សុខភាព

ជំងឺ៦ ប្រភេទ គ្រោះថ្នាក់ខ្លាំងនៅរដូវទឹកជំនន់ និងវិធីការពារនាំធ្ងន់

បានផុស

៥ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ទឹកជំនន់គឺជាហេតុការណ៍មួយដែលលំបាកខ្លាំង ជាពិសេសគឺវានាំមកនូវការខូចខាតផ្ទះសម្បែងនិងផលដំណាំផ្សេងៗ។ ខណៈនេះទឹកជំនន់ក៏នាំបញ្ហា សុខភាពមកជាមួយដែរ។

ខាងក្រោម ជាជំងឺគ្រោះថ្នាក់ចំនួន ៦ ដែលមកជាមួយទឹក និងវិធីដើម្បីការពារកុំឲ្យវាកើតឡើងចំពោះយើង។

១ ជំងឺ leptospirosis

ជំងឺនេះបណ្ដាលមកពីលាមកសត្វ ជាពិសេសកណ្តុរត្រូវបានលាយជាមួយទឹក ហើយចូលក្នុងខ្លួនយើងតាមរយៈស្នាមរបួសឬសំណឹក។ វាអាចបណ្ដាលឲ្យឈឺក្បាល និងគ្រុនក្តៅខ្លាំង។

វិធីការពារ៖ កុំឧស្សាហ៍ដើរកាត់ទឹក។ បើចាំបាច់សូមលាងជើងជានិច្ច ក្រោយដើរកាត់ក្នុងទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ រាគ

គេដឹងច្បាស់ថា ទឹកជំនន់ធ្វើឲ្យការធ្វើដំណើរកាន់តែពិបាក។ បញ្ហាកាន់តែធំ គឺរឿងអាហារនឹងកើតឡើង។ នេះរួមបញ្ចូលទាំងអនាម័យ និងគុណភាពអាហារផងដែរ។ ជំងឺនេះជារឿយៗត្រូវបានរកឃើញនៅក្នុងព្រឹត្តិការណ៍នេះ ដោយសារតែការប្រើប្រាស់ទឹកមិនស្អាត ហូបមិនស្អាតជាដើម។

វិធីការពារ៖ ផឹកទឹកស្អាតក្នុងដបបិទជិត។ មុនផឹក សូមដាំទឹកឲ្យពុះ ដើម្បីសម្លាប់មេរោគជាមុនសិន។

៣ ទឹកស៊ីជើង

ទឹកស៊ីជើងក៏ជាជំងឺមួយដែលគ្រោះថ្នាក់ ហើយតែងកើតឡើងជាមួយនឹងសំណើមនៃទឹក ដែលអាចឲ្យផ្សិតលូតលាស់បាន។ ជើងមិនស្អាតរបស់យើង គឺជាកន្លែងល្អឥតខ្ចោះសម្រាប់ផ្សិត ហើយនៅទីបំផុតវានឹងប្រមូលផ្ដុំកកកុញ។

វិធីការពារ៖ ចៀសវាងការប៉ះពាល់ជាមួយទឹកញឹកញាប់។ បើចាំបាច់ចៀសមិនបាន សូមលាងសំអាត ហើយជូតវាឲ្យស្ងួត។

៤ ជំងឺគ្រុនឈាម

នៅពេលមានទឹកជំនន់ ទឹកនឹងនៅជុំវិញកន្លែងស្នាក់នៅរបស់យើង ហើយក្លាយជាកន្លែងបង្កាត់ពូជមូសគ្រប់ប្រភេទ។ នេះបណ្ដាលឲ្យមូសមួយចំនួនធំ មានលទ្ធភាពបង្កើតជាជំងឺគ្រុនឈាម។

វិធីបង្ការ៖ ការដោះស្រាយបុព្វហេតុនេះ គឺពិបាក។ ដូច្នេះអ្នកត្រូវតែលាបថ្នាំការពារមូសរាល់ពេល រួមទាំងពេលគេង អ្នកគួរតែចងមុងដើម្បីការពារគ្រោះថ្នាក់ ដែលចូលមកក្នុងជំងឺដោយមិនដឹងខ្លួន។

៥ បញ្ហាស្ត្រេស

នៅពេលមានទឹកជំនន់ ដែលបណ្ដាលឲ្យរងការខូចខាត តើអ្នកណានឹងមិនតានតឹង? មនុស្សម្នាក់ៗអាចមានភាពតានតឹងមិនដូចគ្នាទេ អាស្រ័យលើកត្តា។ រួមទាំងការធ្លាក់ទឹកចិត្ត ធុញទ្រាន់នឹងការប្រយុទ្ធប្រឆាំងវិបត្តិ ដែលកើតឡើងរហូតដល់អារម្មណ៍របស់យើងបន្តិចម្តងៗ អាចបង្កើតជាជំងឺផ្លូវចិត្តមកដែរ។

វិធីការពារ៖ អ្នកត្រូវមានស្មារតីនិងទទួលយកនូវអ្វីដែលបានកើតឡើង ដើម្បីឲ្យដឹងខ្លួនមុន។ រួមទាំងអ្នកនៅជុំវិញ អ្នកត្រូវតែលើកទឹកចិត្តគ្នា។ ព្រោះបើយើងអាចឆ្លងកាត់វាបាន យើងត្រូវជួយគ្នាទៅវិញទៅមក ដើម្បីមានក្ដីសង្ឃឹមជាមួយគ្នាជានិច្ច។

៦ កូវីដ១៩

មនុស្សគ្រប់គ្នា បានដឹងពីភាពភ័យរន្ធត់នៃជំងឺឆ្លងនេះ ជាមួយនឹងទឹកជំនន់ គម្លាតត្រូវបានកាត់បន្ថយ។ ហើយនៅក្នុងស្ថានភាពបែបនេះ គ្រប់គ្នាសុទ្ធតែមិនច្បាស់ថាអ្នកណាជាអ្នកឆ្លង រួមទាំងទីភ្នាក់ងារដែលមិនមានការត្រួតពិនិត្យច្បាស់លាស់។ ដូច្នេះ ត្រូវរក្សាគម្លាតឲ្យបានច្រើន តាមដែលអាចធ្វើទៅបាន ហើយបន្តការឃ្លាំមើលអាការជានិច្ច។

វិធីការពារ៖ ប្រសិនបើអ្នកនៅកន្លែងដែលមិនមានទំនុកចិត្ត អ្នកគួរតែដាក់ខ្លួនឯងយ៉ាងតិច ១៤ ថ្ងៃ ហើយចងចាំថាត្រូវពាក់ម៉ាស់រាល់ពេលដែលយើងជួបមនុស្សផ្សេងទៀត៕

ប្រែសម្រួល៖ សាង ស្រីល័ក្ខ

ចុចអាន៖៥ ចំណុចខ្លឹមៗ ទាក់ទងរឿងគ្រុនឈាម គ្រប់គ្នាត្រូវដឹង

ចុចអាន៖ជំងឺ៥ មុខនេះ ងាយកើតលើកូនៗជាងគេក្នុងខែភ្លៀង

ចុចអាន៖៥ វិធីងាយៗ ដើម្បីការពារខ្លួនឯងនិងគ្រួសារពីជំងឺគ្រុនឈាម ក្នុងរដូវនេះ