ព័ត៌មានជាតិ

រកឃើញអ្នកវិជ្ជមានកូវីដ-១៩ម្នាក់ នៅភូមិព្រាម ឃុំប្រាសាទ ស្រុកព្រះនេត្រព្រះ

បានផុស

៥ years មុន

នៅ

ថ្ងៃអង្គារ ២៥ ឧសភា ២០២១

ដោយ

គ្រូពេទ្យបានរកឃើញអ្នកវិជ្ជមានជំងឺកូវីដ-១៩ ម្នាក់នៅភូមិព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ នៅថ្ងៃទី២៥ ខែឧសភា ឆ្នាំ២០២១ ដែលអ្នកវិជ្ជមានម្នាក់នេះ មកពីខេត្តព្រះសីហនុ ។

នគរបាលស្រុកព្រះនេត្រព្រះបានឲ្យដឹងថា ប្រជាពលរដ្ឋដែលរកឃើញវិជ្ជមានកូវីដ១៩ មានឈ្មោះហ៊ាន ជា ភេទប្រុស អាយុ៣២ឆ្នាំ រស់នៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបញ្ជាក់ឲ្យដឹងបន្តទៀតថា គាត់បានចេញដំណើរពីខេត្តព្រះសីហនុ កាលពីថ្ងៃទី១៨ ខែឧសភា ឆ្នាំ២០២១ ដោយជិះរថយន្តធ្វើដំណើរតាមផ្លូវបាត់ដំបង រួមដំណើរជាមួយអ្នកខេត្តពោធិសាត់ អ្នកទាំងនោះបាននៅធ្វើចត្តាឡីស័កនៅទីនោះទាំងអស់។ រីឯឈ្មោះហ៊ាន ជា នេះ ក្រុមការងារនៅទីនោះបានប្រាប់ថានៅស្រុកឬខេត្តណាឲ្យទៅធ្វើចត្តាឡីស័កនៅស្រុកឬខេត្តនោះទៅ។ នៅពេលគាត់ធ្វើដំណើរមកដល់ស្រុកព្រះនេត្រព្រះ គាត់បានទៅជួបគ្រូពេទ្យស្រុកព្រះនេត្រព្រះ ពេលនោះគ្រូពេទ្យមិនបានធ្វើតេស្តទេ ដោយបានចេញលិខិតឲ្យទៅធ្វើចត្តាឡីស័ក ដោយខ្លួនឯង១៤ថ្ងៃ នៅផ្ទះដល់ថ្ងៃទី២៥ ខែឧសភា គ្រូពេទ្យណាត់ឲ្យមកជួបតាមកាលកំណត់ ពេលគ្រូធ្វើតេស្តរហ័ស លទ្ធផលវិជ្ជមាន ប្រធានមណ្ឌលក្រុមការងារ និងគ្រូពេទ្យបានរាយការណ៍ជូនថ្នាក់លើ ហើយបានបញ្ជូនឈ្មោះ ហ៊ាន ជា ទៅព្យាបាលនៅមន្ទីរពេទ្យបង្អែកខេត្តមិត្តភាព កម្ពុជា ជប៉ុន នៅស្រុកមង្គលបូរីហើយ ៕

អត្ថបទ ៖ វ៉ាន់ ណាង

Related Topics: