កូរ៉េខាងត្បូង អនុម័ត​ច្បាប់​ថ្មី​ហាមប្រាមទូរសព្ទក្នុងសាលារៀនទូទាំង​ប្រទេស

កូរ៉េខាងត្បូងបានអនុម័តច្បាប់ដ៏សំខាន់មួយ ដែលហាមឃាត់សិស្សានុសិស្សពីការប្រើប្រាស់ទូរសព្ទដៃ និងឧបករណ៍ឆ្លាតវៃក្នុងអំឡុងម៉ោងសិក្សា ដែលធ្វើ​ឲ្យប្រជាជាតិ​​អាស៊ី​​មួយ​នេះស្ថិត​ក្នុងចំណោមប្រទេសមួយចំនួន​តូច​​ប៉ុណ្ណោះ​ដែលអនុវត្តការរឹតបន្តឹងបែបនេះ។

ច្បាប់ថ្មី ដែលបានអនុម័តដោយមានការគាំទ្រច្រើនលើសលប់កាលពីថ្ងៃពុធ​ទី​២៧ខែ​សីហា​ឆ្នាំ​២០២៥ នឹងចូលជាធរមាននៅដើមឆ្នាំសិក្សាបន្ទាប់ក្នុងខែមីនា​ឆ្នាំ​២០២៦ខាង​មុខ។ វាមានគោលបំណងដើម្បីដោះស្រាយកង្វល់ដែលកំពុងកើនឡើងលើការញៀនស្មាតហ្វូន ដែលការស្ទង់មតិរបស់រដ្ឋាភិបាលថ្មីៗនេះបានរកឃើញថាប៉ះពាល់ដល់ ៤៣% នៃប្រជាជនកូរ៉េខាងត្បូងដែលមានអាយុពី ១០ ទៅ ១៩ឆ្នាំ។

ច្បាប់នេះតំណា​ង​ឲ្យអន្តរាគមន៍របស់រដ្ឋាភិបាលដ៏សំខាន់នៅក្នុងជីវិតប្រចាំថ្ងៃរបស់សិស្ស ដោយផ្តល់នូវក្របខ័ណ្ឌច្បាប់សម្រាប់ការហាមឃាត់ដែលសាលារៀនជាច្រើនបានព្យាយាមអនុវត្តដោយខ្លួនឯង​រួច​មក​ហើយ។ វាបង្ហាញពីបញ្ហា​ប្រឈម​ជាសកលក្នុងការគ្រប់គ្រងផលប៉ះពាល់នៃស្មាតហ្វូនលើយុវវ័យ ដោយប្រទេសមួយចំនួនដូចជា អ៊ីតាលី ចិន និងបារាំងបានធ្វើ​ការ​ណែនាំស្រដៀងគ្នានេះ បើទោះបីជាការរឹតបន្តឹងមិនសូវទូលំទូលាយក៏ដោយ៕

ដោយ៖ ឈាង