ព័ត៌មានជាតិ
ជើងហោះហើរត្រង់កម្ពុជា-ជប៉ុន ពុំទាន់បើកដំណើរការឡើងវិញនៅឡើយទេ
ស្ថានឯកអគ្គរាជទូតកម្ពុជាប្រចាំប្រទេសជប៉ុនបានឲ្យដឹងថា រដ្ឋាភិបាលជប៉ុនបានប្រកាសបញ្ចប់ការដាក់ភាពអាសន្ននៅទីក្រុងតូក្យូ និងខេត្តចំនួន៨ រួមមានខេត្ត Aichi, Fukuoka, Hiroshima, Hokkaido, Hyogo, Kyoto, Okayama និង Osaka ដោយឡែកនៅសល់តែខេត្តមួយប៉ុណ្ណោះ ដែលបន្តស្ថិតក្រោមការដាក់ភាពអាសន្នរហូតដល់ដើមខែកក្កដា ឆ្នាំ២០២១។
បើតាមស្ថានឯកអគ្គរាជទូតកម្ពុជា ទោះបីជារដ្ឋាភិបាលជប៉ុនបានបញ្ចប់ការដាក់ភាពអាសន្នយ៉ាងណាក្ដី តែពុំទាន់បើកដំណើរការជើងហោះហើរត្រង់ (Direct Flight) រវាងកម្ពុជា និងជប៉ុននៅឡើយទេ ហើយរដ្ឋាភិបាលជប៉ុនពុំទាន់អនុញ្ញាតឲ្យចូល សម្រាប់អ្នកទេសចរ អ្នកស្នាក់នៅរយៈពេលវែង និងអ្នកមកធ្វើការនៅឡើយទេ។
ដោយឡែកសេចក្តីជូនដំណឹងរបស់ស្ថានឯកអគ្គរាជទូតកម្ពុជាប្រចាំប្រទេសជប៉ុន ចំពោះបងប្អូនប្រជាពលរដ្ឋខ្មែរទាំងអស់ ដែលកំពុងរស់នៅធ្វើការ និងសិក្សានៅប្រទេសជប៉ុនចុះថ្ងៃទី២២ ខែមិថុនា នេះបានឲ្យដឹងដែរថា កាលពីថ្ងៃទី២០ ខែមិថុនា ឆ្នាំ២០២១ រដ្ឋាភិបាលជប៉ុនបានបញ្ចប់ការដាក់ភាពអាសន្ននៅទីក្រុងតូក្យូ និងខេត្ត ចំនួន០៨ (Aichi, Fukuoka, Hiroshima, Hokkaido, Hyogo, Kyoto, Okayama, Osaka) លើកលែងតែខេត្តអូគីណាវ៉ា ដែលត្រូវបន្តស្ថិតនៅក្រោមការដាក់ភាពសន្នរហូតដល់ថ្ងៃទី១១ ខែកក្កដា ឆ្នាំ២០២១ ដោយសារតែចំនួននៃការឆ្លង COVID-19 នៅក្នុងខេត្តនេះ មានការធ្លាក់ចុះយឺត និងតម្រូវការស្នាក់នៅមន្ទីរពេទ្យ ដើម្បីទទួលការព្យាជំងឺកូវីដ១៩ នៅមានកម្រិតខ្ពស់នៅឡើយ។
បើតាមស្ថានឯកអគ្គរាជទូតកម្ពុជា ទោះបីជារដ្ឋាភិបាលជប៉ុន បានបញ្ចប់ការដាក់ភាពអាសន្នក៏ដោយ ប្រជាពលរដ្ឋខ្មែរទាំងអស់ ដែលកំពុងស្នាក់នៅប្រទេសជប៉ុន ត្រូវសហការ និងប្រតិបត្តិវិធានការ ទប់ស្កាត់ការឆ្លងជំងឺកូវីដ១៩ បង្កើនស្មារតីប្រុងប្រយ័ត្នខ្ពស់ជានិច្ច និងធ្វើដំណើរក្នុងករណីដែលចាំបាច់។
ជាមួយគ្នានោះ ស្ថានឯកអគ្គរាជទូតកម្ពុជាបានអំពាវនាវដល់បងប្អូនប្រជាពលរដ្ឋ ឲ្យថែរក្សាសុខភាព ប្រកាន់ខ្ជាប់នូវអនាម័យល្អ ពាក់ម៉ាស ចៀសវាងការជួបជុំគ្នាច្រើន រក្សា គម្លាត សុវត្ថិភាព។ ក្នុងករណីបងប្អូនមានចម្ងល់ ឬចង់ប្រឹក្សាយោបល់សូមទាក់ទង៖ ហ្វេសប៊ុកស្ថានទូត Royal Embassy of Cambodia in Japan ឬ ០៨០ ៤៦៨៩ ៩៣៧៤៕
ដោយ ៖ កោះកែវ
ក្រុមហ៊ុនធំៗ ៦ ប្រកាសផ្ដល់ឱកាសការងារថ្មីបន្ថែមទៀត ជិត ៥០០ កន្លែង ក្នុងវេទិកាការងាររបស់ NEA
កម្ពុជាគាំទ្រឡាវជាប្រធានប្តូរវេនអាស៊ានឆ្នាំ ២០២៤នេះ ហើយផ្ដល់ថវិកា ១លានដុល្លារ សម្រាប់រៀបចំកិច្ចប្រជុំ
ទីផ្សារពងទាក្នុងស្រុក កំពុងចួបបញ្ហាតម្លៃធ្លាក់ចុះ ដោយសារការនាំចូលពីក្រៅប្រទេស
អតីតសេដ្ឋិនី វៀតណាម ដែលរងទោសប្រហារជីវិតពីបទឆបោក មានទ្រព្យសកម្មចាយមិនអស់នៅកណ្ដាលក្រុង
ប្រតិបត្តិការត្រួតពិនិត្យយានយន្តដឹកលើសទម្ងន់ ០៩ គ្រឿង បំពាក់ឡូហ្គូ SSP, NC, DN, R និង L.M.H
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល