KPT+

កាហ្វេអ៊ីនក៏មានអត្ថប្រយោជន៍ខ្លាំងសម្រាប់សុខភាពសក់ក្រោយវ័យ ៤០ ឆ្នាំ

បានផុស

៣ years មុន

នៅ

ថ្ងៃសៅរ៍ ៧ វិច្ឆិកា ២០២០

ដោយ

ត្រូវហើយការស្រាវជ្រាវមួយចំនួនបង្ហាញថាកាហ្វេក៏អាចជួយជំរុញដល់ការលូតលាស់សក់ បង្កើនពន្លឺនិងបន្ថែមទម្ងន់ ទំហំពណ៌ងងឹតមិនងាយប្រផេះឬស្កូវឡើយ។

ជាតិកាហ្វេអ៊ីនក្រៅពីជួយភ្ញោចឲ្យស្វាងដឹងខ្លួន អ្នកស្រាវជ្រាវខ្លះទៀតបានបង្ហាញថាកាហ្វេអ៊ីនក៏មានអត្ថប្រយោជន៍សម្រាប់សក់ដោយការជំរុញកំណើន។

ប្រវែងលូតលឿនឬខ្សោយ និងគុណភាពនៃសក់របស់មនុស្សម្នាក់ៗអាស្រ័យទៅលើសុខភាពរបស់ឫសសក់។ ខាងក្រោមនេះពន្យល់ពីវិធីដែលកាហ្វេផ្ដល់អត្ថប្រយោជន៍ដល់សក់នៅពេលលាបផ្អាប់លើលលាដ៍ក្បាល៖

ការព្យាបាលសក់ជ្រុះ៖

គ្មានអ្នកណាម្នាក់ចូលចិត្តជ្រុះសក់ឡើយ ព្រោះប៉ះពាល់ដល់ទំនុកចិត្តលើខ្លួនឯងនិងសម្រស់។ ជាតិកាហ្វេអ៊ីនគឺល្អសម្រាប់ថែទាំឫសនិងរំញោចសក់។

កំណើនសក់៖

កាហ្វេសុទ្ធ ជួយជម្រុញឫសសក់ដោយកែលម្អរចនាសម្ព័ន្ធនិងការលូតលាស់ឲ្យបានរហ័សបីដងធៀបនឹងទឹកធម្មតា ដូច្នេះជាតិកាហ្វេអ៊ីនអាចស្តារកំណើនសក់និងឬការពារការបាត់បង់សក់។

គ្រប់គ្រងសក់:

កាហ្វេអាចត្រូវបានប្រើដើម្បីធ្វើឲ្យសរសៃសក់កាន់តែរឹងមាំនិងរលោង ងាយស្រួលក្នុងការគ្រប់គ្រងខណៈពេលដែលប៉ះកម្ដៅខ្លាំងឬធូលីកខ្វក់។

របាំងសក់៖

កាហ្វេក៏អាចត្រូវបានប្រើលើសក់ធ្វើជារបាំងផងដែរ ឧទាហរណ៍បើយើង ប្រើមួយស្លាបព្រានៃទឹកឃ្មុំ និងប្រេងអូលីវ បន្ថែមម្សៅកាហ្វេពីរស្លាបព្រាយកមកលាបបិទភ្ជាប់លើក្បាល និងសព្វសក់ ទុកចោលប្រហែលកន្លះម៉ោងបន្ទាប់មកលាងចេញ។

លាងជម្រះ៖

ការលាងសក់ដោយកាហ្វេអាមេរិកខាណូ (កាហ្វេខ្មៅសុទ្ធ) ជួយបង្កើននូវវាយនភាពនិងពណ៌សក់។សូម្បីតែការ ញ៉ាំកាហ្វេឆ្អិនដែលមិនលាយស្ករនិងគ្រីម ទឹកកក លទ្ធផលនឹងជួយសក់ឲ្យរលោងនិងរលូន ហើយក៏នឹងជួយឲ្យយឺតឬបញ្ឈប់ការជ្រុះបានទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេងសក់៖

ប្រេងក្នុងកាហ្វេជួយបង្កើនចរាចរឈាមក្រោមស្បែកក្បាលនិងរំញោចឫសសក់។ សារធាតុ Phytosterols នៅក្នុងប្រេងកាហ្វេជួយលើកកម្ពស់ការរក្សាសំណើមនិងស្រូបយកសំណើម។ ចាក់ប្រេងសក់៥ស្លាបព្រាបាយ បន្ថែមមួយស្លាបព្រាកាហ្វេពណ៌ខ្មៅព្រោះកាហ្វេកាន់តែខ្មៅកាន់តែងងឹតផ្ដល់អត្ថប្រយោជន៍កាន់តែច្រើន។ លាយជាល្បាយនិងកម្ដៅក្នុងរលកប្រហែល៥នាទីដោយធានាថាវាចូលគ្នាម៉ត់ និងកូរស្អិត រួចទុកល្បាយនៅកន្លែងត្រជាក់ ទុកប្រើនៅលើស្បែកក្បាលបន្ថែមជាសាប៊ូពេលកក់សក់ឬថែមទាំងបន្ថែមទៅក្នុងទឹកនៃការលាងជាចុងក្រោយជាតិកាហ្វេអ៊ីនក៏ជួយធ្វើឲ្យសក់មានពណ៌ធម្មជាតិផងដែរដែលមិនងាយឲ្យស្កូវបាន៕

ប្រែសម្រួល ៖ សុភា

ប្រភព ៖ espressogurus

ចុចអាន៖ហេតុផល ៤ យ៉ាងដែលគួរតែចាប់ផ្ដើមអាជីវកម្មឥឡូវនេះលែងពន្យារ

ចុចអាន៖ហេតុអ្វីសង្គមមិនសូវទុកចិត្តលើចំណងគូស្នេហ៍ដែលមានអាយុខុសគ្នាច្រើនពេក?

Related Topics:កាហ្វេ