KPT+
ស្ថាប័ន ៣ ត្រៀមយក ល្ខោនក្បាច់បុរាណរឿង ព្រះបាទជ័យវរ្ម័នទី៧ សម្ដែងនៅ ម៉ាឡេស៊ី
ក្រុមមេធាវី អាស៊ី កម្ពុជា សាលារបាំ នរោត្តម បុប្ផាទេវី និងឯកអគ្គរាជទូតខ្មែរប្រចាំប្រទេសម៉ាឡេស៊ី បានជួបពិភាក្សាគ្នាលើការងារកិច្ចសហប្រតិបត្តិការដឹកនាំសិល្បករទៅសម្ដែងនៅប្រទេសម៉ាឡេស៊ី ក្នុងពិធីបុណ្យឯករាជ្យជាតិ នៃព្រះរាជាណាចក្រកម្ពុជា។
លោកស្រី សេង វួចហ៊ុន ប្រធានក្រុមមេធាវី អាស៊ី កម្ពុជា និងសហការី លោក ចឺយ វិចិត្ត ឯកអគ្គរាជទូតកម្ពុជាប្រចាំប្រទេសម៉ាឡេស៊ី បានជួបប្រជុំជាមួយ តំណាងសាលារបាំ នរោត្តម បុប្ផាទេវី ដែលដឹកនាំដោយលោកស្រី ឱម យុវណ្ណឌី ទីប្រឹក្សាក្រសួងវប្បធម៌ និងវិចិត្រសិល្បៈ និងសមាជិកសិល្បករជាច្រើន នៅការិយាល័យក្រុមមេធាវី អាស៊ី កម្ពុជា នៅថ្ងៃទី១៤ ខែកញ្ញា ឆ្នាំ២០២២ នេះ។
ជំនួបរវាងស្ថាប័នទាំងបីនេះ ក្នុងគោលបំណងរៀបចំ និងដឹកនាំក្រុមសិល្បករចំនួន ៧៤ នាក់ ទៅសម្ដែងក្នុងឱកាសបុណ្យឯករាជ្យជាតិ នៃព្រះរាជាណាចក្រកម្ពុជា នៅប្រទេសម៉ាឡេស៊ី ដែលប្រព្រឹត្តទៅនៅថ្ងៃទី៧ ខែវិច្ឆិកា ឆ្នាំ២០២២ ខាងមុខ។
កិច្ចពិភាក្សាផ្តោតសំខាន់ទៅលើការឧបត្ថម្ភគាំទ្រ ការធ្វើដំណើរ ស្នាក់នៅ ដឹកជញ្ជូនសម្ភារៈ និងការសមលើឆាករបស់សិល្បករជាដើម។ ជាលទ្ធផល ភាគីទាំងអស់បានយល់អំពីគ្នាកាន់តែច្បាស់ និងមានឆន្ទៈក្នុងការចូលរួមផ្សព្វផ្សាយវប្បធម៌ជាតិទៅកាន់ពិភពលោក។
លោកស្រី ឱម យុវណ្ណឌី គ្រូទទួលបន្ទុកបច្ចេកទេស នៃសាលាសិល្បៈ នរោត្តម បុប្ផាទេវី និងជាអ្នកដឹកនាំរឿង និងដឹកនាំសម្តែង ល្ខោនព្រះរាជទ្រព្យនេះ បានប្រសាសន៍ប្រាប់ “កម្ពុជាថ្មី” មូលហេតុនៃការសម្រេចដំឡើងល្ខោនព្រះរាជទ្រព្យរឿង “ព្រះបាទជ័យវរ្ម័នទី៧ និងព្រះនាងឥន្ត្រទេវី” គឺផុសចេញពីអារម្មណ៍ក្ដីស្រឡាញ់ និងការធ្លាប់លឺពីកិត្យានុភាព សក្ដានុពល ស្ដេចទាំង៣អង្គ រួមទាំងព្រះនាងជ័យរាជទេវី តាមសិលាចារិក និងឯកសារនានា ដែលធ្វើគួរជាទីភ្ញាក់ផ្អើល គោរព លើកតម្កើង និងផ្សព្វផ្សាយ។
គួរបញ្ជាក់ថា ព្រឹត្តិការណ៍មហោស្រពល្ខោនព្រះរាជទ្រព្យ រឿង ព្រះបាទជ័យវរ្ម័នទី៧ បានសម្ដែងចុងក្រោយ កាលពីថ្ងៃទី២៧ និង២៨ ខែសីហា ឆ្នាំ ២០២២ កន្លងទៅនៅមហោស្រពចតុមុខ ប្រកបដោយភាពជោគជ័យនឹកស្មានមិនដល់។ សំបុត្រត្រូវបានទស្សនិកជនជាវអស់ទាំង ៤ វេនមុនការសម្ដែងមួយសប្ដាហ៍ ខណៈថ្ងៃសម្ដែងទាំង ២ ថ្ងៃនោះ ជួនគ្នានឹងកម្មវិធីកម្រិតអន្តរជាតិល្បីធំចំនួន ៣ គឺ កម្មវិធី I am a singer Cambodia ការប្រកួតផ្ដាច់ព្រ័ត្រ Miss Grand Cambodia និងការប្រកួតផ្ដាច់ព្រ័ត្រកម្មវិធី Idol Cambodia៕
អត្ថបទ៖ ច័ន្ទ្ វីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?