Connect with us

សុខភាព

សាច់​មាន់​បំពង​ឬ​ចៀន​ ហូប​ច្រើន​សឹង​រាល់ថ្ងៃ​ នឹង​មាន​បញ្ហា​សុខភាព​ពិបាក​តែ​ខ្លួនឯង

បានផុស

នៅ

សាច់​មាន់​បំពង​ឬ​ចៀន​មាន​រសជាតិ​ឆ្ងាញ់​ ហើយ​ត្រូវ​បាន​មនុស្ស​ជា​ច្រើន​ចូលចិត្ត​ ប៉ុន្តែ​វា​មិន​មែន​ជា​អាហារ​ដែល​គួរ​រីករាយ​ជា​ប្រចាំ​ថ្ងៃ​នោះ​ទេ។

ការ​ហូប​សាច់​មាន់​ចៀន​យូរៗ​ម្ដង​មិនមែន​ជា​បញ្ហា​ធំ​ដុំ​ទេ។ តែ​បើ​យើង​ញ៉ាំ​វា​ជា​រៀងរាល់​ថ្ងៃ​ នោះ​អាច​មាន​ផល​វិបាកខ្លះៗ​កើតឡើង​លើ​រាងកាយ។

១ ហើម​ពោះ​ខ្លាំង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារ​ដែល​មាន​ជាតិ​ខ្លាញ់​ដូចជា​សាច់​មាន់​ចៀន​ គឺ​ពិបាក​រំលាយ​អាហារ​ មាន​ន័យ​ថា​វា​កិន​យឺត​ដោយ​ឆ្លង​កាត់​មាត់​បំពង់​អាហារ ​ក្រពះ​ ពោះវៀន​តូច​ ពោះវៀនធំ​ ជា​លទ្ធផល​អាច​បណ្ដាល​ឲ្យ​អ្នក​ហើម​ពោះ។ អាហារ​ចៀន​មាន​ខ្លាញ់​ឆ្អែត​និង​ខ្លាញ់​ច្រើន ​ដែល​ត្រូវ​បាន​គេ​ដឹង​ថា​ធ្វើ​ឲ្យ​ធាត់​បាន​ងាយ។ រោគ​សញ្ញា​ផ្សេង​អាច​កើន​ឡើង​ ប្រសិន​បើ​អ្នក​មាន​មុខងារ dyspepsia (FD) ដែល​ជា​ជំងឺ​ទូទៅ​មួយ​និង​រោគ​សញ្ញា​នៃ​ការ​រំលាយ​អាហារ​ដែល​មិន​មាន​មូលហេតុ​ច្បាស់លាស់។

២ ធ្វើ​ឲ្យ​ឡើង​ទម្ងន់

សាំង​វិច​ឬ​បឺហ្គឺ​សុទ្ធ​តែ​ដាក់​សាច់​មាន់​ចៀន​ បើ​អ្នក​ហូប​រាល់​ថ្ងៃ​ធានា​ថា​អាច​​​ប្រឈម​នឹង​ហានិភ័យ​នៃ​ការ​ឡើង​ទម្ងន់។ នេះ​ដោយសារ​តែ​សាច់​មាន់​ចៀន​ច្រើន​តែ​មាន​កាឡូរី​ច្រើន​ជាង​មិន​ចៀន។ ប្រេង​ឬ​ខ្លាញ់​ដែល​ចៀន​អាច​មាន​ផ្ទុក​ជាតិ​ខ្លាញ់ trans នឹង​បង្កើន​កម្រិត​កូឡេស្តេរ៉ុល​អាក្រក់​ដល់​អ្នក​បរិភោគ។ វា​ជា​ប្រភេទ​អាហារ​កូលេស្តេរ៉ុល​ដែល​បង្ក​គ្រោះថ្នាក់​ អាច​ធ្វើ​ឲ្យ​ស្ទះ​ដល់​សរសៃឈាម​ និង​បណ្ដាល​ឲ្យ​មាន​ជំងឺ​សរសៃឈាម​បេះដូង។

៣ អារម្មណ៍​ស្ពឹក​ៗ​មិន​រហ័ស

ជាង ៩៥% នៃ​ការ​ផ្គត់ផ្គង់​សារធាតុ serotonin អ័រម៉ូន​ដែល​ធ្វើ​ឲ្យ​មាន​អារម្មណ៍​ល្អ ត្រូវ​បាន​ផលិត​ដោយ​បាក់តេរី​ពោះវៀន។ ក្រពះ​ ពោះវៀន​តូច ​ពោះវៀន​ធំ​ របស់​យើង​សុទ្ធ​តែ​ជា​ភ្នាក់ងារ​ភ្ជាប់​គ្នា​ជាមួយ​កោសិកា​សរសៃ​ប្រសាទ​រាប់​លាន​ដែល​ហៅថា neurons នឹង​ជួយ​រំលាយអាហារ​ហើយ​ថែម​ទាំង​ដើរ​តួ​ក្នុង​ការ​គ្រប់គ្រង​អារម្មណ៍​របស់​យើង​ដែរ។ ប្រសិន​បើ​អ្នក​ញ៉ាំ​សាច់​មាន់​បំពង​ច្រើន​រាល់ថ្ងៃ ​ពោះវៀន​ចាំបាច់​ត្រូវ​តែ​ដុត​ជាមួយ​នឹង​គ្រឿងផ្សំ​រលាក ​ហើយ​​បណ្ដាល​ឲ្យ​បាក់តេរី​អាក្រក់​កាន់​តែ​ច្រើន​ឡើង។ នេះ​អាច​រារាំង​ចំនួន​បាក់តេរី​ល្អ​ ដែល​ពោះវៀន​របស់​យើង​ផលិត​និង​ប៉ះពាល់​ដល់​កម្រិត​ថាមពល​​នៃ​អារម្មណ៍។

៤ បង្កើន​ហានិភ័យ​នៃ​ការ​ស្លាប់

ការ​សិក្សា​ឆ្នាំ ២០១៩ ដែល​បាន​ចេញ​ផ្សាយ​នៅ​ក្នុង BMJ បាន​បង្ហាញ​ថា​ ស្ត្រី​ដែល​ញ៉ាំ​សាច់​មាន់​បំពង​មួយ​ដង​យ៉ាង​ហោច​ណាស់​ មាន​ហានិភ័យ​ខ្ពស់​នៃ​ការ​ស្លាប់ ១៣% ពី​បុព្វហេតុ​ណា​មួយ ​បើ​ធៀប​នឹង​អ្នក​ដែល​មិន​បាន​បរិភោគ​អាហារ​ចៀន​ឬ​បំពង​ណាមួយ៕

ប្រែសម្រួល៖ សាង ស្រីល័ក្ខ

ចុចអាន៖អ្នក​ចូលចិត្ត​ញ៉ាំ​​​ផ្អែម​ៗ​រាល់ថ្ងៃ​ មក​មើល​វិធី​កាត់​បន្ថយ​​របប​អាហារ​ដែល​មាន​​ជាតិ​ស្ករ​ច្រើន​​​​

ចុចអាន៖កុំ​លេង​សើច​ឲ្យ​សោះ! ផ្សិត​ម្ជុល​មិន​បាន​ចម្អិន​ឆ្អិន​ល្អ​ ​អាច​បង្ក​ឲ្យ​មាន​មេរោគ​​នេះ​​​​ក្នុង​ខ្លួន​ភ្លាមៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម