ព័ត៌មានអន្ដរជាតិ
រដ្ឋបាលលោក បៃដិន ផ្ដល់ជំនួយយោធា ៥៧១លានដុល្លារដល់តៃវ៉ាន់
ប្រធានាធិបតីសហរដ្ឋអាមេរិក លោក ចូ បៃដិន កាលពីថ្ងៃសុក្រទី២០ខែធ្នូឆ្នាំ២០២៤ បានអនុម័តប្រាក់ចំនួន ៥៧១,៣លានដុល្លារ សម្រាប់ជំនួយផ្នែកការពារជាតិឲ្យកោះតៃវ៉ាន់ ខណៈដែលគណបក្សប្រជាធិបតេយ្យរបស់លោក រៀបចំខ្លួនចាកចេញពីតំណែង នាខែមករាខាងមុខ។
នៅក្នុងសេចក្តីថ្លែងការណ៍ខ្លីមួយ សេតវិមាន បាននិយាយថា លោក បៃដិន បានអនុញ្ញាតឲ្យរដ្ឋមន្ត្រីការបរទេស ដកប្រាក់រហូតដល់ ៥៧១,៣លានដុល្លារ នៅក្នុងមាត្រា និងសេវាការពារជាតិនៃក្រសួងការពារជាតិ និងការអប់រំ និងការបណ្តុះបណ្តាលយោធា ដើម្បីផ្តល់ជំនួយដល់តៃវ៉ាន់»។
សេចក្តីថ្លែងការណ៍មិនបានផ្តល់ព័ត៌មានលម្អិតនៃកញ្ចប់ជំនួយយោធានោះទេ។
កាលពីជាង២ខែមុន អាមេរិកធ្លាប់បានអនុម័តកញ្ចប់ជំនួយយោធាម្ដងរួចមកហើយ ដើម្បីជួយដល់តៃវ៉ាន់ ដែលកាលណោះមានចំនួន ៥៦៧លានដុល្លារ។
សហរដ្ឋអាមេរិក មិនទទួលស្គាល់តៃវ៉ាន់ជាផ្លូវការតាមរយៈការទូតឡើយ ប៉ុន្តែអាមេរិកជាសម្ព័ន្ធមិត្តយុទ្ធសាស្ត្រ និងជាអ្នកផ្គត់ផ្គង់អាវុធធំបំផុតរបស់តៃវ៉ាន់។ ចិន ដែលបានបង្កើនសម្ពាធនយោបាយ និងយោធាលើកោះតៃវ៉ាន់ក្នុងរយៈពេលប៉ុន្មានឆ្នាំចុងក្រោយនេះ បានអំពាវនាវម្តងហើយម្តងទៀត ឲ្យក្រុងវ៉ាស៊ីនតោនបញ្ឈប់ការបញ្ជូនអាវុធ និងជំនួយទៅកាន់កោះតៃវ៉ាន់ ដែលខ្លួនអះអាងថាជាផ្នែកមួយនៃទឹកដីរបស់ខ្លួន។
មន្ត្រីតៃវ៉ាន់ បាននិយាយថា កាលពីសប្តាហ៍មុន ចិនបានធ្វើសមយុទ្ធដែនសមុទ្រដ៏ធំបំផុតរបស់ខ្លួន ក្នុងរយៈពេលប៉ុន្មានឆ្នាំមកនេះ ដោយមានវត្តមាននាវាប្រហែល ៩០គ្រឿងត្រូវបានដាក់ពង្រាយពីក្បែរប្រជុំកោះភាគខាងត្បូងនៃប្រទេសជប៉ុន ទៅកាន់សមុទ្រចិនខាងត្បូង។
យ៉ាងណា ទីក្រុងប៉េកាំង មិនបានបញ្ជាក់ពីសមយុទ្ធនេះទេ។
ចិន បានសម្តែងការខឹងសម្បារជារឿយៗចំពោះការគាំទ្រអន្តរជាតិលើតៃវ៉ាន់ ហើយបានចោទប្រកាន់អាមេរិកថាបានជ្រៀតជ្រែកក្នុងកិច្ចការរបស់ខ្លួន។ ចិន រក្សាវត្តមានរបស់ខ្លួនស្ទើរតែរាល់ថ្ងៃ តាមរយៈយន្តហោះចម្បាំង យន្តហោះគ្មានមនុស្សបើក និងនាវាចម្បាំងនៅជុំវិញកោះតៃវ៉ាន់៕
ដោយ៖ ឈាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ