ព័ត៌មានអន្ដរជាតិ
ហ្សេលេនស្គី៖ ត្រាំ អាចបញ្ចុះបញ្ចូលមេដឹកនាំចិន ឲ្យផ្លាស់ប្តូរជំហរលើសង្រ្គាមនៅអ៊ុយក្រែន
ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បាននិយាយកាលថ្ងៃអង្គារទី២៣ខែកញ្ញាឆ្នាំ២០២៥ថា ប្រធានាធិបតីអាមេរិក លោក ដូណាល់ ត្រាំ អាចដើរតួនាទីសំខាន់ក្នុងការផ្លាស់ប្តូរជំហររបស់មេដឹកនាំចិន ស៊ី ជីនពីង លើសង្រ្គាមរុស្ស៊ីនៅអ៊ុយក្រែន។
លោក ហ្សេលេនស្គី បានប្រាប់ Fox News បន្ទាប់ពីជួបជាមួយលោក ត្រាំ នៅខាងក្រៅមហាសន្និបាតអង្គការសហប្រជាជាតិក្នុងទីក្រុងញូវយ៉កថា «ខ្ញុំគិតថា ប្រធានាធិបតី ត្រាំ អាចផ្លាស់ប្តូរអាកប្បកិរិយារបស់ ស៊ី ជីនពីង ចំពោះសង្រ្គាមនេះ… យើងមានអារម្មណ៍ថាប្រទេសចិនមិនចង់បញ្ចប់សង្រ្គាមនេះទេ»។
ទីក្រុងវ៉ាស៊ីនតោនបានចោទប្រកាន់ចិន និងឥណ្ឌាថាបានបញ្ឆេះជម្លោះដោយប្រយោល តាមរយៈការបន្តទិញប្រេងពីរុស្ស៊ី។ ទីភ្នាក់ងារព័ត៌មាន Reuters បានរាយការណ៍កាលពីសប្តាហ៍មុនថា លោក ត្រាំ បានជំរុញឲ្យមន្ត្រីសហភាពអឺរ៉ុបដាក់ពន្ធ ១០០% លើទំនិញរបស់ចិន ដើម្បីរារាំងទីក្រុងប៉េកាំងពីការទិញប្រេងឆៅពីរុស្ស៊ី។ លោកក៏បានអំពាវនាវឲ្យមានវិធានការស្រដៀងគ្នានេះប្រឆាំងនឹងប្រទេសឥណ្ឌាផងដែរ។
យ៉ាងណាមិញ លោក ហ្សេលេនស្គី បាននិយាយថា ឥណ្ឌានៅតែ«ឈរខាងអ៊ុយក្រែនខ្លាំងជាង» ហើយបានសម្តែងក្តីសង្ឃឹមថា លោក ត្រាំ និងសម្ព័ន្ធមិត្តអឺរ៉ុប នឹងពង្រឹងទំនាក់ទំនងជាមួយទីក្រុងញ៉ូវដេលី ដើម្បីកាត់បន្ថយការពឹងផ្អែកលើថាមពលរបស់រុស្ស៊ី។
លោក ត្រាំ ដែលបានសម្តែងការខឹងសម្បារចំពោះជម្លោះដែលអូសបន្លាយជាង៣ឆ្នាំ បានរិះគន់លោកប្រធានាធិបតីរុស្ស៊ី វ្ល៉ាឌីមៀរ ពូទីន។ នៅលើបណ្ដាញសង្គម Truth Social លោកបានសរសេរថា រុស្ស៊ីស្ថិតនៅក្នុង«បញ្ហាសេដ្ឋកិច្ចដ៏ធំ» ហើយបានអះអាងថា ដោយមានការគាំទ្រពីអឺរ៉ុប អ៊ុយក្រែននៅតែអាចដណ្តើមយកទឹកដីទាំងអស់របស់ខ្លួនមកវិញ។
លោក ត្រាំ បានលើកឡើងថា «ប្រទេសរុស្ស៊ីបានប្រយុទ្ធដោយគ្មានគោលដៅអស់រយៈពេល ៣ឆ្នាំកន្លះ ជាសង្រ្គាមដែលអំណាចយោធាពិតប្រាកដមួយអាចវាយយកឈ្នះចាយពេលមិនដល់មួយសប្ដាហ៍ផង។ នេះជារឿងចម្លែកហួសស្មានរបស់រុស្ស៊ី»៕
ដោយ៖ ឈាង
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន