KPT+

មិនចង់ក្លាយជាអ្នកចែកចាយកូវីដ ទៅកាន់អ្នកដទៃ ម៉ាស់ពាក់រួចមិនមែនចេះតែបោះចោលតាមចិត្តចង់ទេ

បានផុស

៣ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

ម៉ាសដែលយើងពាក់លើមុខរួចរាល់ អាចបោះចោលទៅបាន គួរតែមានរបៀបទុកដាក់វាត្រឹមត្រូវ ដើម្បីជួយកាត់បន្ថយការរីករាលដាលនៃជំងឺកូវីដ និងវីរុសដទៃទៀតដល់អ្នកដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉ាសដែលត្រូវបានប្រើប្រាស់រួច ត្រូវបានគេចាត់ទុកថា ជាកាកសំណល់រឹងនិងឆ្លង ដោយសារវត្តមានសំងាត់ពីរាងកាយរបស់មនុស្ស ដូចជា ក្អក កណ្ដាស់ បង្កឲ្យមានដំណក់ទឹក ឬភ្នាក់ងារបង្ករោគនៃវីរុស។ ការផ្ទុកនិងការបំផ្លាញចោល ត្រូវការនីតិវិធីដូចគ្នា មិនមែនបោះចោលតាមចិត្តនឹកឃើញឡើយ។

វិធីបោះចោលម៉ាសឲ្យបានប្រើត្រឹមត្រូវ ស្របតាមក្រសួងសុខាភិបាលគ្រប់ប្រទេសណែនាំ ៖

១ បត់ម៉ាសដែលពាក់រួចចូលខាងក្នុង (កន្លែងប៉ះផ្ទៃមុខ) ដើម្បីការពារការបញ្ចេញទឹកមាត់ ពីការរាលដាលនិងស្នាមប្រឡាក់ផ្សេងៗ។

២ ចងភ្ជាប់ត្រចៀកម៉ាសទាំងសងខាងឲ្យបានតឹង តាមកំលាំងដៃរបស់យើង។

៣ ដាក់ម៉ាសក្នុងថង់ប្លាស្ទិកមួយដែលបិទជិតល្អ ឬទុកវាក្នុងថង់ប្លាស្ទិចដៃដែលមានស្រាប់ ហើយចងវាឲ្យតឹងដូចគ្នា។

៤ ដាក់ក្នុងធុងសំរាមដែលមានគំរបបិទជិតឬធុងមានថង់រុំស្រោប ហើយបាញ់អាកុលបន្ថែមទៅផង។

៥ លាងដៃឲ្យស្អាតជាមួយសាប៊ូឬបាញ់អាកុលឬជែល។ បន្ទាប់ពីបានប៉ះម៉ាសដែលជាកាក់សំណល់រួចមក និងមុនពេលចាប់កាន់ម៉ាសថ្មីមកពាក់។

អនុវត្តតាមវិធីនេះ ធានាថាអ្នកមិនភ័យព្រួយ ថាខ្លួនជាជនបង្កឬចម្លងទៅអ្នកជុំវិញដោយមិនដឹងឡើយ។ព្រោះយើងម្នាក់ៗមិនដឹងថា ខ្លួនឯងមានកូវីដឬអត់ទេ។ មេរោគនេះ មិនអាចមើលនឹងភ្នែកបាននោះទេ ដរាបណាអ្នកបានតេស្តដោយត្រឹមត្រូវពីគ្រូពេទ្យ ទើបអាចបញ្ជាក់ថាគេមានសុខភាពល្អ៕

ប្រែសម្រួល៖ សាង ស្រីល័ក្ខ

ចុចអាន៖ហានិភ័យណាស់! អ្នកឧស្សាហ៍ស៊កម៉ាសដាក់កែងដៃ និងទាញចុះក្រោមចង្កា កាន់តែបង្កការឆ្លងកូវីដ

ចុចអាន៖ហេតុផលធំៗទាំង ៥ ដែលគ្រប់គ្នាគួរពាក់ម៉ាស មិនអាចអាក់ខាន

ចុចអាន៖ម៉ាស ៤ ប្រភេទមានសមត្ថភាពច្រោះភាគល្អិតបានល្អ និងការពារពីបាក់តេរីអាក្រក់នៅអំឡុងកូវីដ

Related Topics:ការពាក់ម៉ាស