KPT+

មូលហេតុដែលតូប អង្គរលក់ផាក់ឡូវតាមផ្លូវ អាចឈរជើងបានជាង១៥ឆ្នាំ

បានផុស

២ years មុន

នៅ

ថ្ងៃអង្គារ ១ ធ្នូ ២០២០

ដោយ

បងស្រី ថន វន្តធា ដែលជាម្ចាស់តូបអង្គរ បាននិយាយទាំងញញឹមពព្រាយថា មូលហេតុដែលតូបអង្គរលក់ផាក់ឡូវ អាចឈរជើងបានជាង១៥ឆ្នាំមកនេះ ក៏ ព្រោះតែរសជាតិមិនប្រែប្រួល មានអនាម័យក្នុងការវេចខ្ចប់ ជាពិសេសនោះគឺសេវាកម្មនិងសម្ដីរួសរាយរាក់ទាក់ពីម្ចាស់តូប ព្រមទាំងបុគ្គលិកប្រចាំតូបផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បងស្រី ថន វន្តធា ដែលជាម្ចាស់តូប កំពុងកាប់សាច់ផាក់ឡូវជូនភ្ញៀវបាននិយាយថា ចំណុចស្នូលនៃការទាក់ចិត្តម៉ូយដុំនិងរាយពីតូបអង្គរ នោះគឺបងស្រីលក់ជូនភ្ញៀវមិនគិតរឿងតម្លៃនោះទេ។ មិនថាអ្នកទិញនោះគេទិញតិចឬច្រើន គ្រប់យ៉ាងគឺពួកគេសុទ្ធតែជាអតិថិជនយើងទាំងអស់។

ជាពិសេសនោះគឺឲ្យតែដល់រដូវបុណ្យទានសែនចិនម្ដងៗ ម៉ូយៗដែលជាប់ចិត្តនឹងរសជាតិសាច់ខ្វៃរបស់បងស្រី តែងតែកុម្ម៉ង់មុនថ្ងៃសែនសឹងធ្វើមិនទាន់។ ចំណុចដែលម៉ូយប្រចាំហាងមិនងាករេទៅណានោះគឺ ការបញ្ចុះតម្លៃជូនជាពិសេស ប្រសិនបើអតិថិជនទិញច្រើនគួរសម។

បងស្រីក៏បានបន្ថែមទៀតថា មុខរបរមួយនេះបានបង្រៀនគាត់ឲ្យដឹងពីតិចនិកនៃការលក់ ដឹងពីតម្រូវការនៃរសជាតិដែលភ្ញៀវចង់បាន។ ជាពិសេសនោះគឺតាំងពីមិនចេះលក់រហូតក្លាយជាអ្នកស្ទាត់ជំនាញក្នុងនាមជាមនុស្សស្រីដែលមានគ្រួសារ។

ជាមួយគ្នានេះដែរ ម្ចាស់តូបអង្គរបានបញ្ជាក់ថា ក្នុងតូបអង្គរទាំងពីរតូបនេះ មានមនុស្សសរុប៩នាក់ ហើយគ្រប់គ្នាត្រូវបែងចែកតួនាទីគ្នារៀងៗខ្លួន និងត្រូវក្រោកនៅម៉ោង៤ទាបភ្លឺ ដើម្បីធ្វើសាច់ផាក់ឡូវឲ្យទាន់តម្រូវការភ្ញៀវបានកុម្ម៉ង់។

បងស្រី វន្តធា បន្ថែមជាចុងក្រោយថា អ្វីដែលសំខាន់ ក្នុងការឲ្យមុខរបររកស៊ីបានរីកចម្រើនទៅមុខ ម្ចាស់អាជីវកម្មត្រូវតែគិតពីតម្រូវការអតិថិជនជាចម្បង ជាពិសេសនោះគឺរសជាតិនិងតម្លៃឲ្យសមគ្នា។ ចំណែកគន្លឹះពិសេសមួយទៀតគឺស្នាមញញឹមចំពោះភ្ញៀវដែលចូលមកទិញ មិនថាគេជានរណា គ្រប់គ្នាដែលចូលមកគឺសុទ្ធតែជាភ្ញៀវទាំងអស់៕

អត្ថបទ៖មេឃខៀវ

ចុចអាន៖មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…

ចុចអាន៖រដូវត្រជាក់ ស្គាល់អាហារដែលជួយបង្កើនកម្រិតវីតាមីន D ដល់រាងកាយ