ពុលស្រា​ស្លាប់​​នៅ​​ស្រុក​ល្វាឯម លទ្ធផល​​វិភាគ​​មក​ពី​មាន​ជាតិ​មេតាណុល​ហួស​កម្រិត

ក្រសួង​សុខាភិបាល​បាន​ធ្វើការ​បញ្ជាក់​ករណី​​​ពុលស្រា​នៅ​ស្រុកល្វាឯម ខេត្តកណ្តាល ដែល​បណ្តាល​ឲ្យ​ជនរងគ្រោះពីរនាក់ស្លាប់​​គឺ​ដោយសារ​ជាតិ​ស្រា​មាន​ជាតិ​មេតាណុលខ្ពស់។

លទ្ធផល​ពី​មជ្ឍមណ្ឌល​ជាតិ​មន្ទីរ​ពិសោធន៍​ក្រសួង​សុខាភិបាល​នៅ​ថ្ងៃ ១៩ ខែ​ឧសភា ឆ្នាំ​២០២១ ដែល​បាន​យក​វត្ថុ​សំណាក​ស្រា ២៨ សំណាក ក្នុង​នោះ​ស្រាថ្នាំ​ ១៥ សំណាក ស្រា​ស ១៣ សំណាក គឺ​មាន​សារធាតុ​មេតាណុល​លើស​កម្រិត​ធំ​ជាង ០,៥ ភាគរយ មាន​ចំនួន ២០ សំណាក ដែល​ធ្វើ​ឲ្យ​ពុល​ ខណៈ​កម្រិត​ធម្មតាមិន​ត្រូវ​លើស​ពី ០,១ ភាគរយ​ឡើយ។

ពាក់ព័ន្ធ​ហេតុការណ៍​ខាង​​លើ ក្រសួង​សុខាភិបាល​សន្និដ្ឋាន​ថា ជនរងគ្រោះ​ដែល​ស្លាប់​ដោយសារ​ពិសា​ស្រា​ស ឬ​ស្រា​ថ្នាំ ដែលមាន​សារជាតិ​មេតាណុល​ខ្ពស់ មិនមែនដោយសារជំងឺកូវីដ-១៩ ទេ៕