ព័ត៌មានអន្ដរជាតិ
ហ្សេលេនស្គី៖ អ៊ុយក្រែនត្រៀមខ្លួនប្រគល់ទឹកដីដូរយកសន្តិភាពហើយ
នៅក្នុងបទសម្ភាសន៍មួយជាមួយកាសែត The Guardian កាលពីថ្ងៃអង្គារទី១១ខែកុម្ភៈឆ្នាំ២០២៥ ប្រធានាធិបតីអ៊ុយក្រែន លោក វ៉ា្លឌីមៀ ហ្សេលេនស្គី បាននិយាយថា អឺរ៉ុបតែឯងនឹងមិនអាចផ្តល់ជំនួយដល់កិច្ចខិតខំប្រឹងប្រែងសង្រ្គាមរបស់ទីក្រុងកៀវបានទេ អ៊ីចឹងហើយអ៊ុយក្រែននឹងយល់ព្រមប្រគល់ទឹកដីឲ្យរុស្ស៊ី ដើម្បីប្ដូរយកនូវកិច្ចចរចាសន្ដិភាពមួយដ៏រឹងមាំជំនួសវិញ។
លោក ហ្សេលេនស្គី បានលើកឡើងថា៖ «មានសំឡេងជាច្រើនដែលនិយាយថា អឺរ៉ុបអាចផ្តល់ការធានាសន្តិសុខដោយមិនចាំបាច់វត្តមានរបស់សហរដ្ឋអាមេរិក ហើយខ្ញុំតែងតែនិយាយថា វាមិនអាចទៅរួចទេ»។
មេដឹកនាំអ៊ុយក្រែន បានបន្ថែមថា៖ «ការធានាសុវត្ថិភាពដោយគ្មានអាមេរិចមិនមែនជាការធានាសុវត្ថិភាពពិតប្រាកដឡើយ»។
លោក ហ្សេលេនស្គី បានប្រាប់ទៀតថា លោកនឹងផ្តល់ជូនប្រធានាធិបតីរុស្ស៊ី លោក វ្ល៉ាឌីមៀរ ពូទីន នូវទឹកដីដែលអ៊ុយក្រែនបានរឹបអូសនៅក្នុងតំបន់ Kursk របស់រុស្ស៊ីកាលពី៦ខែមុន។
លោកបន្តថា៖ «យើងនឹងប្តូរទឹកដីមួយសម្រាប់យកទឹកដីមួយមកវិញ»។ យ៉ាងណា លោកមិនបានបញ្ជាក់ទេថា ទឹកដីណាមួយដែលលោកចង់បានពីរុស្ស៊ីវិញ ក្រោយការប្រគល់តំបន់ Kursk ឲ្យក្រុងមូស្គូ។
រុស្ស៊ី កន្លងមកធ្លាប់បាននិយាយថា ខ្លួនបានកាត់យកទឹកដីតំបន់ចំនួន៥នៃប្រទេសអ៊ុយក្រែន ដូចជា តំបន់គ្រីមៀ ក្នុងឆ្នាំ២០១៤ ហើយបន្ទាប់មកគឺតំបន់ Donetsk, Kherson, Lugansk និង Zaporizhzhia នៅឆ្នាំ២០២២ ទោះបីជារុស្ស៊ីមិនមានការគ្រប់គ្រងពេញលេញលើទឹកដីទាំងនោះក៏ដោយ។
គួរបញ្ជាក់ថា លោក ហ្សេលេនស្គី នឹងជួបជាមួយអនុប្រធានាធិបតីអាមេរិក លោក JD Vance នៅថ្ងៃសុក្រសប្ដាហ៍នេះនៅឯសន្និសីទសន្តិសុខទីក្រុង Munich ខណៈដែលទីក្រុងវ៉ាស៊ីនតោនជំរុញឲ្យមានការបញ្ចប់សង្រ្គាមរយៈពេលជិត៣ឆ្នាំជាមួយរុស្ស៊ី។
លោក Vance ធ្លាប់ជាអ្នករិះគន់ជាញឹកញាប់ចំពោះការគាំទ្ររបស់សហរដ្ឋអាមេរិកសម្រាប់អ៊ុយក្រែន នៅក្នុងសង្រ្គាមទប់ទល់នឹងការឈ្លានពានពីរុស្ស៊ី៕
ដោយ៖ ឈាង
ចុចអាន៖ បេសកជនពិសេសរបស់លោក ត្រាំ នឹងធ្វើដំណើរទៅអ៊ុយក្រែនឆាប់ៗនេះ
ក្រសួងការងារវាយតម្លៃការអនុវត្តកម្មវិធី TVET នៅវិទ្យាស្ថានអភិវឌ្ឍន៍មុខជំនាញ កម្ពុជា-ថៃ
ឃាត់ខ្លួនបុរសម្នាក់ ឆបោកក្រោមរូបភាពផ្ដល់ទំនិញតាមអនឡាញ តែពេលទទួលលុយកក់មិនបញ្ជូនទំនិញ
ពលរដ្ឋភូមិ៤ សង្កាត់ដងទង់ កំពុងខ្វះខាតទឹកស្អាតប្រើប្រាស់អំឡុងរដូវប្រាំងនេះ
កំណាត់ផ្លូវមហាវិថីឈ្នះឈ្នះ នឹងបិទផ្លូវម្ខាងបើកផ្លូវម្ខាង មុខស្ថានីយបូមទឹកកប់ស្រូវរយៈពេល២ខែ
អាជ្ញាធរស្រុកមណ្ឌលសីមា ពង្រឹងសណ្តាប់ធ្នាប់ផ្លូវសាធារណៈឡើងវិញ ក្រោយឃើញមានភាពខុសប្រក្រតី
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
រយៈពេល៥ឆ្នាំ លំដាប់លេខ១ថៃ Tawanchai ចាញ់សន្លប់លើកដំបូង
រដ្ឋមន្ត្រីមហាផ្ទៃ ដឹកនាំអភិបាលខេត្ត និងស្នងការខេត្ត៣ទៅឡាវ ដើម្បីបង្កើនល្បឿនទប់ស្កាត់គ្រឿងញៀនឆ្លងដែន
អាមេរិក ទម្លាក់គ្រាប់បែកនៅយេម៉ែន ឯអ៊ីស្រាអែល វាយប្រហារនៅហ្គាហ្សា សម្លាប់មនុស្ស ច្រើននាក់
អ្នកនាំពាក្យទាត់ចោលព័ត៌មានមិនពិតដែលទាញសម្ដេច ស ខេង ទៅនឹងចលនាខុសច្បាប់នៅក្រៅប្រទេស
-
ព័ត៌មានជាតិ៦ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៧ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៥ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៦ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
កីឡា៤ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម១ សប្តាហ៍ agoឃាត់ខ្លួនមនុស្ស៥នាក់ពាក់ព័ន្ធករណីលួចលុយពីធនាគារឯកជនមួយក្នុងទំហំទឹកប្រាក់ខ្ទង់លានដុល្លារ
-
ព័ត៌មានអន្ដរជាតិ១៤ ម៉ោង agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានជាតិ១ សប្តាហ៍ agoបុណ្យកតញ្ញូតាធម៌ធ្វេីឱ្យមនុស្សគ្រប់រូបប្រែក្លាយខ្លួនជាកូនល្អ សិស្សល្អ និងពលរដ្ឋល្អក្នុងសង្គម