ព័ត៌មានជាតិ
រដ្ឋបាលខេត្តកោះកុងប្រាប់ប្រជាពលរដ្ឋឱ្យបង្កើនការប្រុងប្រយ័ត្នចំពោះខ្យល់កន្រ្តាក់នៅតាមតំបន់ឆ្នេរ
រដ្ឋបាលខេត្តកោះកុងតាមរយៈអ្នកនាំពាក្យខេត្ត បានស្នើសុំឱ្យប្រជាពលរដ្ឋទូទាំងខេត្ត ចាំបាច់បង្កើនការប្រុងប្រយ័ត្នខ្ពស់អំពីការប្រែប្រួលអាកាសធាតុ ដែលអូសបន្លាយដល់ថ្ងៃទី១១ ខែឧសភា ខាងមុខ។
លោក សុខ សុទ្ធី អភិបាលរងខេត្ត និងជាអ្នកនាំពាក្យខេត្តកោះកុង នៅរសៀលថ្ងៃទី៦ ខែឧសភា ឆ្នាំ២០២១ឱ្យដឹងថា ស្ថានភាពព្យុះភ្លៀង និងខ្យល់កន្រ្តាក់នឹងកើតឡើងនៅតាមតំបន់ឆ្នេរសមុទ្រ ក្នុងនាមរដ្ឋបាលខេត្ត គឺលោកសូមចិត្តពលរដ្ឋចូលរួមប្រុងប្រយ័ត្នអំពីការប្រែប្រួលអាកាសធាតុកុំទាន់ចេញទូកទៅនេសាទ ព្រោះវាជួបគ្រោះថ្នាក់ជាយថាហេតុបាន។
អ្នកនាំពាក្យរដ្ឋបាលខេត្តកោះកុង ក៏ជំរុញដល់ប្រជាពលរដ្ឋតាមដានស្តាប់ព័ត៌មានគ្រប់ពេលវេលាជុំវិញការបប្រែបម្រួលអាកាសធាតុអោយបានជាប់លាប់បំផុត រីឯអភិបាលក្រុងស្រុក ចាំបាច់ត្រៀមលក្ខណៈសម្បត្តិចុះអន្តរាគមន៍ជួយសង្រ្គោះជូនប្រជាពលរដ្ឋ ករណីសេចក្តីរាយការណ៍ព័ត៌មានណាមួយគ្រោះធម្មជាតិក្នុងមូលដ្ឋានរបស់ខ្លួន។
តាមរយៈការព្យាការណ៍អាកាសធាតុរបស់ក្រសួងធនធានទឹក និងឧតុនិយម កាលពីថ្ងៃទី៤ ឧសភា កន្លងទៅ បង្ហាញថា ទន្ទឹមនឹងរដូវវស្សាឈានចូលមកដល់ប្រទេសកម្ពុជា អាចនឹងមានភ្លៀងធ្លាក់រាយប៉ាយក្នុងកម្រិតពីតិចទៅច្រើនទៅតាមតំបន់វាលទំនាបកណ្តាល បណ្តាខេត្តជួរភ្នំដងរែក ខ្ពស់រាបឥសាន និងតំបន់មាត់សមុទ្រ។
ដោយក្រសួងធនធានទឹក អំពាវនាវដល់ប្រជាពលរដ្ឋ សូមបន្តប្រុងប្រយ័ត្នចំពោះបាតុភូតផ្គរន្ទះ និងខ្យល់កន្ត្រាក់ដែលអាចកើតមាន ជាពិសេសបណ្តាខេត្តតំបន់វាលទំនាបកណ្តាល។
ជាក់ស្តែងកាលពីយប់ថ្ងៃទី៥ ឧសភា ដើមឈើតូចធំចំនួន៨ដើមបានបាក់រលំ តង់លក់ដូរចំណីអាហារតាមសួរច្បារមុខវិទ្យាល័យកោះកុង ក៏ដូចជានៅកន្លែងអង្គុយកម្សាន្តនៅឆ្នេរកោះយ៉បានរងផលប៉ះពាល់ជាបន្តបន្ទាប់ ដោយសារឥទ្ធិពលព្យុះភ្លៀងខ្លាំងមិននឹកស្មានដល់ ទោះបីយ៉ាងណាគ្រោះថ្នាក់ធម្មជាតិនេះមិនបង្កឱ្យមនុស្សណាម្នាក់ស្លាប់ ឬរបួសទេ ពោលគឺគ្រាន់តែខូចខាតនូវទ្រព្យសម្បត្តិជាមធ្យម។
ទាក់ទិនបញ្ហានេះដែរ រដ្ឋបាលខេត្តកំពុងបញ្ជាឱ្យរដ្ឋបាលក្រុងស្រុកធ្វើរបាយការណ៍ប្រាកដប្រជាអំពីតួលេខផ្ទះសម្បែង ដីស្រែចម្ការ និងសត្វគោក្របី ដែលគ្រោះថ្នាក់បញ្ចូនមកខេត្ត ដើម្បីដោះស្រាយជាបន្ទាន់៕
អត្តបទ៖ សិរីវឌ្ឍនៈ
-
សេដ្ឋកិច្ច១ សប្តាហ៍ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល