ព័ត៌មានជាតិ

ស្ពានដែកបេឡេត៍ឆ្លងស្ទឹងមេទឹក តាមផ្លូវជាតិលេខ ៥៥ ទៅថ្មដា បើកឲ្យប្រើប្រាស់ជំនួសផ្លូវវៀងក្រាលល្បាយថ្ម

បានផុស

៣ សប្តាហ៍ មុន

នៅ

ថ្ងៃអង្គារ ១៩ ឧសភា ២០២៦

ដោយ

មន្ទីរសាធារណការ និងដឹកជញ្ជូនខេត្តពោធិ៍សាត់ បានចេញសេចក្តីជូនដំណឹងពីការដាក់ឲ្យប្រើប្រាស់ស្ពានដែកបេឡេត៍ជំនួសផ្លូវវៀងក្រាលដីល្បាយថ្មឆ្លងកាត់ស្ទឹងមេទឹកតាមផ្លូវជាតិលេខ ៥៥ ទៅច្រកថ្មដាក្នុងស្រុកវាលវែង ខេត្តពោធិ៍សាត់។

មន្ទីរសាធារណការនិងដឹកជញ្ចូនខេត្តពោធិ៍សាត់បានបញ្ជាក់ថា ដោយសារស្ថានភាពអាកាសធាតុមានភ្លៀងធ្លាក់ជាបន្តបន្ទាប់ និងមានទឹកហូរខ្លាំង បានបណ្តាលឱ្យផ្លូវវាងក្រាលដីល្បាយថ្មឆ្លងកាត់ស្ទឹងមេទឹកត្រង់គីឡូម៉ែត្រលេខ ១៧១+៦៩៧ ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់ ចាប់ផ្តើមហូរច្រោះបាក់ស្រុត និងលែងធ្វើចរាចរណ៍បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈដែលការងារជួសជុលពង្រឹងស្ពានដែកបេឡេតិ៍ ដែលអនុវត្តដោយមន្ទីរសាធារណការ និងដឹកជញ្ជូនខេត្តពោធិ៍សាត់ ក៏បានបញ្ចប់ការងាររួចរាល់ និងដើម្បីធានាសុវត្ថិភាពជូនសាធារណជន និងបង្ការហានិភ័យដែលអាចកើតមានជាយថាហេតុ មន្ទីរសាធារណការ និងដឹកជញ្ជូនខេត្តពោធិ៍សាត់ បានជូនដំណឹងពីការបញ្ឈប់ការអនុញ្ញាតិឲ្យធ្វើចរាចរណ៍លើផ្លូវវាងក្រាលដីល្បាយថ្មឆ្លងកាត់ស្ទឹងមេទឹក និងបើកឱ្យធ្វើចរាចរណ៍លើស្ពានដែកបេឡេតិ៍ជំនួសវិញ។

ទន្ទឹមការបើកឲ្យដំណើរការស្ពានបេឡត៍ឆ្លងកាត់ស្ទឹងមេទឹក អាជ្ញាធរក្រើនរំលឹកដល់ប្រជាពលរដ្ឋនិងអ្នកបើកបរយានយន្តគ្រប់ប្រភេទត្រូវបង្កើនការប្រុងប្រយ័ត្ន និងគោរពតាមច្បាប់ចរាចរណ៍ រួមទាំងអនុវត្តតាមការណែនាំរបស់សមត្ថកិច្ច និងអាជ្ញាធរមូលដ្ឋានឱ្យបានខ្ជាប់ខ្ជួន ដើម្បីធានាបាននូវសុវត្ថិភាព និងសណ្តាប់ធ្នាប់សម្រាប់ការធ្វើដំណើរឆ្លងកាត់៕

Related Topics:ខេត្តពោធិ៍សាត់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា