ព័ត៌មានជាតិ

ស៊ីឈ្នួលលួចប៉ែលត្រាក់ទ័របានលុយ៤ម៉ឺនរៀល យកទៅទិញថ្នាំញៀនត្រូវអាវុធហត្ថឃាត់ខ្លួន

បានផុស

៥ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

ជនសង្ស័យម្នាក់ ក្នុងចំណោមបក្ខពួក២នាក់ ត្រូវបានកម្លាំងអាវុធហត្ថធ្វើការឃាត់ខ្លួន ក្រោយធ្វើសកម្មភាពលួចប៉ែលត្រាក់ទ័រ ដែលម្ចាស់ដោះទុក ហើយយកត្រាក់ទ័រទៅជួសជុល។

ការឃាត់ខ្លួនជនសង្ស័យរូបនេះបានធ្វើឡើង ដោយយោងតាមពាក្យបណ្ដឹងលេខ០៣ ចុះថ្ងៃទី៥ ខែ ឧសភា ឆ្នាំ២០២១ របស់ជនរងគ្រោះឈ្មោះ ជា គីមសុង ភេទប្រុស អាយុ៣៣ឆ្នាំ រស់នៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

តាមការបញ្ចាក់ពីជនរងគ្រោះបានឲ្យដឹងថា កាលពីថ្ងៃទី១ ខែឧសភា ឆ្នាំ២០២១ ខ្លួនបានដោះប៉ែលរុញខាងមុខនៃត្រាក់ទ័រ ទុកនៅជាប់សាលារៀន ហើយបានយកត្រាក់ទ័រទៅជួសជុលនៅភូមិកូនដំរី ពេលត្រឡប់មកវិញស្រាប់តែបាត់ប៉ែលត្រាក់ទ័រនោះតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យដែលឃាត់ខ្លួនមានឈ្មោះ ភឿង សី ភេទប្រុស អាយុ៤២ឆ្នាំ ស្នាក់នៅភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ នៅវេលាម៉ោង៩យប់ ថ្ងៃទី៥ ខែឧសភា ឆ្នាំ២០២១និងបញ្ជូនមកអាវុធហត្ថស្រុកដើម្បីធ្វើការសួរចម្លើយ។

ជនសង្ស័យបាននិយាយថា ពេលលួចនោះខ្លួននិងបក្សពួកម្នាក់ទៀតឈ្មោះ រ៉ុង បានលើកប៉ែលត្រាក់ទ័រដាក់លើគោយន្តរបស់ឈ្មោះ រ៉ុង ហើយដឹកទៅឲ្យគេ ដោយទទួលបានប្រាក់ស្នួលចំនួន១០ម៉ឺនរៀល ចំណែករូបខ្លួនទទួលបាន៤ម៉ឺនរៀល យកទៅទិញថ្នាំញៀនជក់។

លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសបានឲ្យដឹងថា ការឃាត់ខ្លួនជនសង្ស័យខាងលើ លោកឧត្តមត្រី បោន ប៊ិន មេបញ្ជាការកងរាជអាវុធហត្ថខេត្ត បានឲ្យកម្លាំងជំនាញការិយាល័យព្រហ្មទណ្ឌ អាវុធហត្ថខេត្តបញ្ជូនទៅសាលាដំបូងខេត្តដាក់ទោសទៅតាមផ្លូវច្បាប់៕

អត្ថបទ ៖ វ៉ាន់ ណាង

Related Topics:ឃាត់ខ្លួន ករណីលួច

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា