ជីវិតកម្សាន្ដ

តារាហូលីវូដ ៦ រូប ធ្លាប់រៀបការយ៉ាងតិចបីដងក្នុងមួយជីវិត

បានផុស

៣ years មុន

នៅ

ថ្ងៃពុធ ១ មីនា ២០២៣

ដោយ

នៅសហរដ្ឋអាមេរិកការរៀបការបញ្ចប់ទៅដោយការលែងលះសឹងតែ ៤០ ភាគរយទៅហើយ ជាពិសេសបុគ្គលល្បីៗដែលស្ថិតក្រោមភ្នែកមហាជនកាន់តែពិបាកក្នុងការលែងលះ ។ ខាងក្រោមនេះជាបុគ្គលល្បីៗទាំង ៦ រូបដែលធ្លាប់រៀបការយ៉ាងតិចបីដង ៖

១. Angelina Jolie – រៀបការបីដង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីឆ្នាំ ១៩៩៦ អ្នកស្រីធ្លាប់រៀបការជាមួយលោក Jonny Lee Miller ហើយលែងលះវិញនៅឆ្នាំ ១៩៩៩ មកដល់ឆ្នាំ ២០០០ Angelina រៀបការជាមួយ Billy Bob Thornton ជាមង្គលការលើកទីពីរ ប៉ុន្តែមានរយៈពេលត្រឹមតែ ៣ ឆ្នាំប៉ុណ្ណោះ រហូតដល់ឆ្នាំ ២០០៥ អ្នកស្រីចាប់ផ្ដើមទាក់ទងជាមួយ Brad Pitt ទើបរៀបការនៅឆ្នាំ ២០១៤ និងត្រូវលែងលះក្នុងឆ្នាំ ២០១៩ ដដែល ។

២. Jennifer Lopez – រៀបការបួនដង

ដំបូងឡើយ Jennifer មានស្វាមីឈ្មោះ Ojani Noa រៀបការពីឆ្នាំ ១៩៩៧ ដល់ ១៩៩៨ បន្ទាប់មកអ្នកស្រីរៀបការជាមួយ Cris Judd ពីឆ្នាំ ២០០១ – ២០០៣ លុះដល់ឆ្នាំ ២០០៤ – ២០១៤ គាត់រៀបការលើកទី ៣ ជាមួយ Marc Anthony ។ លើសពីនេះ Jennifer បានភ្ជាប់ពាក្យជាលើកទីពីរជាមួយ Alex Rodriguez រហូតផ្ដាច់ពាក្យក្នុងឆ្នាំ ២០២១ ខែមេសា បច្ចុប្បន្នអ្នកស្រីមានស្វាមីឈ្មោះ Ben Affleck ជាប្ដីប្រពន្ធថ្មីថ្មោងព្រោះទើបរៀបការខែមករា ទី០២ ឆ្នាំ ២០២៣ តាមពិតពួកគេភ្ជាប់ពាក្យ ២០ ឆ្នាំ មកហើយទម្រាំបានរៀបការ ។

៣. Kim Kardashian – រៀបការបីដង

ស្វាមីទីមួយរបស់ Kim មានឈ្មោះថា Damon Thomas ពួកគេរៀបការពីឆ្នាំ ២០០០ – ២០០៤ ចំណែកស្វាមីទីពីរបស់នាងគឺ Kris Humphries ដែលប្រកាសចែកផ្លូវគ្នាបន្ទាប់ពីរៀបការបានត្រឹម ៧២ ថ្ងៃប៉ុណ្ណោះ ប៉ុន្តែលែងលះជាផ្លូវការក្នុងឆ្នាំ ២០១៣ ។ បច្ចុប្បន្ននាងមិនទាន់មានស្វាមីទៀតទេ ស្វាមីចុងក្រោយរបស់ Kim គឺ Kanye West ដែលលែងលះនៅឆ្នាំ ២០២១ ។

៤. Scarlett Johansson – រៀបការបីដង

Scarlett Johansson យើងភាគច្រើនស្គាល់ថាជា Black Widow តួក្នុងរឿង Marvel នាងធ្លាប់រៀបការជាមួយ Ryan Reynolds ពីឆ្នាំ ២០០៨- ២០១១ លើកទីពីរជាមួយ Romain Dauriac ពីឆ្នាំ ២០១៤ – ២០១៧ ថែមទាំងមានកូនស្រីឈ្មោះ Rose ម្នាក់ផងដែរ និងចុងក្រោយរៀបការជាមួយ Colin Jost ក្នុងខែតុលា ឆ្នាំ២០២០ ហើយមានកូនប្រុសពៅឈ្មោះ Cosmo ក្នុងឆ្នាំ ២០២១ ។

៥. Kate Winslet – រៀបការបីដង

តួស្រីកប៉ាល់ទីតានិចមានស្វាមីទីមួយឈ្មោះ Jim Threapleton ដែលរៀបការពីឆ្នាំ ១៩៩៨ – ២០០១ និងរៀបការលើកទីពីរជាមួយ Sam Mendes នៅឆ្នាំ ២០០៣ ប៉ុន្តែបែកគ្នាឆ្នាំ ២០១០ វិញព្រោះល្បីថាស្វាមីក្បត់ចិត្ត មកទល់ពេលនេះនាងបានរៀបការជាមួយ Edward Abel Smith តាំងពីឆ្នាំ ២០១២មកម្ល៉េះ ។

៦. Tom Cruise – រៀបការបីដង

Tom រៀបការដំបូងជាមួយតារាសម្ដែង Mimi Rogers ពីឆ្នាំ ១៩៨៧ – ១៩៩០ ហើយរៀបការម្ដងទៀតពីឆ្នាំ ១៩៩០ – ២០០១ ជាមួយ Nicole Kidman និងលើកចុងក្រោយជាមួយ Katie Holmes ពីឆ្នាំ ២០០៦ ដល់ ២០១២ ៕

ប្រែសម្រួល ៖ វារី

ចុចអាន ៖ តារាអន្តរជាតិ ៧ រូប ធ្លាប់ត្រូវអ្នកសិល្បៈដូចគ្នាបដិសេធស្នេហ៍