ភ្លៀងកក់ខែ បង្កជាខ្យល់កន្ត្រាក់បំផ្លាញផ្ទះពលរដ្ឋ២៦ខ្នង នៅក្នុងស្រុករុក្ខគិរី ខេត្តបាត់ដំបង

លំនៅឋានរបស់ប្រជាពលរដ្ឋចំនួន២៦ ខ្នង លើ៣ភូមិ ក្នុងស្រុករុក្ខគិរី ត្រូវបានខ្យល់កន្ត្រាក់វាយបំផ្លាញយ៉ាងដំណំ ក្រោយពីមានភ្លៀងកក់ខែមួយមេរួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់សមត្ថកិច្ចបានបញ្ជាក់ថា  កាលពីព្រលប់ថ្ងៃទី២១ ខែកុម្ភ: ឆ្នាំ២០២៤ មានភ្លៀងធ្លាក់មួយមេ ហើយក៏មានខ្យល់កន្ត្រាក់បោកបក់កាត់ចំពីលើភូមិចំនួន៣ គឺភូមិ បាសាក់ ភូមិកែវមុន្នី និងភូមិបុស្សដូង ដែលបណ្តាលអោយខូចខាតផ្ទះពលរដ្ឋអស់ចំនួន សរុប ២៦ខ្នងផ្ទះ ក្នុងនោះ រលំទាំងស្រុង ៣ខ្នងផ្ទះ និងខូចខាតសង្ក័សីសរុប២៩១សន្លឹក   និងក្បឿងសរុប ២១១សន្លឹក ។

 សម្រាប់ភូមិបាសាក់ ខ្យល់កន្ទ្រាក់បានប៉ះពាល់ ២៤ខ្នងផ្ទះ ក្នុងនោះរលំទាំងស្រុង០៣ខ្នងផ្ទះ ក៏មានដែរ ⁠សាលាបឋមសិក្សាចក្រី របើកក្បឿង ១៦១សន្លឹក។ ចំំពោះភូមិកែវមុន្នី  ខ្យល់កន្ត្រាក់បង្កឱ្យរបើកដំបូល ០១ខ្នងផ្ទះ និងនៅ ភូមិបុស្សដូងខ្យល់បានបង្កឱ្យរបើកសង្ក័សី ០២ខ្នងផ្ទះ។

តាមរបាយការណ៍ដដែល  ហេតុការណ៍គ្រោះធម្មជាតិនេះ មិនបានបង្កជាផលប៉ះពាល់ដល់អាយុជីវិតមនុស្សឡើយ ៕

អត្ថបទ : សោ និយមរ័ត្ន