អ្នក​ល្មើស​បម្រាម ចូលមក​ខេត្ត​ព្រៃវែង ៥ នាក់ទៀត ឆ្លង​កូវីដ១៩ ជាអ្នកស្រុកសុីធរកណ្ដាល

មានអ្នកលួចចល័តទីចូលមកខេត្តព្រៃវែងថ្មី​ទៀត បានរកឃេីញវិជ្ជមានកូវីដ-១៩ ចំនួន៥នាក់ បន្ថែមទៀត ដែលជាអ្នកស្រុកសុីធរកណ្ដាលមកពីរាជធានីភ្នំពេញ។ អ្នកទាំង ៥នាក់ នឹងទទួលទណ្ឌកម្មព្រហ្មទណ្ឌតាមមាត្រា១០ និងមាត្រា១១ នៃច្បាប់ស្តីពីកូវីដ ព្រមទាំងទណ្ឌកម្មរដ្ឋបាលបន្ថែមផ្សេងទៀត បន្ទាប់ពីត្រូវនាំទៅធ្វើចត្តាឡីស័ករយៈពេល ១៤ថ្ងៃ និងបន្ទាប់ពីព្យាបាលរួច។

គណៈកម្មការខេត្តកំពុងធ្វើការស្រាវជ្រាវព័ត៌មាន ស្តីពីកន្លែងដែលមនុស្ស​ទាំង ៥ បានចេញដំណើរ មធ្យោបាយធ្វេីដំណេីរ និងអ្នកពាក់ព័ន្ធដោយផ្ទាល់ និងប្រយោលដេីម្បីយកមកធ្វើចត្តាឡីស័ក និងយកសំណាកទៅពិនិត្យបន្តទៀត។

អាជ្ញាធរ​ខេត្តព្រៃវែង​បាន​បង្ហាញ​អត្តសញ្ញាណមនុស្ស​ទាំង ៥ នាក់​រួមមាន៖

1 – យ៉ន ឡាំងហួយ ភេទ ស្រី អាយុ ១៨ឆ្នាំ នៅភូមិ ឫស្សីសាញ់ ឃុំ ឫស្សីសាញ់ ស្រុក ស៊ីធរកណ្ដាល ខេត្តព្រៃវែង កំពុងចត្តាឡីស័កនៅ សាលាបឋមសិក្សាឫស្សីសាញ់  គាត់មកពីភ្នំពេញ មកដល់ថ្ងៃទី 8/4/2021 បានយកសំណាកទៅពិនិត្យ ថ្ងៃទី 15/4/2021 ( យកលើកទី 1 ) លទ្ធផលវិជ្ជមានកូវីដ19 ។ 

2 – ខោល នីន ភេទ ស្រី អាយុ ៤៤ឆ្នាំ នៅភូមិ ចុង ឃុំ ពោធិ៍ទី ស្រុកស៊ីធរកណ្ដាល ខេត្តព្រៃវែងកំពុងចត្តាឡីស័កនៅ សាលាបឋមសិក្សាពោធិ៍ទី គាត់មកពីភ្នំពេញ មកដល់ថ្ងៃទី 12/4/2021 បានយកសំណាកទៅពិនិត្យថ្ងៃទី15/4/2021 (យកលើកទី1 ) លទ្ធផលវិជ្ជមានកូវីដ19 ។

3- ណែម ណុប ភេទ ប្រុស អាយុ ១២ឆ្នាំ​ នៅភូមិ ស្វាយសាក់ ឃុំ ពោធិ៍ទី ស្រុក ស៊ីធរកណ្ដាល ខេត្តព្រៃវែង កំពុងចត្តាឡីស័កនៅសាលាបឋមសិក្សាពោធិ៍ទី  គាត់មកពីភ្នំពេញ មកដល់ថ្ងៃទី 12/4/2021 បានយកសំណាកទៅពិនិត្យថ្ងៃទី 15/4/2021 ( យកលើកទី1) លទ្ធផលវិជ្ជមានកូវីដ 19 ។

4- ធា ណែត ភេទ ប្រុស អាយុ ៣៤ឆ្នាំ នៅភូមិ ពោធិ៍ទី ឃុំ ពោធិ៍ទី ស្រុក ស៊ីធរកណ្ដាល ខេត្តព្រៃវែង កំពុងចត្តាឡីស័កនៅ សាលាបឋមសិក្សាពោធិ៍ទី  គាត់មកពីភ្នំពេញ មកដល់ថ្ងៃទី 12/4/2021  បានយកសំណាកទៅពិនិត្យថ្ងៃទី 15/4/2021(យកលើកទី1) លទ្ធផលវិជ្ជមានកូវីដ 19។ 

5- ឡាត ចាន់ណក់ ភេទ ស្រី អាយុ ៣២ឆ្នាំ នៅភូមិ ពោធិ៍ទី ឃុំ ពោធិ៍ទី ស្រុក ស៊ីធរកណ្ដាល ខេត្តព្រៃវែង កំពុងចត្តាឡីស័កនៅសាលាបឋមសិក្សាពោធិ៍ទី គាត់មកពីភ្នំពេញ មកដល់ថ្ងៃទី 12/4/2021 បានយកសំណាកទៅពិនិត្យថ្ងៃទី 15/4/2021 (យកលើកទី1) លទ្ធផលវិជ្ជមានកូវីដ19) ។

អត្ថបទ៖ សៅគ្រី