អាហារពេលល្ងាច។ ក្នុងអំឡុងពេលធ្វើដំណើរ ពួកគេបានជាប់គាំងនៅលើផ្លូវដោយសារតែទឹកលិច ខណៈខាងប្រុសបានសុំខាងស្រីរៀបការនៅដំបូលឡានតែម្ដង ហើយក្រោយមកត្រូវជួយសង្គ្រោះដោយក្រុមអ្នកសង្គ្រោះ។

បើតាម លោក Woodley-Kingston ខណៈពេលដែលកំពុងរង់ចាំអ្នកជួយសង្គ្រោះមកដល់នៅលើដំបូលរថយន្តរបស់ពួកគេ លោក Woodley-Kingston បានសុំដៃគូរបស់គាត់រៀបការ ខណៈនាងឆ្លើយថាយល់ព្រម។ លោកបានបន្ថែមថា៖«យើងបានដឹងថា Storm Bert កំពុងចូលមក ប៉ុន្តែគិតថា នៅ Taunton ផលប៉ះពាល់ហាក់ដូចជាមិនធ្ងន់ធ្ងរនោះទេ ដូច្នេះយើងពិតជាមិនបានគិតច្រើនអំពីវាទេ ប៉ុន្តែពេលយើងបានមកដល់ក៏មានទឹកជំនន់ ហើយរថយន្តរបស់ពួកយើងបានជាប់ក្នុងទឹកជំនន់»។

លោក Woodley-Kingston បាននិយាយថា ខណៈពេលដែលកំពុងរង់ចាំសេវាកម្មពន្លត់អគ្គីភ័យ គាត់គិតថាវា «មិនអាចលើសពីផែនការដែលលោកគ្រោងទុកនោះទេ»។ លោកថា «ខ្ញុំបានសម្រេចចិត្តថាជាពេលវេលាដ៏គួរឱ្យចងចាំមួយដែលខ្ញុំនឹងធ្វើការសុំរៀបការ ខណៈពេលដែលយើងនៅលើដំបូលរថយន្តរង់ចាំសេវាកម្មពន្លត់អគ្គីភ័យ។ខ្ញុំកំពុងឱបនាងដើម្បីភាពកក់ក្ដៅ ហើយខ្ញុំមើលទៅក្នុងភ្នែកនាង ហើយប្រាប់នាងថាខ្ញុំស្រឡាញ់នាង ហើយជាសុភមង្គលបំផុតដែលខ្ញុំមិនធ្លាប់មាន។ ខ្ញុំបាននិយាយថា Ashley តើអ្នកនឹងរៀបការជាមួយខ្ញុំទេ ហើយនាងបាននិយាយថា បាទ»។

មិនយូរប៉ុន្មានក្រុមអ្នកពន្លត់អគ្គិភ័យបានមកដល់បានឃើញ Davie Woodley-Kingston និងគូដណ្តឹង Ashely Stevens កំពុងឱបគ្នាលើដំបូលឡាន។ គូស្នេហ៍មួយគូនេះនិយាយថាចង់រៀបការឱ្យឆាប់តាមដែលអាចធ្វើទៅបាន។ ក្រុមអ្នកជួយសង្គ្រោះបានដឹកអ្នកទាំងពីរទៅកាន់ទីសុវត្ថិភាព ហើយក្រោយមកពួកគេក៏បានរកឃើញថា រថយន្តនេះហាក់ដូចជានៅដំណើរការល្អមិនបានខូចនោះទេ៕