KPT+

សញ្ញា ៥ បញ្ជាក់ថា អ្នកទុកចិត្តមនុស្សខុសហើយ

បានផុស

២ years មុន

នៅ

ថ្ងៃព្រហស្បតិ៍ ៣០ មិថុនា ២០២២

ដោយ

នៅពេលដែលមនុស្សម្នាក់ជួបប្រទះបញ្ហា ពិតណាស់នោះនឹងត្រូវការជំនួយពីអ្នកដ៏ទៃ ដើម្បីងើបឡើងវិញ ឬត្រូវត្អូញត្អែរប្រាប់ពីរឿងរ៉ាវដែលពួកគេបានជួប។ ហើយនេះជាធម្មជាតិ ព្រោះមនុស្ស ជាបុគ្គលដែលត្រូវការការពិភាក្សាគ្នា។

ទោះយ៉ាងណាក៏ដោយ មានសញ្ញាមួយចំនួន ដែលអាចបញ្ជាក់ថា អ្នកបាននិយាយរឿងក្នុងចិត្តទៅកាន់មនុស្សខុស ។ ជំនួសឲ្យការស្ងប់ស្ងាត់ ឬការគាំទ្រ អ្នកនឹងកាន់តែតានតឹង ប្រសិនបើអ្នកជួបមនុស្សប្រភេទបែបនេះ។

១ អាថ៌កំបាំងរបស់អ្នកនៅគ្រប់ទីកន្លែង

ក្នុងសម័យនេះ ប្រព័ន្ធផ្សព្វផ្សាយសង្គមក៏អាចជាមធ្យោបាយមួយដើម្បីបង្ហាញការត្អូញត្អែរ។ អាថ៌កំបាំងឯកជនបានក្លាយជាអាថ៌កំបាំងសាធារណៈ។ ដូច្នេះកុំឲ្យរឿងនេះកើតឡើង សូមប្រើប្រព័ន្ធផ្សព្វផ្សាយសង្គមដោយឈ្លាសវៃ។ ជ្រើសរើសមួយណាគួរបង្ហោះ ហើយមួយណាមិនសម។ តើវាគ្រាន់តែអាន ឬរក្សាទុក ហើយប្រើសម្រាប់គោលបំណងផ្សេងទៀតទេ? បន្ថែមពីលើនេះ បើយើងចង់ប្រាប់រឿងរ៉ាវទៅកាន់នរណាម្នាក់ឲ្យបានធូរចិត្ត ចាំមើលសិនថា អ្នកនោះអាចទុកចិត្តបានឬអត់? កុំដោយសារតែភាពតានតឹងមួយគ្រា ដើម្បីបញ្ចេញតែខុសមនុស្សឲ្យសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ អ្នកមិនទទួលបានសន្តិភាព ហើយកាន់តែតានតឹងលើសដើម

នៅពេលដែលយើងសម្រេចចិត្តប្រាប់រឿងមួយ យើងសង្ឃឹមថាយើងអាចស្ងប់ស្ងាត់បន្តិច ហើយអាចគិតបានកាន់តែច្បាស់។ ទោះជាយ៉ាងណាក៏ដោយ កុំរំពឹងថាយើងនឹងទទួលបានវា ប្រសិនបើយើងបានប្រាប់មនុស្សខុសតាំងពីដំបូង។ តាមពិតទៅ យើងកាន់តែតានតឹង ដោយសារយើងឆ្លើយតបមិនបានត្រឹមត្រូវ។ បើយើងជាមិត្តល្អ ពេលមានមិត្តភ័ក្ដិបញ្ចេញអារម្មណ៍ នឹងព្យាយាមស្ដាប់ហើយស្ងប់ចិត្តជាជាងធ្វើឲ្យស្ថានការណ៍កាន់តែក្ដៅ។ ប្រេងដែលផ្តល់ ភ្លើងនឹងឆេះយ៉ាងងាយ។ ដូច្នេះ ប្រសិនបើអ្នកជួបមិត្តដែលធ្វើឲ្យអ្នកកាន់តែរំជួលចិត្ត នោះជាសញ្ញាក្រហម ប្រសិនបើគាត់មិនមែនជាមនុស្សត្រឹមត្រូវ ក្នុងការនិយាយជាមួយទេ។

៣ យើងត្រូវបានគេចេះតែប៉ាន់ស្មាន

យើងមិនអាចគ្រប់គ្រងពីរបៀបដែលអ្នកដទៃឆ្លើយតបមកយើងទេ បើយើងទៅកន្លែងខុស កេរ្តិ៍ឈ្មោះគឺនឹងជាប់គាំង។ មនុស្សអាចមើលមកយើងដោយភ្នែកម្ខាង ព្រោះយើងមិនអាចគ្រប់គ្រងខ្លួនឯងបាន។ កុំស្ដាយក្រោយ ព្រោះកំហុសខ្លួនឯង។ រូបភាពដ៏ល្អដែលយើងបានខិតខំកសាង មិនគួរត្រូវបានបំផ្លាញដោយសកម្មភាពរោលរាលនោះទេ។

៤ ខ្វះការយល់ចិត្ត និងមិនចង់ស្តាប់

យើងគ្រប់គ្នាតែងសង្ឃឹមដោយការប្រាប់អ្នកដទៃឬមិត្ត គឺនឹងមានអារម្មណ៍ធូរស្រាលជាងមុន។ ទោះជាយ៉ាងណាដោយសារតែរឿងនេះមានការយល់ខុស ទើបពួកគេមិនបានស្ដាប់ឮ។ អាក្រក់ជាងនេះទៅទៀត បុគ្គលនោះនឹងបន្តព្យាយាមនិយាយរឿងរបស់អ្នក ដោយសារតែចង់ដឹង មិនមែនដោយសារយល់ចិត្តនោះទេ។ មិត្តល្អមិនគួរទាញយកប្រយោជន៍ពីភាពមិនអនុគ្រោះ។

៥ បន្ថែមបន្ទុកដល់យើង ហើយវ៉ែកញ៉ែកគ្មានការពិតសោះ

ពេលខ្លះពេលយើងប្រាប់នរណាម្នាក់ យើងពិតជាត្រូវការឲ្យបានឮ។ ជំនួសឲ្យការស្តាប់ បុគ្គលនោះថែមទាំងនិយាយរឿងវែងៗទៀតផង។ ជាឧទាហរណ៍ ពេលយើងប្រាប់គេពីរឿងបរាជ័យ គាត់ឆ្លើយតបនឹងរឿងបរាជ័យដែលអាក្រក់ជាងរឿងយើងទៅទៀត។ ម៉េចក៏វាសនាអញ្ចឹង? ស្ថានភាពបែបនេះត្រូវតែមិនស្រួលខ្លាំង។ អ្នកដែលសង្ឃឹមថាគ្រាន់តែឮ ក៏មិនសូវមានអារម្មណ៍ចំពោះរឿងដែរ។ ដូច្នេះហើយ អ្នកមិនគួរធ្វេសប្រហែសឡើយ នៅពេលដែលចិត្តច្របូកច្របល់ និងមានបញ្ហាជាច្រើន។

យ៉ាងណាមិញ វាតែងតែមានផលវិបាកនៅក្នុងអ្វីគ្រប់យ៉ាង ដែលយើងធ្វើ ជាពិសេសនៅពេលដែលយើងបញ្ចេញអារម្មណ៍ឈឺចាប់ទៅកាន់មនុស្សខុស។ ដូច្នេះហើយ ចូរជ្រើសរើសមិត្តភ័ក្តិដែលជឿជាក់លើអ្នក និងជាទីទុកចិត្ត។ ស្វែងរកមិត្តភ័ក្ដិដែលមិនងាយនឹងវិនិច្ឆ័យ ហើយស្ដាប់អ្នកដោយស្មោះត្រង់ ទើបមិនមានភាពតានតឹង៕

ប្រែសម្រួល៖ សាង ស្រីល័ក្ខ

ចុចអាន៖មនុស្សស្រីពេញដោយទំនុកចិត្តតែងខ្លួនងាយសម្គាល់បំផុត

ចុចអាន៖ទម្លាប់ជាប្រចាំទាំង ៨ ដើម្បីកសាងទំនុកចិត្តលើខ្លួនឯងជាងមុន