ល្ងាចនេះ ពលករខ្មែរនៅប្រទេសម៉ាឡេស៊ី ៨នាក់ មានកុមារផង នឹងមកដល់កម្ពុជាវិញ

លោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា បានឲ្យដឹង នៅព្រឹកថ្ងៃទី២៦ ខែឧសភា នេះថា ដោយមានកិច្ចអន្តរាគមន៍ ពីស្ថានទូតកម្ពុជាប្រចាំនៅប្រទេសម៉ាឡេស៊ី ពលករពលការិនីខ្មែរយើងចំនួន០៦នាក់​ និងកុមារ​០២នាក់ នឹងធ្វើដំណើរត្រឡប់កមមាតុប្រទេសវិញតាមជើងយន្ត​ហោះ​លេខ SQ158 ហើយនឹងមកដល់កម្ពុជានៅ វេលា​ម៉ោង៥ និង៣៥ នាទីល្ងាច ថ្ងៃទី២៦ ខែឧសភា ឆ្នាំ២០២១ នេះ។

បើតាម​លោក កុយ គួង ពលករខ្មែរទាំងនោះ តត្រូវបានស្ថានទូតចេញលិខិតធ្វើដំណើរបណ្តោះអាសន្ន ហើយចំពោះអ្នកដែលគ្មានលិខិតឆ្លងដែន​ និង​ជូនទៅធ្វើតេស្ត​កូវីដ​-១៩ ព្រមទាំង​ជូនដំណើរពួកគាត់ ទៅអាកាសយានដ្ឋាន​អន្តរ​ជាតិ​​​​​​​ KLIA ផង​ដែរ។

សូមបញ្ជាក់ថា កាលពីថ្ងៃទី២១ ខែឧសភា កន្លងទៅថ្មីៗនេះ ស្ថានទូតកម្ពុជាប្រចាំនៅប្រទេសម៉ាឡេស៊ី ក៏បានជួយសម្រប សម្រួលឲ្យពលករខ្មែរចំនួន០៧នាក់ ដែល​បានទៅរស់នៅ និងធនិងធ្វើការខុសច្បាប់នៅប្រទេសម៉ាឡេស៊ី បានត្រឡប់មកមាតុប្រទេសវិញផងដែរ តាមជើងយន្តហោះអាកាសចរណ៍សិង្ហបូរីលេខ SQ158៕

អត្ថបទ៖ កោះកែវ