ប្រទះឃើញស្ត្រីម្នាក់ដេកស្លាប់សង្ស័យជិះម៉ូតូបុក​គោយន្តពីក្រោយ

ប្រជាពលរដ្ឋបានប្រទះឃើញសាកសពស្តី្រម្នាក់ដេកស្លាប់នៅកន្លែងគោយន្តសង្ស័យបើកម៉ូតូ​បុកគោយន្តកន្ត្រៃពីក្រោយនៅវេលាម៉ោង៦និង១០នាទីយប់ថ្ងៃទី១៨ ខែមេសា ឆ្នាំ២០២១ នៅចំណុចខាងជើងស្នាក់ការរដ្ឋបាលព្រៃឈើស្រុកថ្មពួក ស្ថិតនៅភូមិកសិណ ឃុំថ្មពួក ស្រុកថ្មពួក ខេត្តបន្ទាយមានជ័យ។

ស្ត្រីរងគ្រោះមានឈ្មោះ យ៉ែស សាខុន អាយុ៤២ ឆ្នាំ មានទីលំនៅភូមិអ្នកតា ឃុំថ្មពួក ស្រុកថ្មពួក ខេត្តបន្ទាយមានជ័យ។

នគរបាលបានឱ្យដឹងថាមុនពេលើកហេតុនោះជនរងគ្រោះបានជិះសង់ឌ្រីម ២០០៣ ពេលមកដល់ចំណុចកើតហេតុ សង្ស័យបើកម៉ូតូទៅបុកគោយន្តកន្ត្រៃពីក្រោយបណ្តាលឲ្យរងរបួសបែកចិញ្ចើម និងរបួសជើងខាងស្តាំ ហើយបានស្លាប់នឹងកន្លែង កើតហេតុតែម្តង។

ចំណែកគោយន្តបានបើករត់គេចខ្លួនបាត់ស្រមោលឈឹង ក្រោយពីកើតហេតុហើយម៉ូតូនិងសពត្រូវបាននគរបាលប្រ​គល់​ជូនក្រុមគ្រួសារចាត់ចែងយកទៅធ្វើបុណ្យតាមប្រពៃណី៕

អត្ថបទ៖វ៉ាន់ ណា