ព័ត៌មានអន្ដរជាតិ
វិមានក្រឹមឡាំងបដិសេធការលើកឡើងរបស់ ត្រាំ ដែលថាអ៊ុយក្រែនអាចយកដីទាំងអស់មកវិញ
វិមានក្រឹមឡាំងបានច្រានចោលការអះអាងរបស់ប្រធានាធិបតីអាមេរិក ដូណាល់ ត្រាំ ដែលថាអ៊ុយក្រែនអាចដណ្តើមយកទឹកដីរបស់ខ្លួនមកវិញ ដោយទទូចថា រុស្ស៊ីគ្មានជម្រើសអ្វីក្រៅពីបន្តសង្គ្រាមទៅមុខនោះទេ ដើម្បីពលរដ្ឋជំនាន់ក្រោយរបស់ខ្លួន។
លោក ត្រាំ បន្ទាប់ពីជួបជាមួយប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី នៅខាងក្រៅមហាសន្និបាតអង្គការសហប្រជាជាតិ បានសរសេរនៅលើបណ្ដាញសង្គម Truth Social ថា អ៊ុយក្រែន ដោយមានការគាំទ្រពីអឺរ៉ុប អាច«ប្រយុទ្ធ និងដណ្ដើមទឹកដីអ៊ុយក្រែនទាំងអស់ឡើងមកវិញតាមទម្រង់ដើមរបស់ខ្លួន» ដោយពណ៌នាប្រទេសរុស្ស៊ីថាជា«ខ្លាក្រដាស» ដែលកំពុងធ្លាក់ចុះខាងផ្នែកសេដ្ឋកិច្ច។
អ្នកនាំពាក្យវិមានក្រឹមឡាំង លោក Dmitry Peskov បានច្រានចោលការលើកឡើងនេះ ដោយប្រាប់វិទ្យុ RBC ថា «គំនិតដែលថា អ៊ុយក្រែនអាចយកមកវិញនូវអ្វីមួយ គឺខុសស្រឡះ។ យើងនឹងបន្តធានាផលប្រយោជន៍របស់យើង និងសម្រេចបាននូវគោលដៅរបស់យើង។ យើងកំពុងធ្វើនេះសម្រាប់ទាំងបច្ចុប្បន្ន និងអនាគតរបស់ប្រទេសយើង សម្រាប់មនុស្សជាច្រើនជំនាន់ទៅមុខ។ ដូច្នេះហើយ យើងគ្មានជម្រើសជំនួសផ្សេងទេ»។
លោក Peskov បាននិយាយថា ការអត្ថាធិប្បាយរបស់លោក ត្រាំ ទំនងជាត្រូវបានជះឥទ្ធិពលដោយកិច្ចប្រជុំរបស់គាត់ជាមួយ ហ្សេលេនស្គី ហើយបានទទូចថា សេដ្ឋកិច្ចរបស់ប្រទេសរុស្ស៊ីនៅតែមាន «ស្ថិរភាព អាចព្យាករបាន និងនៅតែអាចបម្រើផលប្រយោជន៍សង្គម» ទោះបីជាមានការដាក់ទណ្ឌកម្មពីលោកខាងលិចក៏ដោយ។ លោកបានសង្កត់ធ្ងន់ថា ទីក្រុងមូស្គូកំពុងបំពេញទាំងកាតព្វកិច្ចក្នុងស្រុក និងតម្រូវការយោធា។
ជំហររបស់លោក ត្រាំ បានផ្លាស់ប្ដូរយ៉ាងខ្លាំង។ ពីមុនលោកបានស្នើឲ្យអ៊ុយក្រែនគួរតែធ្វើសម្បទានទឹកដីដល់ទីក្រុងមូស្គូជាថ្នូរនឹងការបន្ធូរបន្ថយទណ្ឌកម្ម។ ឥឡូវនេះ លោកបែរជានិយាយថា រុស្ស៊ីធ្វើសង្រ្គាមដោយគ្មានគោលដៅច្បាស់លាស់ ហើយបានបញ្ជាក់ថា ក្រុងកៀវអាចដណ្តើមយកទឹកដីរបស់ខ្លួនពីរុស្ស៊ីមកវិញថែមទៀតផង។
លោក Peskov បានប្រឆាំងនឹងការលើកឡើងរបស់លោក ត្រាំ ដែលថាសង្គ្រាមរបស់រុស្ស៊ីគ្មានគោលដៅ ដោយអះអាងថា ក្រុងមូស្គូមានបំណងធានាសន្តិសុខ និងដកចេញនូវអ្វីដែលក្រុងមូស្គូមើលឃើញថាជាមូលហេតុនៃជម្លោះ។ លោកបានរំលឹកឡើងវិញនូវទស្សនៈរបស់ប្រធានាធិបតី វ្ល៉ាឌីមៀរ ពូទីន ថា សង្រ្គាមអាចត្រូវបានដោះស្រាយដោយជម្រើស២គឺ ការចរចា និង«ការប្រើកម្លាំង»។
វិមានក្រឹមឡាំងក៏បានច្រានចោលការអំពាវនាវរបស់លោក ត្រាំ ដែលឲ្យអង្គការណាតូបាញ់ទម្លាក់យន្តហោះរុស្ស៊ីដែលត្រូវបានចោទប្រកាន់ពីបទរំលោភដែនអាកាសសម្ព័ន្ធមិត្ត។ លោក Peskov បានលើកឡើងថា «ការហួសចិត្តអំពីអាកាសយានិកយោធារបស់យើង ដែលត្រូវបានចោទប្រកាន់ថាបានបំពានច្បាប់មួយចំនួន… គឺគ្មានមូលដ្ឋាន និងមិនមែនជាការពិតទេ»៕
ដោយ៖ ឈាង
ចុចអាន៖ ហ្សេលេនស្គី៖ ត្រាំ អាចបញ្ចុះបញ្ចូលមេដឹកនាំចិន ឲ្យផ្លាស់ប្តូរជំហរលើសង្រ្គាមនៅអ៊ុយក្រែន
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ