មុនសម្រេចចិត្តរៀបការ អ្នកគួរសួរ ៥ សំណួរទៅកាន់ដៃគូសិន

សាស្ត្រាចារ្យ Carol Bruess តែងតែដាស់តឿនមនុស្សទូទៅអំពីជីវិតរៀបការថា ជាដំណាក់កាលវែងអន្លាយ ដូច្នេះពួកយើងគួរជ្រើសរើសមនុស្សដែលអាចតស៊ូពុះពារគ្រប់ឧបសគ្គជាមួយគ្នារហូត។ ក្រៅពីនេះ Bruess បានដាក់សំណួរឲ្យសួរដៃគូមុនរៀបការចំនួន ៥ ទៀតផង ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. តើអ្នកមានអ្វីដែលមិនអាចបោះបង់បានទោះបីជារៀបការហើយក្ដី?

ស្ដាប់រួចសឹមសម្រេចចិត្តរៀបការព្រោះគាត់អាចនឹងមិនបោះបង់នូវអ្វីមួយដែលអ្នកមិនពេញចិត្តក្នុងជីវិតដូចជា បារី មនុស្សទីបី ស្រា ល្បែង គ្រឿងញៀនជាដើម ។

២. តើខ្ញុំអាចបំពេញការងារមួយចំនួនតែម្នាក់ឯងបានទេ?

ជីវិតគូត្រូវធ្វើរឿងជាមួយគ្នា ប៉ុន្តែមិនមានន័យថាគ្រប់យ៉ាងនោះទេ អ្នកត្រូវច្បាស់ក្នុងចិត្តថាគាត់ផ្ដល់សិទ្ធពេញលេញឬមិនព្យាយាមគ្រប់គ្រងអ្នក ។

៣. ពេលមានបញ្ហា តើគ្រួសារអ្នកចូលចិត្តនៅស្ងៀមស្ងាត់ឬបង្ករឿង ?

សំណួរនេះគឺដើម្បីត្រៀមសម្រាប់ពេលឈ្លោះគ្នា មេរៀនដំបូងរបស់មនុស្សគឺទិដ្ឋភាពក្នុងគ្រួសារនោះឯង ។

៤. តើអ្នកហ៊ានចំណាយប្រាក់ច្រើនទៅលើអ្វី? 

បន្ទាប់ពីរៀបការហើយ លុយកាក់គឺជារឿងសំខាន់ទោះបីមានច្រើនក៏ដោយអ្នកត្រូវតែយល់ដឹងពីអត្ថន័យលុយចំពោះគាត់ ជាពិសេសរបស់ដែលគាត់ជះលុយទិញឥតស្ដាយ ។

៥. តើអ្នកព្រមងើបម៉ោង ៣ ភ្លឺដើម្បីប្ដូរកន្ទប និងមិនទៅប្រជុំពេលកូនឈឺឬអត់?

យោងតាមការស្រាវជ្រាវបានឲ្យដឹងថាដៃគូដែលមានកាតព្វកិច្ចស្មើគ្នារស់នៅមានសុភមង្គលជាងដៃគូដែលបែងចែកការងារផ្ទះនិងការងាររកប្រាក់ ។

គួររំលឹកដែរថាជីវិតរៀបការមានរយៈពេលវែង ចូរជ្រើសរើសដៃគូឲ្យបានត្រឹមត្រូវនិងតស៊ូអត់ធ្មត់ជាមួយគ្នាទើបមានន័យ ៕

ប្រែសម្រួល ៖ វារី

ចុចអាន ៖ តារាហូលីវូដ ៦ រូប ធ្លាប់រៀបការយ៉ាងតិចបីដងក្នុងមួយជីវិត