ហានិភ័យហើយ! ប្រទេសផលិត វ៉ាក់សាំង ធំជាងគេបំផុតលើពិភពលោកកំពុងកង្វះខាតចាក់ដល់ប្រជាជនខ្លួន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ហានិភ័យហើយ! ប្រទេសផលិត វ៉ាក់សាំង ធំជាងគេបំផុតលើពិភពលោកកំពុងកង្វះខាតចាក់ដល់ប្រជាជនខ្លួន

បានផុស

នៅ

ឥណ្ឌា ដែលជាប្រទេសផលិតវ៉ាក់សាំងធំជាងគេបំផុតនៅលើពិភពលោក កំពុងប្រឈមនឹងកង្វះខាតវ៉ាក់សាំងការពារជំងឺកូវីដ ១៩ ចំពេលមានការកើនឡើងកាន់តែច្រើននៃករណីឆ្លង ខណៈករណីឆ្លងជាង ១០ ម៉ឺនករណីត្រូវបានរាយការណ៍ជារៀងរាល់ថ្ងៃក្នុងសប្តាហ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលរបស់ប្រទេសឥណ្ឌាបានរាយការណ៍ថា មានករណីឆ្លងថ្មីជាង ១៣០,០០០ ករណីកាលពីថ្ងៃសុក្រ ហើយជាចំនួនឆ្លងច្រើនបំផុតមិនធ្លាប់មានជាកំណត់ត្រាសម្រាប់ថ្ងៃទីបីជាប់គ្នា ។ ទិន្នន័យពីសាកលវិទ្យាល័យ Johns Hopkins នៅសហរដ្ឋអាមេរិកបង្ហាញថា ប្រទេសឥណ្ឌាមានករណីឆ្លងសរុបកើនដល់ទៅជាង ១៣ លានករណី ហើយជាចំនួនខ្ពស់បំផុតលំដាប់ទី ៣ នៅលើពិភពលោក បន្ទាប់ពីសហរដ្ឋអាមេរិក និងប្រេស៊ីល ។

ទន្ទឹមនោះបម្រាមគោចរពេលយប់ត្រូវបានពង្រីកដល់ទីក្រុងតូចៗ បន្ទាប់ពីត្រូវបានដាក់ចេញនៅក្នុងរដ្ឋធានីញូវដេលី និងទីក្រុងធំៗដទៃទៀត ។

នៅក្រោមកាលៈទេសៈនេះ ក្រុមមន្រ្តីក៏កំពុងអំពាវនាវឲ្យមានការប្រើប្រាស់វ៉ាក់សាំងក្នុងគោលការណ៍ល្អបំផុតមួយផងដែរ ។ មន្ត្រីសុខាភិបាលនៅរដ្ឋមួយចំនួនបាននិយាយថា ពួកគេបានបិទមណ្ឌលចាក់វ៉ាក់សាំង បន្ទាប់ពីអស់ការផ្គត់ផ្គង់ ខណៈការប្រើខ្ជះខ្ជាយត្រូវបានលើកឡើងជាហេតុផលសំខាន់សម្រាប់ការខ្វះខាតនេះ ។

ស្របពេលជាមួយគ្នានោះលោកនាយករដ្ឋមន្រ្តី Narendra Modi បានជំរុញមេដឹកនាំរដ្ឋនៅក្នុងការប្រជុំតាមប្រព័ន្ធអ៊ីនធឺណេតដើម្បីលើកឡើងពីកាត់បន្ថយការខ្ជះខ្ជាយនេះ ។ លោកបាននិយាយថា “ជាគំនិតចាប់ផ្ដើមពិសេសមួយ យើងគួរតែចាក់វ៉ាក់សាំងឲ្យមនុស្សដែលមានសិទ្ធិទទួលបានកាន់តែច្រើន និងធានាឲ្យបាននូវការខ្វះខាតវ៉ាក់សាំងឲ្យដល់ចំណុចសូន្យ” ។

បន្ថែមពីនេះការចាក់វ៉ាក់សាំងការពារជំងឺកូវីដ ១៩ ធ្វើឡើងរួចរាល់ហើយសម្រាប់មនុស្សដែលមានអាយុលើសពី ៤៥ ឆ្នាំ និងបុគ្គលិកផ្នែកវេជ្ជសាស្រ្ត និងបុគ្គលិកជួរមុខផ្សេងៗទៀត ខណៈអ្នកជំនាញនិយាយថា សិទ្ធិទទួលវ៉ាក់សាំងបានគួរតែត្រូវបានពង្រីកដើម្បីឲ្យមានការកើនឡើងនៃចំនួនការចាក់វ៉ាក់សាំងនាពេលថ្មីៗនេះ ។

គួរបញ្ជាក់ថា គិតត្រឹមពេលនេះប្រទេសឥណ្ឌាមានករណីឆ្លងជំងឺកូវីដ ១៩ សរុប ១៣,២០២,៧៨៣ ករណី និងមានអ្នកស្លាប់ចំនួន ១៦៨,៤៦៧ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ក្រោយផ្អាកផ្គត់ផ្គង់វ៉ាក់សាំងទៅ COVAX ឥណ្ឌា ចាប់ផ្ដើមចាក់ដល់ប្រជាជនអាយុពី ៤៥ ឆ្នាំឡើងទៅ

ចុចអាន ៖ ឆ្លងខ្លាំងប៉ុណ្ណឹងហើយ តែអភិបាលរដ្ឋ Delhi ថា គ្មានផែនការបិទរដ្ឋឥណ្ឌានេះឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

រដ្ឋបាល​ខេត្តកណ្ដាល​សម្រេច កំណត់​ភូមិសាស្ត្រ​ក្រុង​តាខ្មៅ​ នៃ​ខេត្តកណ្ដាល​ជា “តំបន់​លឿងទុំ” និង​”តំបន់លឿង”​

ព័ត៌មានជាតិ៣ ម៉ោង មុន

រដ្ឋបាលរាជធានីភ្នំពេញ បង្ហាញ​អត្តសញ្ញាណ​អ្នក​វិជ្ជមាន​កូវីដ១៩ ចំនួន២៤៧រូប ដែល​ជាករណី​ឆ្លង​ក្នុង​សហគមន៍

ព័ត៌មានជាតិ៥ ម៉ោង មុន

អាជ្ញាធរ​កោះកុង ចាត់​បញ្ជូន​ម្តាយកូន​២​នាក់​ទៅ​ប្រទេស​ថៃ​វិញ

ព័ត៌មានជាតិ៥ ម៉ោង មុន

រដ្ឋបាល​រាជធានី​ភ្នំពេញ​ ​កំណត់​ភូមិសាស្ត្រ​រាជធានី​ភ្នំពេញ​ជា​៣ គឺ តំបន់ក្រហម តំបន់លឿងទុំ និង​តំបន់លឿង

ព័ត៌មានជាតិ៦ ម៉ោង មុន

សម្តេច​ពិជ័យ​សេនា ទៀ បាញ់ ដក​ឋានន្តរស័ក្តិ និង​លុបឈ្មោះ​មន្ត្រី​យោធា​ម្នាក់ ដែល​ផឹកស៊ី​ល្មើស​វិធានការ​របស់​រាជរដ្ឋាភិបាល​

Sokha Hotels

ព័ត៌មានពេញនិយម

Helistar Cambodia - Helicopter Charter Services