សុខភាព
២ប្រទេស បញ្ជូនថ្នាំបន្សាបជាបន្ទាន់ ទៅ ឥណ្ឌូណេស៊ី ខណៈកុមាររហូតដល់ ១៣៣នាក់ស្លាប់ ក្រោយផឹកថ្នាំទឹកសេរ៉ូ (មានវីដេអូ)
ប្រទេសអូស្ត្រាលី បានបញ្ជូនថ្នាំបន្សាបជាតិពុលដ៏កម្រ ទៅកាន់ប្រទេសឥណ្ឌូណេស៊ី បន្ទាប់ពីកុមាររហូតដល់ទៅ ១៣៣នាក់បានស្លាប់ ដោយសាររបួសតម្រងនោមស្រួចស្រាវ ជាប់ទាក់ទងនឹងថ្នាំទឹកសេរ៉ូក្អក។
កាលពីសប្តាហ៍មុន ឥណ្ឌូណេស៊ី បានផ្អាកការលក់ថ្នាំទឹកសេរ៉ូគ្រប់ប្រភេទ ទូទាំងប្រទេស ខណៈរដ្ឋាភិបាលនៅទីក្រុងហ្សាការតា បានបើកការស៊ើបអង្កេតជាបន្ទាន់លើអ្នកស្លាប់ និងករណីរាប់សិបផ្សេងទៀតនៅទូទាំងខេត្តចំនួន២២ ក្នុងរយៈពេលពីរខែ។
ជាងពាក់កណ្តាលនៃកុមារ២៤១នាក់ ដែលមានរបួសតម្រងនោមស្រួចស្រាវ បានបាត់បង់ជីវិត ហើយភាគច្រើនមានអាយុក្រោម៥ឆ្នាំ។
ប្រទេសឥណ្ឌូណេស៊ី បានបញ្ជាក់ថា សារធាតុពុល ethylene glycol និង diethylene glycol ត្រូវបានរកឃើញនៅក្នុងចរន្តឈាមរបស់កុមារ ហើយត្រូវបានគេរកឃើញនៅក្នុងផលិតផលថ្នាំទឹកសេរ៉ូក្នុងគ្រួសារនៃជនរងគ្រោះមួយចំនួន។
ឥឡូវនេះ ដោយសារកុមារនៅតែឈឺធ្ងន់ រដ្ឋាភិបាលរបស់លោកប្រធានាធិបតី Joko Widodo បានងាកទៅរកប្រទេសអូស្ត្រាលី ដើម្បីសុំជំនួយ។
រដ្ឋមន្ត្រីសុខាភិបាលឥណ្ឌូណេស៊ី លោក Budi Gunadi Sadikin បាននិយាយថា លោកបានទូរស័ព្ទទៅសមភាគីអូស្ត្រាលី Mark Butler ដើម្បីរកជាបន្ទាន់នូវថ្នាំ fomepizole ដែលជាថ្នាំប្រើសម្រាប់ព្យាបាលអ្នកជំងឺ ពុលសារធាតុ methanol និង ethylene glycol។
លោកបានបន្តថា ប្រទេសអូស្ត្រាលីបានផ្តល់ថ្នាំបន្សាបចំនួន ១៦ ដប ហើយសិង្ហបុរី ក៏បានផ្តល់ ១០ ដបផងដែរ។
គួរបញ្ជាក់ជាថ្មី អង្គការសុខភាពពិភពលោក បានហាមឃាត់ការប្រើប្រាស់ថ្នាំទឹកសេរ៉ូចំនួន៤ប្រភេទដូចជា Promethazine Oral Solution, Kofexmalin Baby Cough Syrup, Makoff Baby Cough Syrup និង Magrip N Cold Syrup របស់ក្រុមហ៊ុនឥណ្ឌា Maiden Pharmaceuticals បន្ទាប់ពីមានករណីកុមារស្លាប់នៅក្នុងប្រទេសឥណ្ឌូណេស៊ី និងហ្គាំប៊ី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ SMH
ចុចអាន៖ ថៃ កំពុងប្រយ័ត្ន ថ្នាំទឹកសេរ៉ូ ដែលសម្លាប់កុមារជាង ១០០នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង