ព័ត៌មានអន្ដរជាតិ
ក្រោយជួបបេសកជនអាមេរិក ហ្សេលេនស្គីប្រាប់ថា «សន្តិភាពសម្រេចបានទាល់តែប្រើកម្លាំង»
បន្ទាប់ពីកិច្ចពិភាក្សានៅទីក្រុងកៀវជាមួយបេសកជនពិសេសរបស់សហរដ្ឋអាមេរិក Keith Kellogg ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រកាសកាលពីល្ងាចថ្ងៃចន្ទទី១៤ខែកក្កដាថា «សន្តិភាពអាចធ្វើទៅបានទាល់តែប្រើកម្លាំងបាយ» ហើយបានអំពាវនាវឲ្យមានការដាក់សម្ពាធអតិបរមាលើរុស្ស៊ី ដើម្បីបញ្ឈប់សង្គ្រាម។
លោក ហ្សេលេនស្គី បានពណ៌នាកិច្ចប្រជុំជាមួយលោក Kellogg ថាជា «ការចាប់ផ្តើមដ៏មានអត្ថន័យ» ដល់កិច្ចសហប្រតិបត្តិការរវាងសហរដ្ឋអាមេរិក និងអ៊ុយក្រែនកាន់តែស៊ីជម្រៅលើការគាំទ្រផ្នែកយោធា និងការទូត។
ក្នុងអំឡុងពេលថ្លែងសុន្ទរកថា លោក ហ្សេលេនស្គី បានអរគុណដល់ប្រធានាធិបតី ដូណាល់ ត្រាំ និងសហរដ្ឋអាមេរិកសម្រាប់ការត្រៀមខ្លួនរបស់ពួកគេក្នុងការគាំទ្រអ៊ុយក្រែន ដោយនិយាយថា «សង្រ្គាមនេះនៅតែបន្ត ដោយសារតែប្រទេសរុស្ស៊ី និងដោយសារតែបំណងប្រាថ្នារបស់(ប្រធានាធីបតីរុស្ស៊ី វ៉្លាឌីមៀរ) ពូទីន ក្នុងការអូសបន្លាយវា»។ លោកបានប្រាប់ទៀតថា អ៊ុយក្រែន និងសហរដ្ឋអាមេរិក កំពុងសហការគ្នាយ៉ាងជិតស្និទ្ធលើការផ្ទេរអាវុធ ការផ្តល់មូលនិធិការពារជាតិរបស់អឺរ៉ុប និងការអនុវត្តទណ្ឌកម្មប្រឆាំងនឹងទីក្រុងមូស្គូ។
លោក ហ្សេលេនស្គី បានសង្កត់ធ្ងន់ថា អ៊ុយក្រែនត្រៀមខ្លួនយ៉ាងពេញទំហឹងក្នុងការចែករំលែកព័ត៌មានចារកម្មលើសមរភូមិជាមួយលោក Kellogg និងធ្វើការលើវិធានការសន្តិសុខ ជាពិសេសការដាក់ពង្រាយប្រព័ន្ធការពារដែនអាកាស Patriot ដែលកំពុងត្រូវបានផ្ដល់ឲ្យដោយដៃគូអឺរ៉ុប ដូចជា អាល្លឺម៉ង់ និងន័រវែស។ លោកបានថ្លែងថា «យើងត្រូវតែធ្វើគ្រប់យ៉ាងដើម្បីបង្ខំរុស្ស៊ីឲ្យបញ្ឈប់ការសម្លាប់ ដើម្បីសម្រេចបានសន្តិភាពពិតប្រាកដ និងធានាសន្តិសុខ»។
សេចក្តីថ្លែងការណ៍របស់មេដឹកនាំអ៊ុយក្រែន កើតឡើងទន្ទឹមគ្នាទៅនឹងការកើនឡើងការមិនពេញចិត្តកាន់តែខ្លាំងរបស់លោក ត្រាំ ចំពោះប្រធានាធិបតីរុស្ស៊ី។ លោក ត្រាំ បានប្រកាសផែនការបញ្ជូនប្រព័ន្ធ Patriot ចំនួន១៧គ្រឿងទៅកាន់អ៊ុយក្រែន ហើយបានគំរាមកំហែងដាក់«ពន្ធដ៏ធ្ងន់ធ្ងរ» លើបណ្តាប្រទេសដែលបន្តធ្វើពាណិជ្ជកម្មជាមួយរុស្ស៊ី ប្រសិនបើទីក្រុងមូស្គូបរាជ័យក្នុងកិច្ចចរចាក្នុងរយៈពេល ៥០ថ្ងៃ៕
ដោយ៖ ឈាង
ចុចអាន៖ ត្រាំ បញ្ជាក់ពីចំនួនខែលអាកាស Patriot ដែលឲ្យទៅអ៊ុយក្រែន
ក្រោយជួបបេសកជនអាមេរិក ហ្សេលេនស្គីប្រាប់ថា «សន្តិភាពសម្រេចបានទាល់តែប្រើកម្លាំង»
ក្រុមប្រឹក្សាជាតិភាសាខ្មែរ នឹងរៀបចំសិក្ខាសាលាស្តីពីពាក្យកម្ចីក្នុងភាសាចំនួន៤ ដើម្បីរកពាក្យកម្ចីថ្មីៗក្នុងភាសាខ្មែរ
សម្ដេចតេជោប្រាប់ប្រធានព្រឹទ្ធសភាបារាំង ថា កម្ពុជាទុកចិត្តខ្លាំងលើការគាំទ្រពីបារាំងក្នុងសំណុំរឿងព្រំដែនជាមួយថៃ
បឺត សង្ឃឹម បញ្ជាក់ថា ខ្លួនមិនធ្លាប់ស្នើសុំជួបកីឡាករណាទេ សំខាន់លើគ្រូជាអ្នកអនុញ្ញាត
មកដល់ពេលនេះ មានខេត្តចំនួន ៣ មានរោងចក្រផលិតស៊ីម៉ងត៍ផ្គត់ផ្គង់ទីផ្សារក្នុងស្រុក
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
មេធាវីថៃម្នាក់ចេញមុខគាំទ្រជនកំសាក ដែលលួចវាយទាហានកម្ពុជា ទោះប្រទេសថៃកំពុងអាម៉ាស់
CMAC រកឃើញអាវុធវែង៥២ដើមកប់ទុកក្នុងដីបម្រើឲ្យសមរភូមិកាលពីសម័យសង្គ្រាម
មីយ៉ាន់ម៉ា បន្តទម្លាក់គ្រាប់បែកលើតំបន់ជាប់ព្រំដែនថៃ ស្លាប់អ្នកភូមិ២នាក់នៅខាងមីយ៉ាន់ម៉ា
មេភូមិភាគ២ថៃ ថា ជនកំសាកដែលលួចវាយទាហានកម្ពុជា ប្រហែលដោយសារទប់អារម្មណ៍មិនជាប់
-
ព័ត៌មានអន្ដរជាតិ៣ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៥ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានជាតិ៦ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៤ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
សន្តិសុខសង្គម១៨ ម៉ោង agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
-
ព័ត៌មានអន្ដរជាតិ៧ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ