ព័ត៌មានជាតិ
ថៃយឺតយ៉ាវក្នុងការបញ្ជូនដីកាមកកម្ពុជាធ្វើឱ្យប៉ះពាល់ដល់កិច្ចប្រជុំក្រុមបច្ចេកទេសចម្រុះព្រំដែន
កិច្ចប្រជុំបច្ចេកទេសព្រំដែនរវាងកម្ពុជានិងថៃត្រូវលើកពេលទៅថ្ងៃទី១៨ ខែវិច្ឆិកា ឆ្នាំ២០២៥វិញបន្ទាប់ពីថៃយឺតយ៉ាវក្នុងការបញ្ជូនដីកាពាក់ព័ន្ធនឹងការអនុវត្តបែបបទបច្ចេកទេសក្នុងការបោះបង្គោលព្រំដែនលេខ ៤២ ដល់៤៧។
យោងតាមមន្ត្រីជាន់ខ្ពស់នៃរដ្ឋលេខាធិការដ្ឋានកិច្ចការព្រំដែននៃព្រះរាជាណាចក្រកម្ពុជា, ការពន្យារពេលកិច្ចប្រជុំរបស់ក្រុមបច្ចេកទេសចម្រុះលើការអនុវត្តបែបបទបច្ចេកទេស (Technical Instruction) ក្នុងការបោះបង្គោលបណ្តោះអាសន្ននៅចន្លោះបង្គោលព្រំដែនលេខ ៤២ ដល់ ៤៧ មិនមែនជាកំហុសរបស់ភាគីកម្ពុជាទេ។
តាមការបញ្ជាក់៖ «តាមពិត ភាគីកម្ពុជាទើបបានទទួលដីកាបញ្ជូនពីស្ថានទូតថៃប្រចាំនៅកម្ពុជា តាមសារអេឡិកត្រូនិក (Telegram) នៅព្រឹកថ្ងៃទី១៧ ខែវិច្ឆិកា ឆ្នាំ២០២៥ នេះតែប៉ុណ្ណោះ»។
យោងតាមការឯកភាពគ្នា ភាគីថៃត្រូវបញ្ជូនការអនុម័តលើបែបបទបច្ចេកទេស (Technical Instruction) មកកម្ពុជា ដើម្បីកម្ពុជាធ្វើកំណត់ទូតឆ្លើយតបទៅភាគីថៃវិញ ប៉ុន្តែភាគីថៃមានការយឺតយ៉ាវនៅក្នុងការធ្វើកំណត់ទូតមកភាគីកម្ពុជា។ ដូច្នេះ ការចោទប្រកាន់ថាកិច្ចប្រជុំរបស់ក្រុមបច្ចេកទេសចម្រុះ មានការពន្យារពេលមួយថ្ងៃដោយសារតែភាគីកម្ពុជា ជាការមិនត្រឹមត្រូវទេ គឺភាគីថៃខ្លួនឯងទេដែលជាអ្នកយឺតយ៉ាវ។ កិច្ចប្រជុំបច្ចេកទេសនេះនឹងត្រូវធ្វើឡើងនៅថ្ងៃទី១៨ ខែវិច្ឆិកា ឆ្នាំ២០២៥ ជំនួសវិញ៕
-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ១ សប្តាហ៍ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
កីឡា១៦ ម៉ោង agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៤ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សន្តិសុខសង្គម៦ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច៣ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ