ទីក្រុងមួយរបស់ចិន ផ្ទុះចង្កោមកូវីដថ្មី ពាក់ព័ន្ធទាំងជនជាតិមីយ៉ាន់ម៉ាឆ្លងដែនផងដែរ

នៅថ្ងៃសុក្រនេះ​ ទីក្រុងព្រំដែនមួយរបស់ប្រទេសចិន ដែលរងគ្រោះដោយការផ្ទុះឡើងជាថ្មីនៃជំងឺកូវីដ-១៩ បានចាប់ផ្តើមយុទ្ធនាការរយៈពេល៥ថ្ងៃ ដើម្បីចាក់វ៉ាក់សាំងដល់ប្រជាជនទាំង៣០០,០០០ នាក់របស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍រដ្ឋ CCTV បានបង្ហាញ ប្រជាជនតម្រង់ជួរនិងចាក់វ៉ាក់សាំងក្នុងទីក្រុង Ruili ដែលនៅទីនោះ មានការឆ្លង១៦ករណីត្រូវបានបញ្ជាក់ចាប់តាំងពីថ្ងៃអង្គារមក។ ក្នុងចំណោមករណីទាំងអស់ មាន១២នាក់ជាជនជាតិចិននិង៤នាក់ទៀត ជាជនជាតិមីយ៉ាន់ម៉ាដែលលួចឆ្លងដែន។

មន្រ្តីគណបក្សកុម្មុយនីស្តម្នាក់បានប្រាប់ CCTV មួយថ្ងៃមុននោះថា វ៉ាក់សាំងចំនួន១៥៩,០០០ដូសបានមកដល់ទីក្រុងហើយ។

វីដេអូបានបង្ហាញពីផ្លូវស្ងាត់ជ្រងំ ខណៈក្រុមមន្រ្តីបានបញ្ជាឲ្យប្រជាជនធ្វើចត្តាឡីស័កនៅតាមផ្ទះនិងបិទអាជីវកម្មដែលមិនចាំបាច់។ ទីក្រុងនេះក៏បាននិយាយផងដែរថា ខ្លួននឹងរឹតបន្តឹងការគ្រប់គ្រងជុំវិញព្រំដែនដែលមានសភាពចង្អៀត ដើម្បីព្យាយាមបញ្ឈប់អ្នកដែលឆ្លងដែនខុសច្បាប់មកពីប្រទេសមីយ៉ាន់ម៉ា។

នេះជាលើកដំបូងហើយដែលប្រទេសចិន ព្យាយាមចាក់វ៉ាក់សាំងក្នុងទីក្រុងទាំងមូលដើម្បីឆ្លើយតបនឹងការផ្ទុះឡើងថ្មី។ វិធានការនេះកើតឡើងនៅពេលដែលរដ្ឋាភិបាល បង្កើនការចាក់វ៉ាក់សាំងទូទាំងប្រទេស៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ដំណឹងល្អ! វ៉ាក់សាំង Sinovac របស់ ចិន ដែលកម្ពុជា ទទួលបានថ្ងៃនេះ បង្ហាញប្រសិទ្ធភាពសឹង១០០ភាគរយក្នុងការធ្វើតេស្ត