តុលាការដោះលែងឧត្តម​សេនីយ៍ ហង្ស វណ្ណៈ ក្រោយព្រម​សងប្រាក់វិញជាង ២ ម៉ឺនដុល្លារ

ចៅក្រមសាលាដំបូងរាជធានីភ្នំពេញ កាលពីល្ងាចថ្ងៃទី ២១ ខែមិថុនា ឆ្នាំ២០២១ បានសម្រេចមិនឃុំខ្លួនលោកឧត្តមសេនីយ៍ ហង្ស វណ្ណៈ បន្ទាប់ពីជនត្រូវចោទរូបនេះបានដាក់ប្រាក់តម្កល់ធានាសំណងទៅដើមបណ្ដឹងវិញ។

លោក ឧត្តមសេនីយ៍ទោ ហង្ស វណ្ណៈ អាយុ៤១ ឆ្នាំ ជាមន្ត្រីនគរបាលជាតិ បម្រើការងារនៅក្រសួងមហាផ្ទៃ រស់នៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ត្រូវសមត្ថកិច្ចចាប់ខ្លួន តាមដីកាបង្គាប់ របស់តុលាការពីបទឆបោកប្រាក់ជាង ២ ម៉ឺនដុល្លារ។

ពាក្យបណ្តឹងរបស់ប្រជាពលរដ្ឋម្នាក់ ដែលប្តឹងរូបលោកចោទប្រកាន់ថា បានយក​លុយគេចំនួន ២២ ០០០ ដុល្លារ ទៅរត់ការចូលបម្រើការងារជាមន្ត្រីនគរបាលជាតិ ប៉ុន្តែមិនបានសម្រេចតាមការសន្យា ហើយស៊ីដាច់ប្រាក់ជាង២ម៉ឺនដុល្លារនោះ ព្រមទាំងគេចវេសន៍មិនជួយដោះស្រាយជាមួយម្ចាស់ប្រាក់ទៀត​ផងទើបគេប្ដឹងមកតុលាការ៕