សុខភាព
អត្ថប្រយោជន៍បាយដំណើបចំពោះសុខភាព ចែកគ្នាដឹង
តាមពិតទៅបាយដំណើប (Sticky Rice or Glutinous Rice) មិនមែនមានតែនៅស្រុកខ្មែរយើងទេ វាមាននៅតាមប្រទេសអាស៊ីជាច្រើន ដោយស្រូវដំណើបអាចដាំដុះទាំងនៅតំបន់ទំនាប និងខ្ពស់រាប ហើយសូម្បីតែជនជាតិជប៉ុន ក៏យកបាយដំណើបនេះ ទៅប្រើក្នុងមុខម្ហូប Sushi ផងដែរ។
បាយដំណើប មានក្លិនមិនខុសពីបាយប្រភេទផ្សេងទៀតប៉ុន្មានទេ ប៉ុន្ដែវាមានលក្ខណៈស្អិតជាងបាយប្រភេទផ្សេងទៀត ដោយសារវាមានសមាសធាតុគីមី Amylopectin យ៉ាងច្រើន។ នៅក្នុងបាយដំណើប មានសារធាតុបំប៉នជាច្រើន ដូចជា ប្រូតេអ៊ីន វីតាមីន B ម៉ាញេស្យូម សង្គសី សេឡេញ៉ូម ទង់ដែង និងជាតិកាកសរសៃ ហើយសឹងតែគ្មានជាតិកូលេស្ដេរ៉ូល និងខ្លាញ់។
បើនិយាយពីអត្ថប្រយោជន៍បាយដំណើបចំពោះសុខភាពវិញ រួមមាន៖
១. ប្រឆាំងជំងឺរ៉ាំរ៉ៃ
សេឡេញ៉ូម វីតាមីន និងសារធាតុរ៉ែ ក្នុងបាយដំណើប ជួយជំរុញសារធាតុប្រឆាំងអុកស៊ីតកម្ម នៅក្នុងរាងកាយ ដែលវាអាចកាត់បន្ថយហានិភ័យ នៃជំងឺរ៉ាំរ៉ៃ និងកាត់បន្ថយស្ត្រេស នៅក្នុងរាងកាយ។
២. ប្រឆាំងជំងឺទឹកនោមផ្អែម
ជាតិកាកសរសៃ នៅក្នុងបាយដំណើប អាចជួយកាត់បន្ថយហានិភ័យ នៃជំងឺទឹកនោមផ្អែម និងគ្រប់គ្រងការបញ្ចេញអាំងស៊ុយលីន និងគ្លុយកូស នៅក្នុងរាងកាយ។
៣. ប្រឆាំងការរលាក
សារធាតុទង់ដែង ស័ង្កសី និងវីតាមីន B នៅក្នុងបាយដំណើប អាចជួយបង្កើនប្រព័ន្ធការពារ ដែលអាចកាត់បន្ថយការរលាក និងការឆ្លងមេរោគទៅក្នុងរាងកាយ។
៤. បង្កើនដង់ស៊ីតេឆ្អឹង
ដោយសារបរិមាណរ៉ែច្រើន នៅក្នុងបាយដំណើប វាអាចជួយឲ្យឆ្អឹងរឹងមាំ និងកាត់បន្ថយជំងឺពុកឆ្អឹង។
៥. ការពារជំងឺបេះដូង
ដោយសារបាយដំណើប គ្មានជាតិខ្លាញ់ និងកូលេស្ដេរ៉ូល ដូច្នេះការញ៉ាំបាយដំណើបច្រើន មិនបណ្ដាលឲ្យលើសឈាម មានបញ្ហាបេះដូង និងឡើងទម្ងន់នោះទេ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ គុណប្រយោជន៍សុខភាព ៣យ៉ាង ពីអង្ករសម្រូបគ្រប់គ្នាគួរដឹង
ចុចអាន៖ អង្ករ៤ ប្រភេទខុសៗគ្នា សុទ្ធតែមានសារធាតុ ចិញ្ចឹមម្យ៉ាងម្នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ