ព័ត៌មានជាតិ
យុវជនស៊ីឈ្នួលលើកខោអាវគីប លួចខោអាវម្តង ញ៉ាមលួចលើកទី២ ត្រូវអាវុធហត្ថឃាត់ខ្លួន
ខេត្តបន្ទាយមានជ័យ៖ យុវជនម្នាក់ស៊ីឈ្នួលលើកខោអាវគីបឱ្យជនរងគ្រោះមានឱកាសល្អលួចខោអាវម្តង១ការុងយកទៅលក់បានលុយជិត៧០ម៉ឺនរៀល ញ៉ាមលួចលើកទី២ត្រូវអាវុធហត្ថមួយក្រុមដឹកនាំដោយលោក វរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតចុះឃាត់ខ្លួនបាន។
យុវជនម្នាក់ឈ្មោះ គង់ សំអាន ហៅគីម ភេទប្រុស អាយុ២៤ឆ្នាំ ដែលជាកម្មករ។ ការឃាត់ខ្លួននេះយោងតាមពាក្យប្តឹងរបស់ជនរងគ្រោះឈ្មោះ ឡេង សុភក្ត្រា ភេទប្រុស អាយុ៣៨ឆ្នាំ រស់នៅភូមិគីឡូម៉ែត្រ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង៧ព្រឹក ថ្ងៃទី២១ ខែមេសា ឆ្នាំ២០២១។
តាមចម្លើយរបស់ជនសង្ស័យបានសារភាពថាខ្លួនជាអ្នកស៊ីឈ្នួលឱ្យឈ្មោះ ឡេង សុភក្ត្រា លើកដាក់ ខោអាវគីបឱ្យគាត់រាល់ថ្ងៃ លុះនៅវេលាម៉ោង២រសៀល ថ្ងៃទី១៥ ខែមេសា ឆ្នាំ២០២១ ខ្លួនបានធ្វើសកម្មភាពលួចខោអាវរបស់ឈ្មោះឡេង សុភក្រ្តា លើកទី១ លក់បានលុយចំនួន៦៧ម៉ឺនរៀលយកលុយដើរស៊ីចាយអស់។ លុះធ្វើសកម្មភាពលួចលើកទី២លក់បានលុយចំនួន៩ម៉ឺនរៀល ត្រូវកំលាំងអាវុធហត្ថឃាត់ខ្លួនបាននៅចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដកហូតខោអាវបានមួយចំនួន។ ជនសង្ស័យបានបញ្ជូនមកទីបញ្ជាការកងរាជអាវុធហត្ថដើម្បីចាត់ការបន្ត។
លោក វរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តទទួលការងារយុត្តិធម៌បានឱ្យដឹងថា ដោយមានការអនុញ្ញាត្តិពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ជនសង្ស័យត្រូវបានកម្លាំងការិយាល័យព្រហ្មទណ្ឌ អាវុធហត្ថខេត្តបញ្ជូនទៅសាលាដំបូងខេត្តដើម្បីដាក់ទោសទៅតាមច្បាប់ ចំណែកខោអាវដែលដកហូតបានពីជនសង្ស័យបានប្រគល់ឱ្យម្ចាស់ដើមវិញ៕
អត្ថបទ៖ វ៉ាន់ ណាង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង