ព័ត៌មានជាតិ
រយៈពេល៧ថ្ងៃ រថយន្ដចល័តក្រសួងពាណិជ្ជកម្មលក់អង្ករបាន៦១០បាវក្នុងតម្លៃទាបជូនពលរដ្ឋក្នុងតំបន់បិទខ្ទប់
បើគិតរយៈពេល៧ថ្ងៃចាប់ពីថ្ងៃទី១៥ដល់២១ខែមេសានេះ រថយន្ដចល័តរបស់ក្រសួងពាណិជ្ជកម្មលក់អង្ករបានសរុប ចំនួន៦១០បាវ, មីជាតិចំនួន ៣២៣៥កេស, ទឹកត្រីចំនួន ៧៤៩យួរ, ទឹកស៉ីអ៉ីវចំនួន ៤៦៦យួរ, ត្រីខចំនួន ៧៤៧យួរ និងទឹកសុទ្ធចំនួន ១០២យួរ ជូនប្រជាពលរដ្ឋក្នុងតម្លៃទាបជាងទីផ្សារស្ថិតក្នុងតំបន់បិទខ្ទប់នៃរាជធានីភ្នំពេញ និងក្រុងតាខ្មៅ។
ឯកឧត្តម ឡុង កែវវិចិត្រ អ្នកនាំពាក្យក្រសួងពាណិជ្ជកម្ម មានប្រសាសន៍ថា រថយន្តចល័តរបស់ក្រសួងពាណិជ្ជកម្មបានចាប់ផ្ដើមលក់ទំនិញជូនប្រជាពលរដ្ឋក្នុងតំបន់បិទខ្ទប់តាំងពីថ្ងៃទី១៥ ខែមេសាមកម្លេះ ដើម្បីជួយដោះស្រាយជីវភាពខ្វះខាតរបស់ប្រជាពលរដ្ឋ និងទប់តម្លៃទំនិញកុំឱ្យឡើងថ្លៃហួសហេតុ។
ឯកឧត្តម ឡុង កែវវិចិត្រ បានបន្តថា ដោយឡែកចំពោះតំបន់ក្រហមវិញ ក្រសួងបានរៀបចំរថយន្តចល័តទៅដល់ទីតាំងចំនួន៨ ដែលការងារនេះគឺក្រសួងពាណិជ្ជកម្មចាប់ផ្ដើមពីថ្ងៃទី២០ ខែមេសា ឆ្នាំ២០២១ មក។
នៅថ្ងៃទី២១ ខែមេសា ឆ្នាំ២០២១នេះ រថយន្តចល័តរបស់ក្រសួងពាណិជ្ជកម្ម បានលក់អង្ករបានចំនួន ២០០បាវ, មីជាតិ ៦១៤កេស, ទឹកត្រីចំនួន ៣២៥ យួរ, ទឹកស៉ីអ៉ីវ ចំនួន១៥៦យួរ, ត្រីខចំនួន ៤៣៦យួរ, ទឹកសុទ្ធចំនួន៥០យួរ, ស្ពៃក្តោប ១,៥០០គីឡូក្រាម, ត្រសក់ ៥០០គីឡូក្រាម, ត្រប់ស្រួយ ២០គីឡូក្រាម និងពោត១០០០ផ្លែ ក្នុងតម្លៃទាបជាងទីផ្សារជូនប្រជាពលរដ្ឋ ដែលកំពុងរស់នៅតំបន់ក្រហម។
លើសពីនេះ ដើម្បីសម្រួលដល់ប្រជាពលរដ្ឋរស់នៅតំបន់ក្រហម ក្រសួងពាណិជ្ជកម្មបានដាក់ឱ្យប្រើប្រាស់ទីផ្សារអនឡាញ ដើម្បីផ្គត់ផ្គង់ស្បៀង និងគ្រឿងឧបភោគបរិភោគចាំបាច់ជូនប្រជាពលរដ្ឋរស់នៅទីនោះផងដែរ។
ផ្អែកតាមសេចក្ដីណែនាំលេខ ០១ សណន ចុះថ្ងៃទី១៩ ខែមេសា ឆ្នាំ២០២១ របស់រាជរដ្ឋាភិបាល ក្រសួងពាណិជ្ជកម្មបានដាក់ឱ្យប្រើប្រាស់ទីផ្សារអនឡាញ ដើម្បីផ្គត់ផ្គង់ស្បៀង និងគ្រឿងឧបភោគបរិភោគចាំបាច់ជូនប្រជាពលរដ្ឋរស់នៅក្នុងតំបន់ក្រហម ក្នុងកំឡុងពេលនៃការឆ្លងរាលដាលជំងឺកូវីដ-១៩ ជាមួយនឹងការដឹកជញ្ជូនដល់មុខផ្ទះអ្នកទិញ។
អត្ថបទ៖ វ៉ាត វិន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ